ଡେଲାଙ୍ଗ ୨୭/୪: ପ୍ରେମବିବାଦକୁ କେନ୍ଦ୍ର କରି ମଧ୍ୟସ୍ଥି କରୁଥିବା ଯୁବକକୁ ନିର୍ମମ ହତ୍ୟା । ପୁରୀ ଜିଲ୍ଲା କଣାସ ଗଡ଼ିଶା ଗୋଦା ଥାନା ବ୍ରାହ୍ମଣ ପାଟଣା ଗାଁରେ ଘଟିଛି ଏଭଳି ଘଟଣା । ସୋମବାର ବିଳମ୍ବିତ ରାତିରେ ଘଟିଛି ଏଭଳି ବିଭତ୍ସ ହତ୍ୟାକାଣ୍ଡ । ପୋଲିସ ଘଟଣାସ୍ଥଳରେ ପହଞ୍ଚି ତନାଘନା ଚଳାଇଛି ।
ସୂଚନାଯୋଗ୍ୟ କୈାଣସି କାମରେ ଦିବ୍ୟସିଂହ ପୁର ପଞ୍ଚାୟତର ବ୍ରାହ୍ମଣପାଟଣା ଯାଇଥିଲେ ମୃତ ଦିଲ୍ଲୀପ୍ । ତେବେ ପୂର୍ବ ଶତୃତାକୁ କେନ୍ଦ୍ର କରି ଜଣେ ଯୁବକଙ୍କ ସହ ଦିଲ୍ଲୀପଙ୍କ କଥା କଟାକଟି ହୋଇଥିଲା । ସାମାନ୍ୟ କଥା କଟା କଟିରୁ ଯୁବକ ଜଣଙ୍କ ଏକ ଧାରୁଆ ଅସ୍ତ୍ରରେ ଦିଲ୍ଲୀପକୁ ଆକ୍ରମଣ କରିଥିଲେ । ଫଳରେ ଘଟଣାସ୍ଥଳରେ ହିଁ ଟଳିପଡିଥିଲେ ଦିଲ୍ଲୀପ । ପରେ ରାସ୍ତା କଡରେ ମୃତଦେହ ଫୋପାଡି ସେଠାରୁ ଚମ୍ପଟ ମାରିଥିଲା ଅଭିଯୁକ୍ତ ଯୁବକ । ପୋଲିସ ସୂଚନା ପାଇ ଗଡିଶାଗୋଦାରେ ପହଞ୍ଚି ମୃତଦେହ ଜବତ କରି ତଦନ୍ତ କରୁଛି ।
