Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଅନଲାଇନ ଲୁଡୁ ଖେଳରୁ ଆରମ୍ଭ ହେଲା ବନ୍ଧୁତା, ଘରେ କାହାକୁ କିଛି ନକହି ନୋଏଡାରୁ ଗୁଜୁରାଟ ପଳାଇଲେ ନାବାଳିକା, ତାପରେ…

15/10/2020 at 6:14 PM

ନୋଏଡା, ୧୫ ।୧୦:  ଅନଲାଇନ୍ ଲୁଡୁ ଖେଳରୁ ହୋଇଗଲା ବନ୍ଧୁତା । ବନ୍ଧୁତା ଏତେ ନିବିଡ ହେଲା ଯେ ଯୁବକଙ୍କୁ ଭେଟିବାକୁ ଗୁଜୁରାଟ ଚାଲିଗଲେ ନାବାଳିକା । ଏପରି ଏକ ଘଟଣା ଦେଖିବାକୁ ମିଳିଛି ନୋଏଡାରେ ।

ସୂଚନାନୁସାରେ, ନୋଏଡାର ସେକ୍ଟର ୫୮ରେ ରୁହନ୍ତି ଜଣେ ୧୭ ବର୍ଷୀୟା ନାବାଳିକା । ସେ ଗତ କିଛିଦିନ ଧରି ଅନଲାଇନରେ ଲୁଡୁ ଖେଳୁଥିଲେ । ଅନଲାଇନ୍ ଲୁଡୁ ଖେଳିବା ସମୟରେ ତାଙ୍କର ପରିଚୟ ଜଣେ ଯୁବକଙ୍କ ସହ ହୋଇଥିଲା ।  ଏହାପରେ ଆରମ୍ଭ ହୋଇଥିଲା ବନ୍ଧୁତା । ପ୍ରଥମେ ଚାଟିଂ ଓ ପରେ ମୋବାଇଲ ଓ ହ୍ୱାଟସଆପ୍ ନମ୍ବର ଦିଆନିଆ । ତେବେ ହଠାତ ଗତ ୧୨ ତାରିଖରେ ନାବାଳିକାଜଣଙ୍କ ଘରୁ କୁଆଡେ ଚାଲିଯାଇଥିଲେ । ପରିବାର ଲୋକେ ଚିନ୍ତାରେ ପଡିଗଲେ ।

ବହୁ ଖୋଜାଖୋଜି ପରେ ଝିଅର ପତ୍ତା ନପାଇ ପରିବାର ଲୋକେ ପୋଲିସର ଦ୍ୱାରସ୍ଥ ହୋଇଥିଲେ । ପୋଲିସ ତଦନ୍ତ ପରେ ଯାହା ଜାଣିଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା । ନାବାଳିକାଜଣଙ୍କ ଘରେ କାହାକୁ କିଛି ନକହି ନୋଏଡାରୁ ଗୁଜୁରାଟ ପଳାଇଥିଲେ ।ଅନଲାଇନରୁ ହୋଇଥିବା ଏହି ବନ୍ଧୁଙ୍କୁ ଭେଟିବା ପାଇଁ ସେ ଟ୍ରେନରେ ଗୁଜୁରାଟ ପଳାଇଥିଲେ । ପୋଲିସ ନମ୍ବର ଟ୍ରାକ୍ କରି ନାବାଳିକାଙ୍କୁ ଠାବ କରିଥିଲା ।

ପୋଲିସ ସଂପୃକ୍ତ ଯୁବକଙ୍କୁ ପଚରାଉଚରା କରିବା ପରେ ସେ ସବୁ ସତ ମାନିଯାଇଥିଲେ । ନାବାଳିକାଜଣଙ୍କ କେଉଁ ଟ୍ରେନରେ ନୋଏଡାରୁ ଗୁଜୁରାଟ ଆସିଥିଲେ ସବୁ କଥା ଯୁବକଜଣଙ୍କ ପୋଲିସକୁ କହିଥିଲେ । ପୋଲିସ ସମସ୍ତ ତଥ୍ୟ ଆଧାରରେ ନାବାଳିକାଙ୍କୁ ନୋଏଡା ଫେରାଇ ଆଣିଛି । ଯୁବକଜଣଙ୍କ ନିଜେ ନାବାଳିକାଙ୍କୁ ପୋଲିସ ନିକଟରେ ପହଁଚାଇଥିଲେ । ଏହାପରେ ପୋଲିସ ନାବାଳିକାଙ୍କୁ ନିଜ ପରିବାର ଲୋକଙ୍କୁ ହସ୍ତାନ୍ତର କରିଛି ।

   Related Posts