ମଧ୍ୟପ୍ରଦେଶ ୧୩/୧୧: ଭାରତରେ ଲକ୍ଷ ଲକ୍ଷ ମନ୍ଦିର ଅଛି। ଏଥିମଧ୍ୟରୁ ଏପରି ଅନେକ ମନ୍ଦିର ଅଛି, ଯାହା ନିଜ ଭିତରେ ଅନେକ ପ୍ରକାରର ରହସ୍ୟ ସଂରକ୍ଷଣ କରି ରଖିଛି। ଏହା ବ୍ୟତୀତ, ସମସ୍ତ ମନ୍ଦିରଗୁଡ଼ିକର ସ୍ୱତନ୍ତ୍ର ପରିଚୟ ଏବଂ ମହତ୍ତ୍ୱ ରହିଛି। ମଧ୍ୟପ୍ରଦେଶର ରତଲାମରେ ଏପରି ଏକ ମା ମହାଲକ୍ଷ୍ମୀ ମନ୍ଦିର ରହିଛି। ଯାହା ଅନେକ ରହସ୍ୟରେ ପରିପୂର୍ଣ୍ଣ । ଏଠାକୁ ଆସୁଥିବା ଭକ୍ତମାନେ ଲଡୁ କିମ୍ବା କୌଣସି ଖାଦ୍ୟ ସାମଗ୍ରୀ ପ୍ରସାଦ ଭାବରେ ପାଆନ୍ତି ନାହିଁ, ବରଂ ସେମାନଙ୍କୁ ସୁନା-ରୂପା ଅଳଙ୍କାର ଦିଆଯାଏ।
ଏଠାରେ ପ୍ରତିଦିନ ଭକ୍ତଙ୍କ ଭିଡ ଜମିଥାଏ। ଏହି ମନ୍ଦିରରେ ଭକ୍ତମାନଙ୍କର ଗଭୀର ବିଶ୍ୱାସ ରହିଛି। ଏହି କାରଣରୁ ଭକ୍ତମାନେ ଏଠାରେ ପ୍ରତିଦିନ ମା ମହାଲକ୍ଷ୍ମୀଙ୍କୁ କୋଟି କୋଟି ଟଙ୍କା ମୂଲ୍ୟର ଅଳଙ୍କାର ସହିତ ଟଙ୍କା ପ୍ରଦାନ କରନ୍ତି। ମନ୍ଦିରକୁ ଆସୁଥିବା ପ୍ରତ୍ୟେକ ଭକ୍ତଙ୍କୁ ପ୍ରସାଦ ଭାବରେ ସୁନା, ରୂପା ମୁଦ୍ରା ଏବଂ ଅଳଙ୍କାର ଦିଆଯାଏ।
ଦିପାବଳୀ ଅବସରରେ ଏହି ମନ୍ଦିରରେ କୁବେରଙ୍କ ଦରବାର ଅନୁଷ୍ଠିତ ହୋଇଥାଏ। ଏହି ସମୟରେ, ପାଞ୍ଚ ଦିନ ଧରି ମନ୍ଦିରରେ ଦୀପୋତ୍ସବ ଆୟୋଜିତ ହୋଇଥାଏ। ମନ୍ଦିରକୁ ଫୁଲରେ ନୁହେଁ ବରଂ ଟଙ୍କା ଏବଂ ଅଳଙ୍କାରରେ ସଜାଯାଏ। କୁବେରଙ୍କ ଦରବାରରେ ସୁନା-ରୂପା ଅଳଙ୍କାର ଏବଂ ଟଙ୍କା ଭକ୍ତମାନଙ୍କୁ ପ୍ରସାଦ ରୂପେ ଦିଆଯାଏ।
