Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ମୁଣ୍ଡଳୀ ବ୍ୟାରେଜରେ ଫସିଥିବା ହାତୀକୁ ଉଦ୍ଧାର ବେଳେ ଓଲଟିଲା ଓଡ୍ରାଫ୍ ବୋଟ୍
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ଧକ୍‌ଧକ୍ ଗାର୍ଲ ବିବାହ ପରେ ଦେଇଥିଲେ ଦେବଦାସ୍ ଭଳି ହିଟ୍ : ହାପି ବାର୍ଥଡେ ମାଧୁରୀ

15/05/2020 at 11:55 AM

ମୁମ୍ବାଇ ୧୫/୫: ବଲିଉଡରେ ଆଜି ଅନେକ ଅଭିନେତ୍ରୀ ଏପରି ଅଛନ୍ତି ଯେଉଁମାନେ ବିବାହ ପରେ ମଧ୍ୟ ଇଣ୍ଡଷ୍ଟ୍ରିରେ ସକ୍ରିୟ ଅଛନ୍ତି। ଏପରି ଏକ ସମୟ ଥିଲା ଯେତେବେଳେ ବିବାହ କଲେ ଅଭିନେତ୍ରୀଙ୍କ କ୍ୟାରିୟର ଶେଷ ବୋଲି କୁହାଯାଉଥିଲା। କିନ୍ତୁ ମାଧୁରୀ ଦୀକ୍ଷିତ ବିବାହ ପରେ ମଧ୍ୟ ସିନେମା ଜଗତକୁ ଫେରିଥିଲେ। ସେ କେବଳ ଫିଲ୍ମ ଇଣ୍ଡଷ୍ଟ୍ରିକୁ ଫେରିଲେ ନାହିଁ ବରଂ ଭଲ ଫିଲ୍ମ ମଧ୍ୟ ଦେଇଥିଲେ।

ମେ ୧୫ ଅର୍ଥାତ୍ ଆଜି ମାଧୁରୀ ନିଜର ୫୩ତମ ଜନ୍ମଦିନ ପାଳନ କରୁଛନ୍ତି। ଆଜି ସେ ନିଜ ସ୍ବାମୀ ଶ୍ରୀରାମ ନେନେଙ୍କ ସହ ପାରିବାରିକ ଜୀବନରେ ଖୁସି ଅଛନ୍ତି। ଯେତେବେଳେ ସେ ସିନେମା ଛାଡ଼ି ବିବାହ କରିବାକୁ ନିଷ୍ପତ୍ତି ନେଇଥିଲେ ସେତେବେଳେ ଲୋକଙ୍କୁ ଲାଗିଥିଲା ଯେ ତାଙ୍କର କ୍ୟାରିୟର ସରିଗଲା।

ମାଧୁରୀ ଏକ ସାକ୍ଷାତକାରରେ କହିଥିଲେ ଯେ ଯେତେବେଳେ ସେ ବିବାହ କରିଥିଲେ ସବୁ କିଛି ଜଲଦି ହୋଇଥିଲା। କିନ୍ତୁ ଫେରିବାର କଥା ଯେତେବେଳେ ପଡ଼ିଥିଲା ସେତେବେଳେ ବହୁତ କାରଣ ଏଥିରେ ଥିଲା। ସେ ଏମିତି ଫେରିବାକୁ ନିଷ୍ପତ୍ତି ନେଇନଥିଲେ।

ମାଧୁରୀ କହିଥିଲେ ଯେ ତାଙ୍କ ବାପା ମାଆ ଚାହୁଁଥିଲେ ଯେ ସେ ଭାରତ ଫେରି ଆସନ୍ତୁ। ଏହା ସହିତ ସେ ନିଜ ପିଲାଙ୍କ ବିଷୟରେ ଭାବିଥିଲେ କାରଣ ସେମାନେ ଏବେ ଛୋଟ ଅଛନ୍ତି ବଡ଼ ହୋଇ ଯଦି ଭାରତ ଫେରିବାକୁ ନ ଚାହାନ୍ତି।

ସେ ଯେତେବେଳେ ଫିଲ୍ମ ଦେଢ଼ ଇସ୍କିୟାଁ ବିଷୟରେ ଶୁଣିଲେ ତାଙ୍କୁ ସ୍କ୍ରିପ୍ଟ ପସନ୍ଦ ଆସିଥିଲା। ସେ ଫିଲ୍ମର ପଛ ପାର୍ଟ ପ୍ରତି ଇମ୍ପେସ୍ ଥିଲେ। ତେଣୁ ସେ ଏହି ଫିଲ୍ମ କରିବାକୁ ଚାହୁଁଥିଲେ।

ମାଧୁରୀ ଭାରତରେ ନିଜର ଡାନ୍ସ ଏକାଡେମୀ ଚଲାନ୍ତି। ସେ ସାକ୍ଷାତକାରରେ କହିଥିଲେ ଯେ ତାଙ୍କୁ ଡାନ୍ସକୁ ନେଇ ଯେଉଁ ପ୍ୟାଶନ୍ ଥିଲା ସେ ଏହାକୁ ଜାରି ରଖିବାକୁ ଚାହୁଁଥିଲେ। ଏହି କାରଣ ଯୋଗୁଁ ସେ ଡାନ୍ସ ଏକାଡେମୀ ବିଷୟରେ ଚିନ୍ତା କରିଥିଲେ।

ମାଧୁରୀ ବିବାହ ପରେ ନିଜ ଯାଦୁଗରୀ ଅଭିନୟରେ ପୁଣି ଥରେ ଦର୍ଶକଙ୍କ ହୃଦୟ ଜିତିଥିଲେ।

   Related Posts