Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୧ କୋଭିଡ୍ ପଜିଟିଭ୍
  • ||
  • ସିରିଆ ଡ୍ରୋନ୍ ଆଟାକ୍‌: ଅଲକାଏଦାର ବରିଷ୍ଠ ନେତା ଅବଦୁଲ ହମିଦ ଅଲ-ମାତାର ମୃତ
  • ||
  • ନିଶ୍ଚିନ୍ତକୋଇଲିରେ ହାତୀ ଆତଙ୍କ, ନଷ୍ଟ କରୁଛନ୍ତି ଫସଲ
  • ||
  • ମନୀଷ ଅନୁରାଗ ହତ୍ୟା ମାମଲା : ସାଉଥ୍‌ ସିଟି ବାର୍‌ ମାଲିକ ଓ ପରିଚାଳନା କରୁଥିବା ପ୍ରସନ୍ନ ବେହେରା ଗିରଫ
  • ||
  • ଅନ୍ୟ ରାଜ୍ୟର ଜେଲକୁ ସ୍ଥାନାନ୍ତର ହେଉଛନ୍ତି ଆତଙ୍କବାଦୀ : ଜମ୍ମୁ-କାଶ୍ମୀରରୁ ୨୬ ଆତଙ୍କୀଙ୍କୁ ପଠାଗଲା ଆଗ୍ରା
  • ||
  • କମୁଛି ପାରଦ, ଆଗକୁ ବଢିବ ଶୀତ
  • ||
  • ଟି୨୦ ବିଶ୍ୱକପ : ଅସଲ ଲଢେଇ ଆରମ୍ଭ, ସୁପର ୧୨ର ପ୍ରଥମ ମୁକାବିଲାରେ ଅଷ୍ଟ୍ରେଲିଆ ବନାମ ଦକ୍ଷିଣ ଆଫ୍ରିକା
  • ||

ଜଣେ ପ୍ରେମିକକୁ ଦୁଇ ପ୍ରେମିକା: ଯୁବକଙ୍କୁ ବାହା ହେବାକୁ ଦୁଇ ଯୁବତୀଙ୍କ ଇଚ୍ଛା, ଘର ଲୋକଙ୍କ ଅକଲ ଗୁଡୁମ, ଟସ୍ ପଡି ହେଲା ନିଷ୍ପତ୍ତି

7/09/2021 at 8:51 PM

ବେଙ୍ଗାଲୁରୁ ୦୭।୦୯: ଭଲ ପାଇବା ଖରାପ ନୁହେଁ ଭଲ କଥା। ଯଦି ପ୍ରେମ ତ୍ରିକୋଣୀୟ ହୋଇଯିବ, ତେବେ ମାମଲା ବଡ ଗମ୍ଭୀର ହୋଇଯାଏ। କାରଣ ଏମିତି ସଂପର୍କରେ ସମସ୍ତଙ୍କୁ ଖୁସିରେ ରଖିବା ମୁସ୍କିଲ ହୋଇଯାଏ। ତ୍ରିକୋଣୀୟ ପ୍ରେମରେ ରକ୍ତପାତ ମଧ୍ୟ ଘଟିଥାଏ। ହେଲେ ତ୍ରିକୋଣୀୟ ପ୍ରେମକୁ ନେଇ ଏକ ବିଚିତ୍ର ଘଟଣା ସାମ୍ନାକୁ ଆସିଛି। ଯେଉଁଠି ପଞ୍ଚାୟତ ଟସ୍ ପକାଇ ମାମଲାର ସମାଧାନ କରିଛନ୍ତି। ଏମିତି ଅଦ୍ଭୁତ ଧରଣର ଘଟଣା କର୍ଣ୍ଣାଟକର ହାସନ ଜିଲ୍ଲାରେ ଘଟିଛି।

