Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ମହାନଦୀର ଜଳଧାରଣ କ୍ଷମତା ବୃଦ୍ଧି ଲାଗି ଆରମ୍ଭ ହୋଇଥିବା ଖନନ କାର୍ଯ୍ୟରେ ମନ୍ଥରତା

17/09/2019 at 6:35 PM

କଟକ୧୭|୯; ମହାନଦୀର ଜଳଧାରଣା କ୍ଷମତାକୁ ବଢାଇବା ଲାଗି ଯେଉଁ ପରିକଳ୍ପନା ହୋଇଛି, ତାହା ବାଧାପ୍ରାପ୍ତ ହେବାର ଆଶଙ୍କା ମଧ୍ୟ ଦେଖାଦେଇଛି । କାରଣ ଚଳିତ ବର୍ଷ  ଲଗାତର ବର୍ଷା  ଜାରି ରହିଛି  ଏବଂ ନଦୀରେ ପାଣି ମଧ୍ୟ ଭରା । ସେପଟେ ଗତ ଗ୍ରୀଷ୍ମରୂତୁରେ ନଦୀ ଖନନ କାର୍ଯ୍ୟ କେତେକାଂଶରେ ଆଗେଇ ଯାଇଥିଲା, କିନ୍ତୁ ଏବେ ସେହି କାର୍ଯ୍ୟ ଯେମିତି ଧୀମେଇ ଯାଇଛି ।  

ଭାଦ୍ରବ ଯାଇ ଆଶ୍ବୀନ ହେଲାଣି । ଆଉ  ମହାନଦୀକୁ ଦେଖିଲେ ଲାଗୁଛି , ସତେ ଯେମିତି ନଦୀରେ ପୁରା ଭରା ପାଣି । କିନ୍ତୁ ମହାନଦୀ ଉପରେ ନିର୍ଭର କରୁଥିବା ଧୀବର ମାନେ କୁହନ୍ତିଯେ. ନଦୀ ପୁରିଲା ଭଳି ଦେଖାଯାଉଥିଲେ ବି ନଦୀର ଅଧିକାଂଶ ଭାଗରେ କେବଳ ବାଲି ଭର୍ତ୍ତି ହୋଇ ରହିଛି । ଏହି ବାଲିକୁ  ବାହାର  କରିବା ନିହାତି ଜରୁରୀ  ବୋଲି ଧୀବର ଏବଂ ବିଶେଷଜ୍ଞଙ୍କ  ମତ । ନଚେତ ଭବିଷ୍ୟତରେ ନହାନଦୀର ଚିତ୍ର ବଦଳିଯିବାଟା ନିଶ୍ଚିତ । ତେବେ ମହାନଦୀର ଜଳଧାରଣା ଶକ୍ତି ବଢାଇବା ଲାଗି ଗତ ମାର୍ଚ୍ଚରୁ ନଦୀ ଶଯ୍ୟା ଖନନ କାମ ଆରମ୍ଭ ହୋଇଛି । ହାଇକୋର୍ଟଙ୍କ ନିର୍ଦ୍ଦେଶକ୍ରମେ  ଯୋବ୍ରା ବ୍ୟାରେଜ ଠାରୁ ଏହି କାମ ଆରମ୍ଭ  ହୋଇଥିଲେ ବି  ବର୍ତ୍ତମାନ ସୁଦ୍ଧା କାମ ଯେତିକି ଆଗେଇବା କଥା ତାହା ହୋଇପାରିନାହିଁ । ଚଳିତ ବର୍ଷ ଲଗାଣ ବର୍ଷା ଯୋଗୁଁ  ନଦୀ ଶଯ୍ୟା ଖନନରେ ବାଧା ସୃଷ୍ଟି କରିଛି ।

 କଟକ ହାଡିଆ ପଠାରୁ ପାରାଦ୍ବୀପ ସ୍ଥିତ ଆଇ ଓ ସି ଏଲ ତୈଳବିଶୋଧନାଗାରକୁ ମହାନଦୀର  ପାଣି ଯାଉଛି । ତେବେ ମହାନଦୀ ପାଣି ନେବା ଲାଗି କିଛି ସର୍ତ୍ତ ଆଧାରରେ ଆଇ ଓ ସି ଏଲକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ । ସର୍ତ୍ତ ଭିତ୍ତିରେ ମହାନଦୀର ଶଯ୍ୟା ଖନନ ଖନନ ଲାଗି  ଚେନ୍ନାଇ ଆଇ ଆଇ ଟି ବିଶେଷଜ୍ଞଙ୍କ ଦ୍ୱାରା ଡି ପି ଆର ପ୍ରସ୍ତୁତ ହୋଇଥିଲା । ତାହାକୁ  କାର୍ଯ୍ୟକାରୀ କରୁଛନ୍ତି ଡ୍ରେନଜ ଡିପାର୍ଟମେଣ୍ଟ ।  କିନ୍ତୁ ଗତ ଗ୍ରୀଷ୍ଣରୂତୁରେ ଯେତିକି ପରିମାଣର କାମ ହୋଇଥିଲା, ଏବେ ସେହି ଅନୁସାରେ କାର୍ଯ୍ୟ ହୋଇପାରୁନାହିଁ । ତେବେ  ସେଥିଲାଗି ଉନ୍ନତ ମାନର ଡ୍ରୋଜର ମଗାଯାଇଛି, ସେସବୁ ଖୁବଶୀଘ୍ର ଆସିବ ବୋଲି ଆଶା ।

ମହାନଦୀ ଗର୍ଭରୁ ବାହାରୁ ଥିବା ବାଲି ସବୁକୁ ଏବେ ରିଙ୍ଗବନ୍ଧ କଡରେ ଢଳା ଯାଉଛି । କିନ୍ତୁ ଭବିଷ୍ୟତରେ ସେହି ବାଲି କେଉଁ କାର୍ଯ୍ୟରେ ଲାଗିବ ସେ ନେଇ ବିଭାଗୀୟ ଅଧିକାରୀ ମାନେ କିଛି କହିନାହାଁନ୍ତି ।

   Related Posts