Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ଖାତାକୁ ଗଲା ‘କାଳିଆ’ ଟଙ୍କା, ଆକାଉଣ୍ଟକୁ ୯୧୦ କୋଟି ଟଙ୍କା ପଠାଇଲେ ମୁଖ୍ୟମନ୍ତ୍ରୀ
  • ||
  • ୫୦୦ ଲୋକଙ୍କୁ ନେଇ ଧୁମଧାମ୍‌ରେ ଚାଲିଥିଲା ବାହାଘର ଭୋଜି, ଚଢଉ କଲେ ତହସିଲଦାର…ଲାଗିଲା ମୋଟା ଅଙ୍କର ଫାଇନ୍
  • ||
  • ୩ ହଜାର ଲିଟର ମଦ ଜବତ, ୬୦ଟି ବସ୍ତାରେ ହେଉଥିଲା ଚାଲାଣ
  • ||
  • ନାଉ କିଆରୀରୁ ଜବତ ହେଲା ବିପୁଳ ପରିମାଣର ଗଞ୍ଜେଇ, ଜଣେ ଗିରଫ
  • ||
  • ଚେତୁ ନାହାଁନ୍ତି ଲୋକେ, ବିନିକା ବଜାରରେ କରୋନା କଟକଣା ବାଟବଣା
  • ||
  • ଚଣ୍ଡିଖୋଲ : ଧଳା ଜହର ରାକେଟ୍‌ର ପର୍ଦ୍ଦାଫାଶ କଲା ସଡକ ଦୁର୍ଘଟଣା, ଜବତ ହେଲା ୯ ଗ୍ରାମ୍ ବ୍ରାଉନସୁଗାର
  • ||
  • ଚଣ୍ଡିଖୋଲ : ଚଳିତ ବର୍ଷ ଫିକା ପଡିଛି ଇଦ୍, ଯାଜପୁରରେ ନିରାଡମ୍ବର ଭାବେ ପାଳିତ ହେଉଛି ଉଦ୍-ଉଲ୍-ଫିତର
  • ||
  • ତେଲକୋଇ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ସ୍ତ୍ରୀ ଗୁରୁତର, ସ୍ବାମୀ ଆହତ
  • ||
  • ନୂଆଦିଲ୍ଲୀ : ଆପ୍ ନେତା ଜରନେଲ୍ ସିଂହଙ୍କ କରୋନାରେ ଦେହାନ୍ତ, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ କେଜରିଓ୍ବାଲ
  • ||
  • ରାଜ୍ୟରେ କରୋନା ନେଲା ଆଉ ୨୨ଜଣଙ୍କ ଜୀବନ, ୨୨୭୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ପ୍ରେମ ସପ୍ତାହରେ ପ୍ରେମୀଯୁଗଳଙ୍କୁ ହତ୍ୟା : ଟୁକୁଡା ଟୁକୁଡା କରି କାଟି ପୋଡିଦେଲେ ଘରଲୋକ

12/02/2019 at 3:23 PM

ଗୟା ୧୨/୨ : ପ୍ରେମ ପଡିଲା ମହଙ୍ଗା | ପ୍ରେମ ପାଇଁ ପ୍ରେମୀ ଯୁଗଳଙ୍କ ଜୀବନ ଗଲା | ବିହାର ଗୟାରେ ଘଟିଛି ଏଭଳି କାଣ୍ଡ | ପ୍ରେମୀ ଯୁଗଳଙ୍କ ତଣ୍ଟି ଚିପି ହତ୍ୟା କରିବା ପରେ ମୃତଦେହକୁ ଟୁକୁଡା ଟୁକୁଡା କରି କାଟି ପେମାର ନଦୀ କୂଳରେ ପୋଡି ଦିଆଗଲା | ଘଟଣାରେ ଗୟା ପୋଲିସ ଯୁବତୀଙ୍କ ବାପା, ଦାଦା ଏବଂ ମାମୁ ପୁଅ ଭାଇକୁ ଗିରଫ କରି ପଚରାଉଚୁରା କରୁଛି | ୩ ଜଣ ପୋଲିସ ପାଖରେ ନିଜ ଦୋଷ ମଧ୍ୟ ସ୍ୱୀକାର କରିଛନ୍ତି |


