ଚଣ୍ଡିଖୋଲ, ୦୧|୦୬ : ମାଛ ଗାଡି ଦୁର୍ଘଟଣା ଗ୍ରସ୍ତ । ଯାଜପୁର ଜିଲ୍ଲା ଦେଇ ଯାଇଥିବା ୧୬ ନମ୍ବର ଜାତୀୟ ରାଜପଥର ଚଣ୍ଡିଖୋଲ ଛକ ନିକଟରେ ଏହି ଦୁର୍ଘଟଣା ଘଟିଛି ।
ସୂଚନା ଅନୁସାରେ, କଟକ ଆଡୁ ଏକ ମାଛ ବୋଝେଇ ଗାଡି ବାଲେଶ୍ୱର ଅଭିମୁଖେ ଯାଉଥିଲା । ତେବେ ଚଣ୍ଡିଖୋଲ ଛକ ନିକଟରେ ଆଗରେ ଯାଉଥିବା ଏକ ଟ୍ରକକୁ ଏହା ଧକ୍କା ଦେବା ଫଳରେ ମାଛ ବୋଝେଇ ଗାଡିଟି ଦୁର୍ଘଟଣା ଗ୍ରସ୍ତ ହୋଇଛି । ଡ୍ରାଇଭର ଗାଡିରେ ଚାପି ହୋଇ ରହିଥିବା ବେଳେ ଚଣ୍ଡିଖୋଲ ଅଗ୍ନିଶମ ବାହିନୀ ପହଁଚି ତାଙ୍କୁ ଗୁରୁତର ଅବସ୍ଥାରେ ବଡ଼ଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛି ।
ଦୁର୍ଘଟଣାଗ୍ରସ୍ତ ଗାଡି ଟିକୁ ଚଣ୍ଡିଖୋଲ ଫାଣ୍ଡି ପୋଲିସ ଅଟକ ରଖି ଘଟଣାର ଅଧିକ ତଦନ୍ତ ଚଳାଇଛି।