ଭୁବନେଶ୍ବର ୨୯|୧:  ପୁଣି ବଙ୍ଗୋପସାଗରରେ ଲଘୁଚାପ ସୃଷ୍ଟି ହୋଇଛି । ଫଳରେ ଆସନ୍ତା ୨୪ ଘଣ୍ଟା ମଧ୍ୟରେ ଦକ୍ଷିଣ ସହ ଉତ୍ତର ଓ ଆଭ୍ୟନ୍ତରୀଣ ଓଡିଶାରେ ବର୍ଷା ସମ୍ଭାବନା ରହିଛି । ଦକ୍ଷିଣ ଓଡ଼ିଶା ସହ ମୟୂରଭଞ୍ଜ, ବାଲେଶ୍ବର, କେନ୍ଦୁଝର, ଅନୁଗୁଳ, ଢେଙ୍କାନାଳ ଓ ଦେବଗଡ଼ରେ ମେଘୁଆ ପାଗ ସହ ସ୍ବଳ୍ପ କିମ୍ବା ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି ।

{"id":78689}

ଅନ୍ୟପଟେ ବଦଳିବ ପାଗ । ଏଣିକି ଦିନରେ ତାତି, ରାତିରେ ଥଣ୍ଡା ଅନୁଭୂତ ହେବ । ଦୁଇ ଦିନ ଧରି ବର୍ଷା ସହ କୋହଲା ପାଗ ଲାଗିରହିବାରୁ ଦିନର ତାପମାତ୍ରା କମିଥିଲା । କିନ୍ତୁ ଆଜିଠାରୁ ଦିନର ତାପମାତ୍ରା ପୁଣିଥରେ ୪ରୁ ୫ ଡିଗ୍ରୀ ପର୍ଯ୍ୟନ୍ତ ବଢ଼ିବ । ଉପକୂଳ ଓଡ଼ିଶାର ଗୋଟିଏ ଦୁଇଟି ସ୍ଥାନରେ ସର୍ବାଧିକ ତାପମାତ୍ରା ୩୦ ଡିଗ୍ରୀ ଟପିଯିବ। ହେଲେ ରାତିର ତାପମାତ୍ରା କମିବ। ୩ରୁ ୫ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଇପାରେ। ଗୋଟିଏ ଦୁଇଟି ସ୍ଥାନରେ ପାରଦ ୭ ଡିଗ୍ରୀ ପାଖାପାଖି ପହଞ୍ଚିବ। ଫେବ୍ରୁଆରୀ ୩ ତାରିଖ ପର୍ଯ୍ୟନ୍ତ ସାରା ଓଡ଼ିଶାରେ ଏଭଳି ପାଗ ଲାଗିରହିବ। ଏହାପରେ ପୁଣିଥରେ ରାତିର ତାପମାତ୍ରା ବଢ଼ିବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବାନୁମାନ କରିଛି।