ଗୟା ଅନ୍ତର୍ଗତ ମନିୟରି ଗାଁର ଜଣେ ଯୁବତୀ ବଜିରଗଞ୍ଜ ଥାନା ଅନ୍ତର୍ଗତ ଶୋଭା ଗାଁର ଜଣେ ଯୁବକଙ୍କୁ ପ୍ରେମ କରୁଥିଲେ | କିନ୍ତୁ ଯୁବତୀଙ୍କ ପରିବାରଲୋକ ଯୁବତୀ ଏବଂ ତାଙ୍କ ପ୍ରେମିକଙ୍କ ସମ୍ପର୍କରେ ରାଜି ନଥିଲେ | ଫଳରେ ଯୁବକ ଯୁବତୀ ଘରୁ ପଳାଇ ଏକ ମନ୍ଦିରରେ ବିବାହ କରିଥିଲେ | କିନ୍ତୁ କିଛି ଦିନ ପରେ କୌଣସି କାରଣରୁ ଯୁବତୀ ନିଜ ବାପା ଘରକୁ ଫେରି ଆସିଥିଲେ | ଯୁବତୀ ନିଜ ଘରକୁ ଫେରି ଆସିବାପରେ ତାଙ୍କ ପରିବାରଲୋକେ ଯୁବତୀ ଏବଂ ତାଙ୍କ ପ୍ରେମିକଙ୍କୁ ହତ୍ୟା କରିବା ପାଇଁ ଯୋଜନା କରିଥିଲେ |


ଏହା ପୂର୍ବରୁ ଯୁବତୀଙ୍କ ପରିବାର ଲୋକେ ଯୁବକଙ୍କ ଉପରେ ତାଙ୍କ ଝିଅକୁ ଅପହରଣ କରି ନେଇଥିବା ସ୍ଥାନୀୟ ଥାନାରେ ଏତଲା ଦେଇଥିଲେ | ଉଭୟ ଯୁବକ ଯୁବତୀ ବିବାହର କିଛି ଦିନ ପରେ ଘରକୁ ଫେରି ଆସିବାପରେ ପୋଲିସ କୋର୍ଟରେ ୧୬୪ ଧାରା ଅନୁଯାୟୀ, ଯୁବତୀଙ୍କ ବୟାନ ରେକର୍ଡ କରିଥିଲା | ଏହାପରେ ପୋଲିସ ଯୁବତୀଙ୍କୁ ନିଜ ଘରକୁ ପଠେଇ ଦେଇଥିଲା ଏବଂ ଯୁବକଙ୍କୁ ଜେଲକୁ ପଠେଇ ଦେଇଥିଲା | କିଛି ଦିନ ପୂର୍ବରୁ ଯୁବକଙ୍କୁ ଜେଲରୁ ଛଡା ଯାଇଥିଲା |


ଯୁବକ ଦିନେ ନିଜ ସମ୍ପର୍କୀୟଙ୍କ ଘରକୁ ଯାଇଥିଲେ | ବିକାଶ କୁମାର ନିଜ ସମ୍ପର୍କୀୟଙ୍କ ଘରୁ ନିଜ ଘର ବଜିରଗଞ୍ଜ ଫେରୁଥିବାବେଳେ ତାଙ୍କୁ ହତ୍ୟା କରାଯାଇଥିଲା | ପେମାର ନଦୀ ପାଖରେ ଯୁବତୀଙ୍କ ପରିବାରଲୋକେ ବିକାଶଙ୍କୁ ଅଟକାଇଥିଲେ ଏବଂ ତାଙ୍କୁ ହତ୍ୟା କରିଥିଲେ |


ଏହାପରେ ଯୁବତୀଙ୍କ ପରିବାରଲୋକେ ଯୁବତୀଙ୍କୁ ମଧ୍ୟ ସେହି ଜାଗାକୁ ଡାକି ତାଙ୍କୁ ମଧ୍ୟ ହତ୍ୟା କରିଥିଲେ | ତଥାପି ତାଙ୍କ ମନ ଶାନ୍ତି ହେଲାନି ଯେ, ଉଭୟ ଯୁବକ ଯୁବତୀଙ୍କ ମୃତଦେହକୁ ଏକ ଧାରୁଆ ଅସ୍ତ୍ରରେ ଟୁକୁଡା ଟୁକୁଡା କରି କାଟି ଦେଇଥିଲେ | ଏହାପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ |
ପୋଲିସ ଯୁବତୀଙ୍କ ପରିବାରଲୋକଙ୍କୁ ଗିରଫ କରି ପଚରାଉଚୁରା କରିବା ସହ ଶବର ଅବଶେଷକୁ ଏକାଠି କରି ତଦନ୍ତ କରୁଛି |

   Related Posts