ଦୁଇ ଝିଅ ସହ ପ୍ରେମ

ନ୍ୟୁଜ୍ ୧୮ର ରିପୋର୍ଟ ଅନୁଯାୟୀ, ସକଲେଶପୁର ବାସିନ୍ଦା ୨୭ ବର୍ଷୀୟ ଯୁବକଙ୍କ ବର୍ଷେ ତଳେ ପଡୋଶୀ ଗାଁର ୨୦ ବର୍ଷୀୟ ଯୁବତୀଙ୍କ ସହ ଭଲ ପାଇବା ଆରମ୍ଭ ହୋଇଥିଲା। ଉଭୟ ମିଳାମିଶା ଆରମ୍ଭ କରି ଦେଇଥିଲେ। ସେମାନଙ୍କର ପ୍ରେମର ଗାଡି ଆଗକୁ ଆଗକୁ ଗଡି ଚାଲିଲା। ହେଲେ ୬ ମାସ ପରେ କାହାଣୀରେ ନୂତନ ମୋଡ ଆସିଲା। ଯୁବକଙ୍କ ଅନ୍ୟ ଜଣେ ଯୁବତୀଙ୍କ ସହ ପ୍ରେମ ହୋଇଗଲା। ଆଉ ଏଥର ଯୁବତୀ ଅନ୍ୟ ଗାଁର ଥିଲେ। ତା ସହିତ ମଧ୍ୟ ଯୁବକଙ୍କ ମିଳାମିଶା ଚାଲିଲା। ଉଭୟଙ୍କ ମଧ୍ୟରେ ଭଲ ପାଇବା ନିବିଡ ହୋଇଗଲା। ହେଲେ ଏହି ତ୍ରିକୋଣୀୟ ପ୍ରେମରେ ଦୁଇ ଯୁବତୀ ଅଜଣା ଥିଲେ। ସେମାନଙ୍କୁ ଜଣା ନଥିଲା ଯୁବକଙ୍କ ରସିକିଆ ପ୍ରେମ ବିଷୟରେ।

ପ୍ରେମିକର ଘରେ ପହଞ୍ଚିଗଲେ ଯୁବତୀ

ହେଲେ କାହାଣୀ ସେହି ସମୟରେ ଫିଲ୍ମର ରୂପ ନେଲା, ଯେତେବେଳେ ସଂପର୍କୀୟମାନେ ଯୁବକଙ୍କୁ ପ୍ରେମିକା ସହ ଦେଖି ନେଲେ। ଘରକୁ ଯାଇ ପୁଅର ଲଭ ଷ୍ଟୋରୀ ପରିବାର ଲୋକଙ୍କୁ ସବୁ ବଖାଣିଲେ। ଏହା ପରେ ପରିବାର ଲୋକ ଯୁବକଙ୍କୁ ଝିଅ ବିଷୟରେ ପଚାରିଲେ। ଯୁବକ କହିଲେ ସେ ଝିଅକୁ ଭଲ ପାଆନ୍ତି ଏବଂ ବିବାହ କରିବାକୁ ଚାହୁଁଛନ୍ତି। ମାତ୍ର ଘର ଲୋକେ ଯୁବକଙ୍କ କଥା ଶୁଣିବାକୁ ନାରାଜ ଥିଲେ ଏବଂ ଶୀଘ୍ର ଯୁବକଙ୍କ ବାହାଘର ଅନ୍ୟତ୍ର ସ୍ଥିର କରି ଦେଲେ।

ପୁଅର ମା-ବାପାଙ୍କ ଅକଲ ଗୁଡୁମ

ପୁଣି କାହାଣୀରେ ଆଉ ଏକ ମୋଡ ଆସିଲା। ଯେବେ ଦୁଇ ପ୍ରେମିକାଙ୍କ ମଧ୍ୟରୁ ଜଣେ ନିଜ ଘର ଲୋକଙ୍କୁ ନିଜ ପ୍ରେମ ବିଷୟରେ ଜଣାଇଲେ। ତୁରନ୍ତ ଝିଅର ଅଭିଭାବକ ପୁଅ ଘରେ ପହଞ୍ଚି  ପୁଅ-ଝିଅଙ୍କ ସଂପର୍କ ବିଷୟରେ ଅବଗତ କରାଇଲେ। ଏହା ମଧ୍ୟରେ ଦ୍ଵିତୀୟ ପ୍ରେମିକା ମଧ୍ୟ ନିଜ ପରିବାର ସହ ଯୁବକଙ୍କ ଘରେ ପହଞ୍ଚିଗଲେ। ଏହା ଦେଖି ଯୁବକଙ୍କ ମା-ବାପାଙ୍କ ଅକଲ ଗୁଡୁମ। ସେମାନେ ବୁଝି ପାରିଲେ ନାହିଁ, ଏମିତି ସ୍ଥିତିରେ କଣ କରିବେ। ସେମାନେ ନିରୂପାୟ ହୋଇଗଲେ। ସେତେବେଳକୁ ଦାଣ୍ଡରେ ପଡି ହାଟରେ ଗଡୁଥିଲା ଏହି ତ୍ରିକୋଣୀୟ ପ୍ରେମ କାହାଣୀ. ପୂରା ଗାଁରେ ଚର୍ଚ୍ଚାରେ ବିଷୟ ପାଲଟି ସାରିଥିଲା।

