Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଡ ଘରେ ‘ଭିନେ’ କଳି : ହିନ୍ଦୁଜା ୪ ଭାଇଙ୍କ ସମ୍ପର୍କରେ ଆତ୍ମୀୟ ବାଧକ, ମାମଲା କୋର୍ଟରେ
  • ||
  • କାନପୁର ଟେଷ୍ଟ : କିଓ୍ୱି ବୋଲରଙ୍କ ଦମଦାର ବୋଲିଂ, ପ୍ରଥମ ଇନିଂସରେ ଭାରତ ୩୪୫ରେ ଅଲଆଉଟ୍
  • ||
  • ପଦାର୍ପଣ ଟେଷ୍ଟରେ ଶ୍ରେୟସ ଆୟରଙ୍କ ଦମଦାର ଶତକ, ନିରାଶ କଲେ ରିଦ୍ଧିମାନ ଶାହ ଓ ଅକ୍ଷର ପଟେଲ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୧୯ କରୋନା ସଂକ୍ରମିତ, ୧୦୪୮୨୨୮ରେ ପହଞ୍ଚିଲା ସଂଖ୍ୟା
  • ||
  • ଜନ୍ମହେଲା ୨ ମୁଣ୍ଡିଆ ଶିଶୁ, ହସ୍ପିଟାଲରେ ଛାଡି ଫେରାର ହୋଇଗଲେ ବାପା-ମାଆ
  • ||
  • ମାତିଲେ ଝାଡଖଣ୍ଡୀ ହାତୀପଲ, ନଷ୍ଟକଲେ ଧାନ ଫସଲ
  • ||
  • ଟ୍ରକ୍ ସହ ଧକ୍କା ହେଲା କିଙ୍ଗଫିସର ବସ୍, ଏକାଧିକ ଯାତ୍ରୀ ଆହତ
  • ||
  • ଗଜପତିରେ ଅପରେସନ ଗ୍ରୀନ୍ କ୍ଲିନ୍, ୧୪ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଅପରେସନ ନୀଳ ଜହର : ୧୫ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ପଦାର୍ପଣ ଟେଷ୍ଟରେ ଶ୍ରେୟସଙ୍କ ଦମଦାର ବ୍ୟାଟିଂ, ଭାଙ୍ଗିଲେ ଗାଭାସ୍କରଙ୍କ ରେକର୍ଡ
  • ||

ଟ୍ରକରେ ଲଦା ହୋଇଥିବା ସିଲିଣ୍ଡର ଗୋଟିଏ ପରେ ଗୋଟିଏ ଫାଟୁଥିଲା, ଆକାଶକୁ ଉଠୁଥିଲା ନିଆଁ ପିଣ୍ଡୁଳା, ଭିଡିଓ ଦେଖିଲେ ଭୟରେ ଥରିବ ଛାତି

29/09/2020 at 4:20 PM

ଭୋପାଳ ୨୯।୦୯: ମଧ୍ୟ ପ୍ରଦେଶର ହୋଶଙ୍ଗାବାଦରେ ଏଲପିଜିର ୩୦୦ ସିଲିଣ୍ଡରରେ ଲଦା ଏକ ଟ୍ରକରେ ନିଆଁ ଲାଗିବାରୁ ବଡ ଧରଣର  ବିସ୍ଫୋରଣ ଘଟିଛି। ଟ୍ରକରେ ଥିବା ସିଲିଣ୍ଡର ଗୋଟିଏ ପରେ ଗୋଟିଏ ଫୁଟି ଚାଲିଥିଲା। ବିସ୍ଫୋରଣର ଶବ୍ଦ ଏତେ ଜୋର ଥିଲା ଯେ ଅନେକ କିଲୋମିଟର ପର୍ଯ୍ୟନ୍ତ ଏହାର ଶବ୍ଦ ଶୁଣିବାକୁ ମିଳିଥିଲା ଏବଂ ପୂରା ଅଞ୍ଚଳ ଦୋହଲି ଉଠିଥିଲା। ଆକାଶକୁ ଖାଲି ନିଆଁ ପିଣ୍ଡୁଳା ଉଠୁଥିଲା।

ଏହି ଘଟଣା ମଙ୍ଗଳବାର ଭୋର ସକାଳେ ଘଟିଛି। ହୋଶଙ୍ଗାବାଦର ବାବଇ ଟାଉନରେ ଏକ ପୋଲକୁ ଅତିକ୍ରମ କରିବା ସମୟରେ ଟ୍ରକରେ ନିଆଁ ଲାଗିଥିଲା। ଦେଖୁ ଦେଖି ଗୋଟିଏ ପରେ ଗୋଟିଏ ସିଲିଣ୍ଡର ଫୁଟିବାରେ ଲାଗିଥିଲା। ବାବଇ ପୋଲିସ  ଷ୍ଟେସନର ଥାନା ଅଧିକାରୀ ଆଶିଷ ପାଓ୍ଵାର କହିଛନ୍ତି ଘଟଣାରେ କାହାରି ମୃତାହତ ଘଟିନାହିଁ। ଟ୍ରକ ଚାଳକ ସଠିକ୍ ସମୟରେ ଗାଡିରୁ ଡେଇଁ ନିଜର ଜୀବନ ବଞ୍ଚାଇବାରେ ସକ୍ଷମ ହୋଇଛନ୍ତି।

ସେ କହିଛନ୍ତି ପୋଲରେ ଉଭୟ ପାର୍ଶ୍ଵରେ ଯାତାୟାତ ବନ୍ଦ କରି ଦିଆଯାଇଛି। ଦମକଳ ବିଭାଗ ସହିତ ସ୍ଥାନୀୟ ଲୋକଙ୍କ ସହଯୋଗରେ ନିଆଁକୁ ଆୟତ କରାଯାଇଛି। ଏହା ଜଣା ପଡିନାହିଁ ଟ୍ରକରେ ନିଆଁ କେମିତି ଲାଗିଲା। ପାଓ୍ଵାର କହିଛନ୍ତି ପ୍ରାରମ୍ଭିକ ତଦନ୍ତରୁ ଜଣା ପଡିଛି ଯେ, ଟ୍ରକରେ ୩୦୦ ସିଲିଣ୍ଡର ଲଦା ହୋଇଥିଲା। ହେଲେ ସଠିକ୍ ସଂଖ୍ୟା ତୈଳ କମ୍ପାନୀର ଅଧିକାରୀଙ୍କ ସହ ଯୋଗାଯୋଗ କଲେ ମିଳି ପାରିବ।

ଜୋରରେ ବିସ୍ଫୋରଣ କାରଣରୁ ଅଞ୍ଚଳରେ ଭୟର ମାହୋଲ ଖେଳି ଯାଇଥିଲା। ବିସ୍ଫୋରଣର ଶବ୍ଦ ଅନେକ ଦୂର ଶୁଭିଥିଲା। ଏହି ସମୟରେ ରାସ୍ତାରେ ଥିବା କିଛି ଲୋକ ଏହି ଘଟଣାର ଦୃଶ୍ୟ ମୋବାଇଲରେ କଏଦ କରିଛନ୍ତି। ଘଟଣାର ଅନେକ ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି। ପୋଲିସ ଘଟଣାରେ ମାମଲା ରୁଜୁ କରି ତଦନ୍ତ ଆରମ୍ଭ କରି ଦେଇଛି।

   Related Posts