ନୂଆଦିଲ୍ଲୀ ୧୫|୧୨: ମହାନଦୀ ଜଳବିବାଦ ଟ୍ରିବ୍ୟୁନାଲରେ ଓଡିଶାର ମଧ୍ୟବର୍ତ୍ତିକାଳୀନ ଆବେଦନ ଉପରେ ଶୁଣାଣି ହୋଇଛି । ଆସନ୍ତା ୧୦ ସୁଦ୍ଧା ସତ୍ୟପାଠ ଦାଖଲ ପାଇଁ ଓଡିଶାକୁ ନିର୍ଦ୍ଦେଶ । ଛତିଶଗଡକୁ ପ୍ରତି ଜବାବ ରଖିବାକୁ ମଧ୍ୟ ଟ୍ରିବ୍ୟୁନାଲଙ୍କ ନିର୍ଦ୍ଦେଶ । ଫେବ୍ରୁଆରୀ ୯ରେ ପରବର୍ତ୍ତୀ ଶୁଣାଣି ହେବ । ଫେବ୍ରୁଆରୀ ୯ ରେ ମଧ୍ୟ ମୂଳ ମାମଲାର ଶୁଣାଣି ହେବ ।
କେନ୍ଦ୍ର ସରକାରଙ୍କ ଦ୍ବାରା ଟ୍ରିବ୍ୟୁନାଲ୍ ଗଠନ ହେବା ପରେ ଏହା ଟ୍ରିବ୍ୟୁନାଲ୍ ର ଦ୍ବିତୀୟ ଶୁଣାଣି । ମହାନଦୀ ଜଳ ବିବାଦ ଟ୍ରିବ୍ୟୁନାଲ୍ରେ ଅକ୍ଟେ।ବର ୯ ତାରିଖରେ ଛତିଶଗଡ଼ ଦ୍ବାରା ମହାନଦୀର ଉପର ମୁଣ୍ଡରେ ନିର୍ମାଣ କରାଯାଇଥିବା ୬ଟି ବ୍ୟାରେଜର ନିର୍ମାଣ କାର୍ଯ୍ୟ ଉପରେ ରହିତାଦେଶ ଜାରି କରିବା ପାଇଁ ଓଡ଼ିଶା ଅନ୍ତରୀଣ ଆବେଦନ କରିଥିଲା । ମହାନଦୀ ଟ୍ରିବ୍ୟୁନାଲର ପ୍ରଥମ ଶୁଣାଣିରେ ଓଡ଼ିଶାର ଅନ୍ତରୀଣ ଆବେଦନକୁ ଗ୍ରହଣ କରି ଟ୍ରିବ୍ୟୁନାଲ୍ ଛତିଶଗଡ଼ ସମେତ ୪ ରାଜ୍ୟକୁ ପକ୍ଷ ରଖିବା ପାଇଁ ନିର୍ଦ୍ଦେଶ ଜାରି କରିଥିଲେ। ଚଳିତମାସ ୩ ତାରିଖରେ ଛତିଶଗଡ଼ ଓ ମହାରାଷ୍ଟ୍ର ଦ୍ବାରା ମହାନଦୀ ଜଳବିବାଦ ଟ୍ରିବ୍ୟୁନାଲ୍ରେ ଓଡ଼ିଶାର ଅନ୍ତରୀଣ ଆବେଦନ ଉପରେ ସତ୍ୟପାଠ ଦାଖଲ କରାଯାଇଥିଲା । ଉଭୟ ରାଜ୍ୟ ଓଡ଼ିଶା ଆବେଦନକୁ ଖାରଜ କରିବା ପାଇଁ ସତ୍ୟପାଠରେ ଉଲ୍ଲେଖ କରାଯାଇଥିଲା। ସମସ୍ତ ପକ୍ଷଙ୍କ ଦ୍ବାରା ଟ୍ରିବ୍ୟୁନାଲ୍ ନିର୍ଦ୍ଦେଶ ଅନୁସାରେ ଜବାବ ଦାଖଲ କରାଯାଇଥିବାରୁ ଆଜି ଟ୍ରିବ୍ୟୁନାଲ୍ ପ୍ରଥମେ ଓଡ଼ିଶାର ମଧ୍ୟବର୍ତ୍ତିକାଳୀନ ଆବେଦନର ଶୁଣାଣି କରିଛନ୍ତି ।
