Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ବେଆଇନ୍ ମଦ ବିକ୍ରିକୁ ମହିଳାଙ୍କ ବିରୋଧ, ରୋକ୍‌ଠୋକ୍‌ ଜଣାଇଦେଲେ ଆଗକୁ ଆନ୍ଦୋଳନ

8/08/2020 at 9:13 AM

ଚନ୍ଦାହାଣ୍ଡି୦୮।୦୮: ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକରେ ଦିନକୁ ଦିନ ଚୋରା ଦେଶୀ ଓ ବିଦେଶୀ ମଦ କାରବାର ବୃଦ୍ଧି ପାଇବାରେ ଲାଗିଛି । ମଦ କାରବାର ବନ୍ଦ ପାଇଁ ବହୁବାର ଦାବି କରାଯାଉଛି। ଏପରିକି ବେଆଇନ ମଦ କାରବାର ବନ୍ଦ ସମ୍ପର୍କରେ ବହୁବାର ଗଣମାଧ୍ୟମରେ ଖବର ପ୍ରକାଶ ପାଇଛି। କିନ୍ତୁ ଅବକାରୀ ବିଭାଗ ନିଦାବିଷ୍ଣୁ ସାଜିଥିବାରୁ ବ୍ୟବସାୟୀ ମାନେ ବେଧଡକ ମଦ କାରବାର ଚଳାଉଛନ୍ତି । ଯାହାଦ୍ୱାରା ଦିନକୁ ଦିନ ଅସାମାଜିକ କାର୍ଯ୍ୟକଳାପ ବୃଦ୍ଧି ହୋଇ ପରିବାର ଭିତରେ ତିକ୍ତତା  ଲାଗିରହୁଛି। ଏହାସହିତ ଗାଁ ଗୁଡିକରେ ଆଇନ ଶୃଙ୍ଖଳା ପରିସ୍ଥିତି ବିଗିଡିବାରେ ଲାଗିଛି । ଏଭଳି କିଛି ଅଭିଯୋଗ କରି ଆଜି ଚନ୍ଦାହାଣ୍ଡି ସଦର ପଞ୍ଚାୟତ ଜୁନାପାଣି ଗ୍ରାମର ସଖ୍ୟାଧିକ ମହିଳା ଏକ ଶୋଭାଯାତ୍ରାରେ ଆସି ଚନ୍ଦାହାଣ୍ଡି ଥାନାରେ ଲିଖିତ ଅଭିଯୋଗ କରିଛନ୍ତି ।

ଜୁନାପାଣି ଗ୍ରାମର ଭୀମସେନ ଡଙ୍ଗରୀ ଆଜକୁ ଦିର୍ଘ ଦିନଧରି ଚୋରା ମଦ ବ୍ୟବସାୟ ଚଳେଇ ଆସୁଥିବା ବେଳେ କରୋନା ମହାମାରୀ ସମୟରେ ଏହାର ମାତ୍ରା ବଢିଯାଇଛି। ଜୁନାପାଣି ଏକ ଆଦିବାସୀ ବହୁଳ ଗ୍ରାମ ହୋଇ ଥିବା ବେଳେ ଅଧିକାଂଶ ଲୋକ କୁଲି ମଜୁରୀ କରି ନିଜର ଜୀବିକା ନିର୍ବାହ କରିଥାନ୍ତି । ତେବେ ଏଠାରେ ଚୋରା ମଦଭାଟି ଖୋଲିବା ଦିନ ଠାରୁ ସମସ୍ତଙ୍କ ଜୀବନ ଜୀବିକା ଏକ ପ୍ରକାର ଉଜୁଡି ଯାଇଛି । ଛୋଟ ପିଲା ଠାରୁ ଆରମ୍ଭ କରି ବୁଢା ପର୍ଯ୍ୟନ୍ତ ନିଜର ସମସ୍ତ ଉପାର୍ଜନକୁ ମଦ ପିଇବାରେ ଖର୍ଚ୍ଚ କରି ଦେଉଥିବା ବେଳେ ଗ୍ରାମର ଅଧିକାଂଶ ପରିବାର ସର୍ବଶାନ୍ତ ହୋଇ ପଡିଛନ୍ତି ।

ମଦ ଦୋକାନକୁ ବନ୍ଦ କରିବା ସହ ଅସାଧୁ ମଦ ବ୍ୟବସାୟୀଙ୍କୁ ଗିରଫ କରିବାକୁ ମହିଳା ମାନେ ଦାବି କରିଛନ୍ତି । ନଚେତ ଏକ ସପ୍ତାହ ମଧ୍ୟରେ ଥାନା ଘେରାଉ କରାଯିବ ବୋଲି ଚେତାବନୀ ଦେଇଛନ୍ତି । ଏହି ଦାବିପତ୍ର ପ୍ରଦାନ ସମୟରେ ନମତି ମାଝୀ, ପ୍ରମିଳା ମାଝୀ, ହରାବତୀ ମାଝୀ, ଭାନୁମତି ମାଝୀ, ପୁଷ୍ପା ମାଝୀ, ଦୁର୍ମିଳା ମାଝୀ, ଲଛମତି ମାଝୀ, ସୁଷିଳା ମାଝୀ, ଚମ୍ପା ମାଝୀ, ଲାଲଦେଇ ମାଝୀ, ବିମଲେ ମାଝୀ, କମଳା ମାଝୀ, ରମା ମାଝୀ, ଭଜମଣି ମାଝୀ, କେଶରୀ ମାଝୀ, ନେପୁର ଦେଇ, ଡମନି ମାଝୀ, ରାଇମତି ମାଝୀ, ରତ୍ନା ମାଝୀ, ମୁଙ୍ଗେ ମାଝୀ, ଚମରେନ ମାଝୀ ପ୍ରମୁଖ ଉପସ୍ଥିତ ରହିଥିଲେ ।

   Related Posts