Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

କମେଣ୍ଟମରା ଓ ଅଶ୍ଲୀଳ ଇଙ୍ଗିତରୁ ଗଡିଲା ଦୁଇ ମୁଣ୍ଡ, ତିନି ଗୁରୁତର

24/09/2019 at 7:42 PM

ସମ୍ବଲପୁର ୨୪ ।୦୯ – ଗାଁ ଦାଣ୍ଡରେ ୪ ଭାଇଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ । ଏଥିରେ ୨ ଭାଇଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୨ ଜଣ ଗୁରୁତର ଆହତ ହୋଇଛନ୍ତି ।ସମ୍ବଲପୁର ଯୁଯୁମରା ଥାନା ଭଣ୍ଡାରିମାଲ ଗାଁରେ ଏହି ହତ୍ୟାକାଣ୍ଡ ଘଟିଛି । ତେବେ ଗାଁରେ ବାରମ୍ବାର ଝିଅ ବୋହୁଙ୍କୁ ଅଶ୍ଲୀଳ ଇଙ୍ଗିତ କରିବା ସହିତ ଅସଦାଚରଣ କରୁଥିବା ୪ ଭାଇଙ୍କ ବିରୋଧରେ ଲୋକଙ୍କର ପୁଞ୍ଜିଭୂତ ଅସନ୍ତୋଷରୁ ଏହି ହତ୍ୟାକାଣ୍ଡ ଘଟିଥିବା କଳ୍ପନାଜଳ୍ପନା ଚାଲିଛି ।

ବିଭତ୍ସ ଦୃଶ୍ୟ ।ଗାଁ ଦାଣ୍ଡରେ ପଡ଼ିଛି ମୃତଦେହ । ଦେହଠୁ ଅଲଗା ହୋଇଯାଇଛି ଗୋଡ଼ । ରାସ୍ତାରେ ଭାସୁଛି ରକ୍ତ । ଏମିତି ଦୃଶ୍ୟ ଦେଖିବାକୁ ମିଳିଛି ସମ୍ବଲପୁର ଯୁଯୁମରା ଥାନା ଭଣ୍ଡାରିମାଲ ଗାଁରେ । ଗାଁ ଦାଣ୍ଡରେ ହଣାକଟାରେ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୩ ଜଣ ଗୁରୁତରଙ୍କୁ ବୁର୍ଲା ବଡ଼ ମେଡିକାଲରେ ଭର୍ତ୍ତି କରାଯାଇଛି । ଗୁରୁତରଙ୍କ ଭିତରୁ ଜଣଙ୍କର ଅବସ୍ଥା ସଂକଟାପନ୍ନ ରହିଛି । ଗାଁରେ ଉତ୍ତେଜନା ଲାଗି ରହିଥିବାରୁ ୨ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଥିବା ବେଳେ ଅତିରିକ୍ତ ଏସ୍‌ପି ଉପସ୍ଥିତ ରହି ପରିସ୍ଥିତି ଉପରେ ନଜର ରଖିଛନ୍ତି । ୪ ଜଣଙ୍କୁ ପୋଲିସ ଅଟକ ରଖିଛି।

ଏପରି ଭୟଙ୍କର ଆକ୍ରମଣ ପଛରେ ରହିଛି ଗୋଷ୍ଠୀ କନ୍ଦଳ, ଏକ ନିର୍ଦ୍ଦିଷ୍ଟ ଗୋଷ୍ଠୀର ଯୁବକଙ୍କ ପ୍ରତି ଗାଁ ଲୋକଙ୍କର ପୁଞ୍ଜିଭୂତ ଅସନ୍ତୋଷ । ଗାଁର ମହିଳାମାନଙ୍କ ପ୍ରତି ବାରମ୍ବାର ଅସଦାଚରଣ ଏବଂ ଦୀର୍ଘବର୍ଷ ଧରି ଗାଁରେ ଚାଲିଥିବା ଆତଙ୍କରାଜ ବିରୋଧରେ ଏହି ଘଟଣା ଘଟିଛି ବୋଲି ଗୋଟିଏ ଗୋଷ୍ଠୀ କହିଛନ୍ତି । ସେମାନଙ୍କ କହିବା ଅନୁଯାୟୀ  ଗାଁର ଦିଲ୍ଲେଶ୍ବର ଭୋଇ, ବିଦ୍ୟାଧର ଭୋଇ, ବିଭୁତି କୁମୁରା ଓ ସେମାନଙ୍କ ଗୋଷ୍ଠୀ  ଆତଙ୍କରାଜ ସୃଷ୍ଟି କରି ଆସୁଥିଲେ । ଗତ ୨୨ ତାରିଖରେ ପୁଅ ଜିଉନ୍ତିଆରେ ନନ୍ଦଲାଲ ଭୋଇଙ୍କ ଝିଅକୁ ଗାଁର ଦିଲେଶ୍ବର ଭୋଇ ଏବଂ ତାଙ୍କ ସମର୍ଥକ ମାନେ କମେଣ୍ଟ ମାରି ଅସଦାଚରଣ କରିଥିଲେ । ତେବେ ନନ୍ଦଲାଲ ଏ ସଂପର୍କରେ ଦିଲେଶ୍ବରଙ୍କୁ ପଚାରିବାରୁ ଗଣ୍ଡଗୋଳ ବଢ଼ିଥିଲା । ଦିଲେଶ୍ବର ଭୋଇ ତାଙ୍କ ସମର୍ଥକ ନନ୍ଦଲାଲ ଭୋଇଙ୍କ ଗୋଡ଼କୁ ଟାଙ୍ଗିଆରେ ହାଣି ଦେଇଥିଲେ ।ଏହାପରେ ନନ୍ଦଲାଲଙ୍କ ସମର୍ଥକ ମାନେ ପ୍ରତି ଆକ୍ରମଣ କରିଥିଲେ।

ଏହି ହତ୍ୟାକାଣ୍ଡ ପରେ ଗାଁରୁ ଅଧିକାଂଶ ପୁରୁଷ ଫେରାର ହୋଇଯାଇଛନ୍ତି। ଲୋକେ ଆତଙ୍କିତ ଅବସ୍ଥାରେ ଅଛନ୍ତି ।

   Related Posts