ଭଦ୍ରକ, ୧୪/୧୧: ଭଦ୍ରକ ଜିଲ୍ଲା ମଦ୍ରାସା ଶିକ୍ଷକ ସଂଘ ତରଫରୁ ପୁରୁଣାବଜାର ଚୌଖଣ୍ଡି ମଝାର ନିକଟରେ ମାଗଣା ସ୍ୱାସ୍ଥ୍ୟ ଶିବିର ଆୟୋଜିତ ହୋଇଛି । ନିୟୁ ଡେ ମେଡିକେୟାରର ସହଯୋଗରେ ଆୟୋଜିତ ଏହି ମାଗଣା ସ୍ୱାସ୍ଥ୍ୟ ଶିବିରର ବହୁ ଡାକ୍ତର ଯୋଗ ଦେଇ ମାଗଣା ସ୍ୱାସ୍ଥ୍ୟ ପରୀକ୍ଷା କରାଇଛନ୍ତି ।
ଏହି ସ୍ୱାସ୍ଥ୍ୟ ଶିବିରରେ ଚକ୍ଷୁ, ରକ୍ତଚାପ ସହ ସ୍ନାୟୁ ଜନିତ ରୋଗର ପରୀକ୍ଷା କରିବା ସହ ଚିକିତ୍ସା କରାଯାଇଛି । କାର୍ଯ୍ୟକ୍ରମ ପରେ ନିଟ୍ ପରୀକ୍ଷାରେ କୃତକାର୍ଯ୍ୟ ହୋଇଥିବା ଛାତ୍ର ମୁର୍ଷିଦ ଖାନଙ୍କୁ ମଦ୍ରାସା ଶିକ୍ଷକ ସଂଘ ତରଫରୁ ସମ୍ବର୍ଦ୍ଧିତ କରାଯାଇଛି ।