Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||

ବିଶ୍ଵସ୍ଥ ଓ ସଚ୍ଚୋଟତାର ଜୀବନ୍ତ ଉଦାହରଣ : ନଦୀରେ ଡେଇଁ ଆତ୍ମହତ୍ୟା କଲେ ମାଲିକ, ୪ଦିନ ଯାଏଁ ପୋଲ ଉପରେ ଅପେକ୍ଷାରେ କୁକୁର

9/06/2020 at 12:23 PM

ବେଜିଙ୍ଗ ୦୯/୦୬ : କୁକୁର ସବୁଠାରୁ ବିଶ୍ଵସ୍ଥ ଓ ସଚ୍ଚୋଟ | ସେ କେବେ ମଧ୍ୟ ଧୋକା ଦେଇନଥାଏ | କୁକୁର ମଣିଷର ସବୁଠାରୁ ଭଲ ବନ୍ଧୁ | ଏହାର ଏକା ଜୀବନ୍ତ ଉଦାହରଣ ଚୀନରେ ଦେଖିବାକୁ ମିଳିଛି | ଚୀନର ବୁହାନ ସହରରେ ଏକ କୁକୁରଙ୍କ କାହାଣୀ ଆପଣଙ୍କୁ ମଧ୍ୟ ଭାବବିହ୍ୱଳ କରିଦେବ | କୁକୁରର ଭିଡିଓ ସୋସିଆଲ ମିଡ଼ିଆରେ ବହୁତ ଭାଇରାଲ ହେଉଛି | କୁକୁରର ମାଲିକ ଏକ ନଦୀରେ ଡେଇଁ ଆତ୍ମହତ୍ୟା କରିଛନ୍ତି | ମାଲିକ ତ ଆତ୍ମହତ୍ୟା କରି ଆରପାରିକୁ ଚାଲିଗଲେ କିନ୍ତୁ କୁକୁର ଏକା ରହିଗଲା | ସେ ୪ ଦିନ ହେଲା ନଦୀର ସେହି ପୋଲ ଉପରେ ନିଜ ମାଲିକକୁ ଅପେକ୍ଷା କରିଛି ଯେଉଁଠାରୁ ତା ମାଲିକ ଡେଇଁ ଆତ୍ମହତ୍ୟା କରିଥିଲେ | ଆତ୍ମହତ୍ୟା କରିଥିବା ବ୍ୟକ୍ତିଙ୍କ କିଛି ବନ୍ଧୁ ବଡ କଷ୍ଟରେ କୁକୁରକୁ ପୋଲ ଉପରୁ ନେଇ ଆସିଥିଲେ |

ଡେଲି ମେଲ ଖବର ଅନୁଯାୟୀ, ବୁହାନର ଜଣେ ବ୍ୟକ୍ତି ମେ ୩୦ ତାରିଖରେ ନିଜ ପୋଷା କୁକୁର ସହ ବୁଲିବାକୁ ବାହାରିଥିଲେ | ବୁଲୁଥିବା ସମୟରେ ହଠାତ ୟାଙ୍ଗତଯେ ନଦୀ ପୋଲ ଉପରୁ ଡେଇଁ ଆତ୍ମହତ୍ୟା କରିଥିଲେ | ସେ କୁକୁରକୁ ପୋଲ ଉପରେ ଛାଡି ନଦୀକୁ ଡେଇଁ ପଡ଼ିଥିଲେ | କୁକୁର ବିଚାର ପୋଲ ଉପରେ ୪ଦିନ ଯାଏଁ ମାଲିକକୁ ଅପେକ୍ଷା କରି ବସିଥିଲା | କିଛି ନ ଖାଇ ନ ପିଇ ଭୋକ ଶୋଷରେ ନିରୀହ କୁକୁର ନିଜ ମାଲିକକୁ ଅପେକ୍ଷା କରି ବସିଥିଲା | ପୋଲିସ ମଧ୍ୟ କୁକୁରକୁ ପୋଲରୁ ହଟାଇବାକୁ ବହୁତ ଚେଷ୍ଟା କରିଥିଲା କିନ୍ତୁ ବିଫଳ ହୋଇଥିଲା | ଜଣେ ପୋଲିସକର୍ମୀ କୁକୁରର ଫଟୋ ଉଠାଇ ସୋସିଆଲ ମିଡ଼ିଆରେ ସେୟାର କରିଥିଲେ | ଏହାପରେ କୁକୁରର ଏହି ଫଟୋ ସୋସିଆଲ ମିଡ଼ିଆରେ ଖୁବ ଭାଇରାଲ ହୋଇଛି | ଖବର ଅନୁଯାୟୀ, କୁକୁରକୁ ଅନେକଲୋକ ଘରକୁ ନେଇଯିବାକୁ ଚେଷ୍ଟା କରିଥିଲେ କିନ୍ତୁ ସେ ରାଗି ଯାଉଥିଲା | ଫଳରେ କେହି ସାହସ କରିନଥିଲେ |

ବୁହାନ ସ୍ମଲ ଏନିମଲ ପ୍ରୋଟେକ୍ସନ ଏସୋସିଏସନର ନିର୍ଦେଶକ ଡୁ ଫେନ କହିଛନ୍ତି ଯେ, ମିସ୍ଟର ଝୁ ନାମକ ଜଣେ ବ୍ୟକ୍ତି ଏହି କୁକୁରକୁ ଆଡପ୍ଟ କରିବାକୁ ଯୋଗାଯୋଗ କରିଥିଲେ | କିନ୍ତୁ କୁକୁରଟି ପୋଲ ଛାଡି କୁଆଡେ ଯିବାକୁ ପ୍ରସ୍ତୁତ ନଥିଲା | ଏହାପରେ ମିସ୍ଟର ଝୁ ଏବଂ ମୃତ ବ୍ୟକ୍ତିଙ୍କ କିଛି ବନ୍ଧୁ ପୋଲ ଉପରକୁ ଯାଇ କୁକୁରକୁ ଖାଇବା ପିଇବା ଦେଇଥିଲେ | ସେମାନେ କୁକୁରର ପୁରା ଯତ୍ନ ନେବା ଆରମ୍ଭ କରିଥିଲେ | ପରେ ସେମାନେ ତାକୁ ସେଠାରୁ ନେଇ ଆସିବାରେ ସଫଳ ହୋଇଥିଲେ | ପୋଲିସ କହିଛି ଯେ, ପୋଲରେ ଲାଗିଥିବା ସିସିଟିଭି ଫୁଟେଜରେ ସ୍ପଷ୍ଟ ଦେଖାଯାଉଛି ଯେ କୁକୁରର ମାଲିକ ଯେତେବେଳେ ଆତ୍ମହତ୍ୟା କରିଥିଲେ ସେତେବେଳେ ସେ ତାଙ୍କ ସହ ଥିଲା | ସେ ନିଜ ମାଲିକକୁ ନଦୀକୁ ଦେଇଥିବା ଦେଖିଛି | ସେଥିପାଇଁ ନିଜ ମାଲିକକୁ ଅପେକ୍ଷା କରି ରହିଥିଲା | 

   Related Posts