ନୂଆଦିଲ୍ଲୀ ୦୧।୦୪:  ସାରାଦେଶରେ କରୋନା ସ୍ଥିତି ନେଇ ୨୧ଦିନିଆ ଲକ୍‌ଡାଉନ୍‌ ଘୋଷଣା କରାଯାଇଛି । ତେବେ ଲକ୍‌ଡାଉନ୍‌ ସମୟରେ ସାଧାରଣଲୋକଙ୍କ ପାଇଁ ଆଶ୍ବସ୍ତିର ଖବର ଆସିଛି । ଲକଡାଉନ୍ ସମୟ ମଧ୍ୟରେ LPG ସିଲିଣ୍ଡର ମୂଲ୍ୟ ହ୍ରାସ ପାଇଛି । ଇଣ୍ଡେନଙ୍କ ୱେବସାଇଟରେ ଦିଆଯାଇଥିବା ସୂଚନା ଅନୁଯାୟୀ, ଦିଲ୍ଲୀରେ ୧୪.୨ କିଲୋଗ୍ରାମ ଅଣ ସବସିଡିଯୁକ୍ତ ସିଲିଣ୍ଡରର ମୂଲ୍ୟ ୭୪୪ ଟଙ୍କା ହୋଇଛି। ଏହାପୂର୍ବରୁ ଏହି ସିଲିଣ୍ଡରର ମୂଲ୍ୟ ଦିଲ୍ଲୀରେ ୮୦୫.୫୦ ଟଙ୍କା ଥିଲା। ଏହି ପରିପ୍ରେକ୍ଷୀରେ, ଦିଲ୍ଲୀର ସବସିଡି ନଥିବା ସିଲିଣ୍ଡର ୬୧.୫୦ ଟଙ୍କା ଶସ୍ତା ହୋଇଛି। ସେହିଭଳି ଅଣ ସବସିଡିଯୁକ୍ତ ସିଲିଣ୍ଡରର ମୂଲ୍ୟ କୋଲକାତାରେ ୭୭୪.୦ ଟଙ୍କା, ମୁମ୍ବାଇରେ ୭୧୪.୫୦ ଟଙ୍କା ଏବଂ ଚେନ୍ନାଇରେ ୭୬୧.୫୦ ଟଙ୍କା ବୃଦ୍ଧି ପାଇଛି ଯାହା ପୂର୍ବରୁ ୮୩୯.୫୦,୭୭୬.୫୦ ଟଙ୍କା ଏବଂ ୮୨୬ ଟଙ୍କା ଥିଲା।

{"id":244380,"sizeSlug":"large"}

ଏହା ଲଗାତାର ଦ୍ୱିତୀୟ ମାସ, ଯେତେବେଳେ LPG ମୂଲ୍ୟ ହ୍ରାସ ପାଇଛି । ଫେବୃଆରୀରେ ଶେଷ ଥର ପାଇଁ LPG ମୂଲ୍ୟ ବୃଦ୍ଧି କରାଯାଇଥିଲା।ସେତେବେଳେ ଦେଶର ରାଜଧାନୀ ଦିଲ୍ଲୀରେ ୧୪ କିଲୋଗ୍ରାମ ଗ୍ୟାସ ସିଲିଣ୍ଡରର ମୂଲ୍ୟ ୧୪୪.୫୦ ଟଙ୍କା ବୃଦ୍ଧି କରାଯାଇଥିଲା। ଏଥିସହିତ କୋଲକାତାରେ ୧୪୯ ଟଙ୍କା, ମୁମ୍ବାଇରେ ୧୪୫ ଟଙ୍କା ଏବଂ ଚେନ୍ନାଇରେ ୧୪୬ ଟଙ୍କା ବୃଦ୍ଧି ଘଟିଛି।

{"id":189349,"sizeSlug":"large"}

ଅଣ ସବସିଡି ବ୍ୟତୀତ ବାଣିଜ୍ୟିକ ସିଲିଣ୍ଡରର ମୂଲ୍ୟ (୧୯ କିଲୋଗ୍ରାମ) ମଧ୍ୟ ୯୬ ଟଙ୍କା ହ୍ରାସ କରାଯାଇଛି। ବାଣିଜ୍ୟିକ ସିଲିଣ୍ଡରଗୁଡ଼ିକ ବର୍ତ୍ତମାନ ଦିଲ୍ଲୀରେ ୧୨୮୫ ଟଙ୍କା ହେବ। ଏଥି ସହିତ ଚେନ୍ନାଇରେ ଏହି ସିଲିଣ୍ଡରର ମୂଲ୍ୟ ୧୪୦୨ ଟଙ୍କା ରହିଛି। ଏଥି ସହିତ, ପାଞ୍ଚ କିଲୋଗ୍ରାମ ସିଲିଣ୍ଡର ମଧ୍ୟ ୨୧.୫୦ ଟଙ୍କା ହ୍ରାସ ହେବା ପରେ ୨୮୬.୫୦ ଟଙ୍କାକୁ ହ୍ରାସ ପାଇଛି।