ସୁନ୍ଦରଗଡ, ୦୯।୦୯ : ସୁନ୍ଦରଗଡ ଜିଲ୍ଲା ରାଜଗାଙ୍ଗପୁରର ବିଶିଷ୍ଟ ଲୁଗା ବ୍ୟବସାୟୀ କମଲ ଅଗ୍ରୱାଲଙ୍କ ଘରେ ଡକାୟତି । ବିଳମ୍ବିତା ରାତିରେ ଘରେ ପଶି ଟଙ୍କା ଓ ସୁନାଗହଣା ଲୁଟି ନେଲେ ୭ ଦୁର୍ବୃତ୍ତ ।
ସୂଚନାନୁସାରେ, ରାଜଗାଙ୍ଗପୁର ସହରର ମୁଖ୍ୟ ମାର୍ଗରେ କମଳ ଅଗ୍ରୱାଲଙ୍କ ଶ୍ରୀ ବସ୍ତ୍ରମ ନାମକ ଏକ ଲୁଗା ଦୋକାନ ରହିଛି । ଲୁଗା ଦୋକାନକୁ ଲାଗି ତାଙ୍କ ଘର ମଧ୍ୟ ରହିଛି । ତେବେ ଲୁଟେରାମାନେ ଘରେ ପଶୁଥିବାର ଦୃଶ୍ୟ ସିସିଟିଭିରେ କଏଦ ହୋଇଛି । ଲୁଟେରାମାନେ କମଲଙ୍କ ଘରୁ ୫ଲକ୍ଷ ଟଙ୍କା ଓ ୧୨ଲକ୍ଷର ସୁନା ଅଳଙ୍କାର ଲୁଟ କରିଥିବା ସେ ଅଭିଯୋଗ କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ସିସିଟିଭି ଆଧାରରେ ଘଟଣାର ତଦନ୍ତ ଆରମ୍ଭ କରିଛି ।