ପଡିଲା ଟସ୍

ଯେତେବେଳେ ମାମଲା ଜଟିଳ ହୋଇଗଲା, ଏହାର ସମାଧାନ ପାଇଁ ପଞ୍ଚାୟତର ସାହାରା ନିଆଗଲା। ପ୍ରଥମ ମିଟିଂରେ କୌଣସି ନିଷ୍ପତ୍ତି ହୋଇ ପାରିନଥିଲା। ହେଲେ ଦ୍ଵିତୀୟ ଥର ମିଟିଂରେ ପଞ୍ଚାୟତ ସମସ୍ତ ସମ୍ବନ୍ଧିତ ପକ୍ଷଙ୍କ ସର୍ବ ସହମତିରେ ନିର୍ଣ୍ଣୟ ନିଆଗଲା ଯେ, ଟସ୍ ପକାଯାଇ ସ୍ଥିର କରାଯିବ ଯେ, କେଉଁ ଯୁବତୀ ଯୁବକଙ୍କୁ ବିବାହ କରିବେ। ସବୁଠୁ ଚକିତକର କଥା ସେ ପର୍ଯ୍ୟନ୍ତ ପ୍ରେମିକ ପ୍ରବର କାହାକୁ ବିବାହ କରିବେ ନିଜ ଇଚ୍ଛା ମଧ୍ୟ କହିନଥିଲେ। ନିରବଦ୍ରଷ୍ଟା ସାଜି ସବୁ ଦେଖୁଥିଲେ।

କେଉଁ ପ୍ରେମିକାଙ୍କ ଭାଗ୍ୟରେ ମିଳିଲା ଯୁବକ

ଦୁଇ ଥର ପଞ୍ଚାୟତ ବସିଲା, ପ୍ରଥମ ବୈଠକରେ ଯୁବକଙ୍କୁ ଅନେକ ଥର ପ୍ରଶ୍ନ ପଚରା ଯାଇଥିଲା ଯେ, ସେ କାହାକୁ ବିବାହ କରିବାକୁ ଚାହୁଁଛନ୍ତି। ଯୁବକ ପଦୁଟିଏ ମଧ୍ୟ ମୁହଁ ଖୋଲିନଥିଲେ। ଏଥିରେ ମ୍ରିୟମାଣ ହୋଇ ପ୍ରଥମ ପ୍ରେମିକା ବିଷ ପିଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ। ଏମିତି ସ୍ଥିତିରେ ପଞ୍ଚାୟତ ମିଟିଂ ଭାଙ୍ଗି ଯାଇଥିଲା। ସୌଭାଗ୍ୟବଶତଃ ଯୁବତୀଙ୍କ ଜୀବନ ବଞ୍ଚି ଯାଇଥିଲା। ଦ୍ଵିତୀୟ ଥର ପଞ୍ଚାୟତ ଟସ୍ ପକାଇ ଯୁବକ କାହାକୁ ବିବାହ କରିବେ ତାର ନିର୍ଣ୍ଣୟ ନିଆଯାଇଥିଲା। ସୌଭାଗ୍ୟର କଥା ଟସ୍ ସେହି ଯୁବତୀଙ୍କ ପକ୍ଷରେ ପଡିଥିଲା ଯିଏ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ପରେ ଜଣା ପଡିଲା ଯେ, ଯୁବକ ମଧ୍ୟ ନିଜର ପ୍ରଥମ ପ୍ରେମିକାଙ୍କୁ ବିବାହ କରିବାକୁ  ଚାହୁଁଥିଲେ ଯିଏ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ଆଉ ଦ୍ଵିତୀୟ ପ୍ରେମିକା ଏହି ନିଷ୍ପତ୍ତିକୁ ସ୍ଵୀକାର କରିନେଲ। କିନ୍ତୁ ଭାଇ ଇଏ ପ୍ରେମ ବ୍ୟାପାର…ହୃଦୟ ତ କଷ୍ଟ ପାଇବ।

   Related Posts