Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୬ ଛୁଇଁଲା ମୃତକଙ୍କ ସଂଖ୍ୟା
  • ||
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଶୁଦ୍ଧିକରଣ ପାଇଁ ଏଠାରେ ବ୍ରାହ୍ମଣଙ୍କ ଅଇଁଠା ପତ୍ର ଉପରେ ଶୁଅନ୍ତି ଦଳିତ

18/06/2019 at 5:50 PM

ନେଟଫ୍ଲିକ୍ସରେ ଏବେ ଏକ ନୂଆ ସିରିଜ ଆରମ୍ଭ ହୋଇଛି ଯାହାର ଟାଇଟଲ ହେଉଛି ଲୈଲା । ଏହି ସିରିଜରେ ମହିଳାମାନଙ୍କୁ ଅଇଁଠା ପତ୍ରରେ ଶୋଇବାକୁ ବାଧ୍ୟ କରାଯାଇଥାଏ । ଶୁଦ୍ଧିକରଣ ନାଁରେ ଏହିଭଳି କରାଯାଇଥାଏ । କର୍ଣ୍ଣାଟକରେ ଏହିଭଳି ଏକ ପ୍ରଥା ରହିଛି । ପ୍ରଥା ଅନୁଯାୟୀ ଦଳିତମାନେ ବ୍ରାହ୍ମଣଙ୍କ ଅଇଁଠା ପତ୍ରରେ ଶୋଇଥାନ୍ତି । ଏହାକୁ ମଡ଼େ ସ୍ନାନ ବା ଛେପ ସ୍ନାନ ବୋଲି କୁହାଯାଏ ।

ନିଜର କୃତ କର୍ମରୁ ମୁକ୍ତି ପାଇବା ପାଇଁ ଦଳିତଙ୍କୁ ଏହିଭଳି କରିବାକୁ କୁହାଯାଇଥାଏ । ବ୍ରାହ୍ମଣଙ୍କ ଅଇଁଠା ପତ୍ରରେ ଶୋଇବା ଦ୍ୱାରା ତାଙ୍କ ପାପରୁ ତାଙ୍କୁ ମୁକ୍ତି ମିଳିବ ବୋଲି କୁହାଯାଉଥିଲା । ଏହାସହ ଚର୍ମ ରୋଗ ଏବଂ ଅନ୍ୟାନ୍ୟ ରୋଗ ମଧ୍ୟ ଦୂର ହୋଇଯିବ ବୋଲି କୁହାଯାଇଥାଏ । ଏହି ପ୍ରଥା ପ୍ରତିବର୍ଷ ନଭେମ୍ବର ମାସରୁ ଡିସେମ୍ବର ମାସରେ ହୋଇଥାଇ । ଏହି ପ୍ରଥାରେ ପାଖାପାଖି ୨୫ ହଜାର ଲୋକ ଅଂଶଗ୍ରହଣ କରିଥାନ୍ତି । 

କର୍ଣ୍ଣାଟକର ଦକ୍ଷିଣ କନାରା ଜିଲ୍ଲାରେ କୁକେ ସୁବ୍ରମନ୍ୟା ତୀର୍ଥସ୍ଥଳୀରେ ଚମ୍ପା ଶାସ୍ତି ବା ସୁବ୍ରମନ୍ୟା ଶାସ୍ତି ଅବସରରେ ମଡ଼େ ସ୍ନାନ ଆୟୋଜନ କରାଯାଇଥାଏ । କୁକେ ସୁବ୍ରମନ୍ୟା ମନ୍ଦିରରେ ୯ ମୁଣ୍ଡ ବିଶିଷ୍ଟ ସାପର ମୂର୍ତ୍ତିକୁ ଭଗବାନ ସୁବ୍ରମନ୍ୟାଙ୍କ ନାଁରେ ପୂଜା କରାଯାଏ । ଏହି ତିର୍ଥସ୍ଥଳ ୪ ହଜାର ବର୍ଷ ପୁରୁଣା ।

ଏହି ପ୍ରଥା ସମ୍ପର୍କରେ କିଛି ସୂଚନାକାରୀ କହିଛନ୍ତି ଯେ, ସାପ ଗାତରୁ ବାହାରୁଥିବା ମଇଳାରେ ରୋଗମୁକ୍ତ କରିବା କ୍ଷମତା ଅଛି । ଏହିଭଳି ଭାବେ ଏହି ପରମ୍ପରା ଆରମ୍ଭ ହୋଇଥିବା ନେଇ ଆଶଙ୍କା କରାଯାଉଛି । କିନ୍ତୁ ପରେ ଏହାକୁ ବୈଦିକ ପରମ୍ପରା ନାଁ ଦେଇ ବ୍ରାହ୍ମଣମାନେ ଲୋକମାନଙ୍କୁ ନିୟନ୍ତ୍ରଣ କରିବା ଆରମ୍ଭ କରିଥିଲେ ।

ଗତ କିଛି ବର୍ଷ ହେଲା ମଡ଼େ ସ୍ନାନ ପ୍ରଥାର ବିରୋଧ କରାଯାଇଥିଲା । ବିରୋଧ ପରେ ଏହାକୁ ଇଦେ ସ୍ନାନ ନାଁ ଦିଆଯାଇଥିଲା । ଇଡେ ସ୍ନାନରେ ଲୋକେ ଅଇଁଠା ପତ୍ରରେ ନ ଶୋଇ ପ୍ରସାଦ ରଖାଯାଇଥିବା ପତ୍ରରେ ଶୋଇଥାନ୍ତି । କିନ୍ତୁ ଗତବର୍ଷ ପଲିମରୁ ମଠ ଉଭୟ ପ୍ରଥାକୁ ରଦ୍ଦ କରିଦେଇଥିଲେ ।

   Related Posts