Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ରାଜନୀତି ଛାଡିବେ କମଳନାଥ ! ରାଲିରେ ଦେଲେ ଏପରି ସଙ୍କେତ, କହିଲେ-‘ଏବେ ମୁଁ ବିଶ୍ରାମ ଚାହୁଁଛି’

14/12/2020 at 5:14 PM

ଭୋପାଳ ୧୪/୧୨ : ମଧ୍ୟ ପ୍ରଦେଶରେ ପ୍ରଥମେ ସରକାର ଭୁଶୁଡିବା ପରେ ଉପ-ନିର୍ବାଚନରେ ମଧ୍ୟ ପରାଜୟ ବରଣ କରିଛି କଂଗ୍ରେସ । ଏହାରି ମଧ୍ୟରେ ପୂର୍ବତନ ମୂଖ୍ୟମନ୍ତ୍ରୀ କମଳନାଥ ବଡବୟାନ ଦେଇଛନ୍ତି ।  ରବିବାର ଛିଦଓ୍ବାଡାରେ ଏକ ରାଲିକୁ ସମ୍ବୋଧିତ କରିବା ଅବସରରେ କମଳନାଥ ରାଜନୀତି ଛାଡିବାକୁ ସଙ୍କେତ ଦେଇଛନ୍ତି । ସେ ମଞ୍ଚରେ କହିଛନ୍ତି ‘ ଏବେ ମୁଁ ଆରାମ କରିବାକୁ ଚାହୁଁଛି । ମୁଁ ଅନେକ କିଛି ହାସଲ କରିଛି ’ ।

କଂଗ୍ରେସ ଦଳ ମଧ୍ୟରୁ କମଳନାଥଙ୍କ ବିରୁଦ୍ଧରେ କୁହୁଳୁଥିବା ନିଆଁ ଭିତରେ ତାଙ୍କର ଏହି ବୟାନ ମଧ୍ୟ ପ୍ରଦେଶ ରାଜନୀତିରେ ହଟଚମଟ ସୃଷ୍ଟି କରିଛି । ତେବେ କମଳନାଥ କେବଳ ପଦ ଛାଡିବାକୁ ଚାହୁଁଛନ୍ତି କି ରାଜନୀତିରୁ ସନ୍ୟାସ ନେବାକୁ ଚାହୁଁଛନ୍ତି ତାହା ଜଣାପଡିନାହିଁ ।

କମଳନାଥ ଏବେ ମଧ୍ୟ ପ୍ରଦେଶ ବିଧାନସଭା​‌ରେ ବିରୋଧି ଦଳ ନେତା ସହିତ କଂଗ୍ରେସର ପ୍ରଦେଶ ଅଧ୍ୟକ୍ଷ ମଧ୍ୟ ଅଛନ୍ତି । ତେବେ କିଛି ଦିନ ପୂର୍ବରୁ ଅନୁଷ୍ଠିତ ହୋଇଥିବା ଉପ-ନିର୍ବାଚନରେ କଂଗ୍ରେସର ପରାଜୟ ପରେ ଅନେକ ନେତା ଖୋଲାଖୋଲି ଭାବେ କମଳନାଥଙ୍କ ଉପରେ ଭୁଲ ରଣନୀତି ଅଭିଯୋଗ ଆଣି ଅସନ୍ତୋଷ ବ୍ୟକ୍ତ କରିଥିଲେ ।

ରାଜ୍ୟରେ ଦଳର ନେତାମାନେ ଲଗାତାର ଭାବେ କହିଆସୁଛନ୍ତି ଯେ, ଏବେ ଦଳରେ ଯୁବ ନେତୃତ୍ବଙ୍କ ଆବଶ୍ୟକତା ରହିଛି । ରାଜ୍ୟରେ କଂଗ୍ରେସକୁ ସୁଦୃଢ କରିବାକୁ ହେଲେ ଜଣେ ଲୋକପ୍ରିୟ ତେନୃତ୍ବଙ୍କୁ ଦାୟିତ୍ବ ନେବାକୁ ପଡିବ ବୋଲି ଅନେକ ଦାବି କରୁଛନ୍ତି । ଗତ ସାଧାରଣ ନିର୍ବାଚନରେ ମୁଖ୍ୟମନ୍ତ୍ରୀ ପଦ ପାଇଁ କମଳନାଥ ଏବଂ ଜ୍ୟୋର୍ତିଆଦିତ୍ୟ ସିନ୍ଧିଆଙ୍କ ମଧ୍ୟରେ ବିବାଦ ଦେଖାଯାଇଥିଲା । ତେବେ ସେତେବେଳେ କମଳନାଥଙ୍କୁ ମୁଖ୍ୟମନ୍ତ୍ରୀ ପଦ ଦିଆଯାଇଥିଲା ।

ଏହାର କିଛି ଦିନ ପରେ ଜ୍ୟୋର୍ତିଆଦିତ୍ୟ ସିନ୍ଧିଆ କଂଗ୍ରେସ ଛାଡି ବିଜେପିରେ ଯୋଗ ଦେଇଥିଲେ । ସିନ୍ଧିଆ ବିଜେପିରେ ମିଶିବା ପରେ ମଧ୍ୟ ପ୍ରଦେଶ କଂଗ୍ରେସର କିଛି ବିଧାୟକ ମଧ୍ୟ କଂଗ୍ରେସ ଛାଡି ଗେରୁଆ ଦଳ​‌ରେ ସାମିଲ ହୋଇଥିଲେ । ଯାହ ଫଳରେ ମଧ୍ୟ ପ୍ରଦେଶରେ କଂଗ୍ରେସ ସରକାରର ପତନ ଘଟିଥିଲା ।

   Related Posts