ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ପବିତ୍ର ଶ୍ରୀକ୍ଷେତ୍ର ଭଉଁରୀ : ଅଖ ଚକ ଡେରା ନୀତି ସଂପନ୍ନ
  • ||
  • କୁତବ ମୀନାର ପରିସରରେ ଖନନ ସହ ଆଇକନୋଗ୍ରାଫି କରିବାକୁ ଏଏସ୍‌ଆଇକୁ ସଂସ୍କୃତି ମନ୍ତ୍ରାଳୟର ନିର୍ଦ୍ଦେଶ
  • ||
  • ସ୍ୱିଜରଲାଣ୍ଡରେ ବିଶ୍ୱ ଅର୍ଥନୈତିକ ମଞ୍ଚର ବାର୍ଷିକ ସମ୍ମିଳନୀ : ମହାମାରୀରୁ ମୁକ୍ତି ପାଇଁ ବାଟ ବାହାର କରିବେ ବିଶ୍ୱନେତା
  • ||
  • ମ୍ୟାଚ୍ ପୂର୍ବରୁ ରନ୍ ଅପ୍ ଯାଞ୍ଚ କଲେ ଅର୍ଜୁନ ତେନ୍ଦୁଲକର : କିନ୍ତୁ ଚୂଡାନ୍ତ ଏକାଦଶରେ ମିଳିଲାନି ଏଣ୍ଟ୍ରି
  • ||

ଖବର କାଗଜ କରୋନା ଭୂତାଣୁ ବହନକାରୀ ଯୁକ୍ତିକୁ ଗ୍ରହଣ କଲେନି ମାଡ୍ରାସ ହାଇକୋର୍ଟ: ଆବେଦନକାରୀଙ୍କୁ ପରାମର୍ଶ ଗବେଷଣା କରି ପ୍ରମାଣ ଦିଅ

10/04/2020 at 6:20 PM

ଚେନ୍ନାଇ ୧୦।୦୪: ମାଡ୍ରାସ୍ ହାଇକୋର୍ଟ ଗୁରୁବାର ଦେଶବ୍ୟାପୀ ଜାରି ଲକ୍‌ଡାଉନ୍‌ ସମୟରେ ସଞ୍ଚାଳନ ଜାରି ରଖିବା ପାଇଁ ଛାପା ଗଣମାଧ୍ୟମକୁ ଦିଆଯାଇଥିବା ଅନୁମତି ବିରୋଧରେ ଦାୟର ଏକ ଯାଚିକାକୁ ଖାରଜ କରିଛନ୍ତି। ଏଥି ସହ ଏହି ତର୍କକୁ ମଧ୍ୟ ଖାରଜ କରିଛନ୍ତି ଯେ, ଖବର କାଗଜ  କରୋନା ଭାଇରସ୍ ସମ୍ଭାବିତ ବାହକ। ଅଦାଲତ କହିଛନ୍ତି, ଛାପା ଗଣମାଧ୍ୟମର ପ୍ରକାଶନ ଉପରେ ରୋକ୍‌ ଲଗାଇବା ନାଗରିକଙ୍କ ମୌଳିକ ଅଧିକାର ବିରୋଧୀ ଅଟେ।

ଜଷ୍ଟିସ ଏନ କିରୁବାକରଣ ଓ ଆର ହେମଲତାଙ୍କ ପୀଠ କହିଛନ୍ତି ଯେ, ଏ ପର୍ଯ୍ୟନ୍ତ କୌଣସି ନିର୍ଣ୍ଣାୟକ ପ୍ରମାଣ ମିଳିନାହିଁ ଯଦ୍ଵାରା ଏହା ସାବ୍ୟସ୍ତ ହୋଇ ପାରିବ ଯେ, ଖବର କାଗଜ ଜରିଆରେ ସଂକ୍ରମଣ ବ୍ୟାପିବାର ବିପଦ ରହିଛି। ଏଥିପାଇଁ ମାତ୍ର ଆଶଙ୍କାକୁ ଦୃଷ୍ଟିରେ ରଖି ଖବର କାଗଜ ପ୍ରକାଶନ ଉପରେ ରୋକ୍ ଲଗାଇବା ଆଧାର ହୋଇ ପାରିବ ନାହିଁ, କାରଣ ଏହା ମୌଳିକ ଅଧିକାରକୁ ମଧ୍ୟ କ୍ଷୂର୍ଣ୍ଣ କରୁଛି।

ଭାଇରୋଲୋଜିଷ୍ଟ ଟି ଗଣେଶ କୁମାର ନିଜର ଯାଚିକାରେ ଜର୍ମାନୀ ଓ ୟୁନାଇଟେଡ୍ କିଙ୍ଗଡମରେ କରାଯାଇଥିବା ଅନେକ ଗବେଷଣାର ତର୍କ ଦେଇ ଦାବି କରିଛନ୍ତି ଯେ, ଦ ପେପର ଏବଂ ଖବର କାଗଜ ଦ ହିନ୍ଦୁ ଅନୁସାରେ ଖବର କାଗଜ କରୋନା ଭାଇରସର ସମ୍ଭାବିତ ବାହକ ହୋଇ ପାରନ୍ତି। ଏହା ଉପରେ ବିଚାରପତି କହିଛନ୍ତି ଯେ, ସେହି ସବୁ ଦେଶ ତ ଖବର କାଗଜର ପ୍ରକାଶନ ଉପରେ ରୋକ୍ ଲଗାଇ ନାହାନ୍ତି। ତେଣୁ ଏହାକୁ ସାବ୍ୟସ୍ତ କରିବାକୁ ହେଲେ ଅଧିକ ଗବେଷଣା ଦରକାର।

ଅଦାଲତ ଖୋଦ୍ ଭାଇରୋଲୋଜିଷ୍ଟ ଦ୍ଵାରା ପ୍ରସ୍ତୁତ ଗବେଷଣାର ଉଲ୍ଲେଖ କରିଛନ୍ତି ଯେ, ସମାଚାର ପତ୍ର ଜରିଆରେ ସଂକ୍ରମଣର ସମ୍ଭାବନା ଖୁବ୍ କମ ରହିଛି। ଲୋକଙ୍କ ମନରେ କୌଣସି ଆଶଙ୍କା ନାହିଁ ଯେ ଖବର କାଗଜ ଜରିଆରେ କରୋନା ଭାଇରସ୍ ବ୍ୟାପିବ। ଅଦାଲତ କହିଛନ୍ତି ଏହା ସାବ୍ୟସ୍ତ କରିବାକୁ ହେଲେ ଅଧିକ ଗବେଷଣାର ଆବଶ୍ୟକତା ରହିଛି ଯେ, ଭାଇରସ୍ ସମାଚାର ପତ୍ର ମାଧ୍ୟମରେ ସହଜରେ ବ୍ୟାପିଥାଏ।

   Related Posts