ନୂଆଦିଲ୍ଲୀ ୧୬/୦୭ : ଦକ୍ଷିଣ-ପଶ୍ଚିମ ଜିଲ୍ଲା ପୋଲିସ ଦାବି କରିଛି ଯେ ଦିଲ୍ଲୀ ପାଲମ ଅଞ୍ଚଳରେ ମହିଳା ପୋଲିସ କନେଷ୍ଟବଳଙ୍କ ହତ୍ୟା ମାମଲାର ଖୁଲାସା କରିଛି | ହତ୍ୟା ମାମଲାରେ ଦିଲ୍ଲୀ ପୋଲିସ ଟିମ ନରେଶ ଯାଦବକୁ ଗିରଫ କରିଛି | ନରେଶ ଯାଦବ ବିଏସଏଫରେ କାର୍ଯ୍ୟରତ ଏବଂ ତାଙ୍କ ଘର ରାଜସ୍ଥାନରେ | ଦିଲ୍ଲୀ ପାଲମ ଅଞ୍ଚଳରେ ରହୁଥିବା ପ୍ରୀତି ବେନିବାଲଙ୍କ ମୃତ୍ୟୁ ପରେ ଜୁଲାଇ ୧୪ ତାରିଖରେ ଏକ ପିସିଆର କଲ ହୋଇଥିଲା | ମଙ୍ଗଳପୁରୀ ଅଞ୍ଚଳରେ ଘର ନମ୍ବର ଡି-୪୮ରେ ଜଣେ ମହିଳାଙ୍କ ଶବ ପଡିଥିବା ପୋଲିସକୁ କୁହାଯାଇଥିଲା | ଖବର ପାଇ ଡିଇଲି ପୋଲିସ ଘଟଣାସ୍ଥଳରେ ପହଞ୍ଚିଥିଲା ସେତେବେଳେ ଜାଣିବାକୁ ପାଇଥିଲା ମହିଳା ଜଣକ ଦିଲ୍ଲୀ ପୋଲିସର ସିପାହୀ ଥିଲେ ଯିଏ ତୃତୀୟ ବାଟାଲିୟନ ଅନ୍ତର୍ଗତ ତିହାଡ଼ ଜେଲରେ କାର୍ଯ୍ୟରତ ଥିଲେ | ପୋଲିସ ଶବ ଜବତ କରି ମାମଲାର ତଦନ୍ତ ଆରମ୍ଭ କରିଥିଲା |

ମାମଲାର ତଦନ୍ତ ପାଇଁ ସ୍ପେଶାଲ ଟିମ ନିୟୋଜିତ କରାଯାଇଥିଲା | ପୋଲିସ ଅନୁଯାୟୀ, ପ୍ରୀତିଙ୍କ ମୃତଦେହ ବେଡ଼ ଉପରେ ପଡିଥିଲା | ତାଙ୍କ ତଂଟି ଚିପି ତାଙ୍କୁ ହତ୍ୟା କରାଯାଇଥିବା ପୋଲିସ ପ୍ରାଥମିକ ସ୍ଥରରେ ସନ୍ଦେହ କରିଥିଲା |

ତଦନ୍ତରେ ଜଣାପଡିଥିଲା ଯେ ହତ୍ୟା ଦିନ ଅର୍ଥାତ ୧୪ ତାରିଖର ଦୁଇ ଦିନ ପୂର୍ବରୁ ନରେଶ ତାଙ୍କ ଘରକୁ ଆସିଥିଲା | ହତ୍ୟା ଦିନ ସକାଳ ପାଖାପାଖି ୫ଟା ସମୟରେ ସେ ସେଠାରୁ ଚାଲି ଯାଇଥିଲା | କିନ୍ତୁ ପ୍ରୀତିଙ୍କ ମୃତ୍ୟୁ ସୂଚନା ପାଖାପାଖି ୧୨ଟା ସମୟରେ ସାମ୍ନାକୁ ଆସିଥିଲା | ସେତେବେଳେ ନରେଶ ଯାଦବ ରାଜସ୍ଥାନ ଚାଲିଯାଇଥିଲା | ମାମଲାର ତଦନ୍ତ ପାଇଁ ଅନେକ ପୋଲିସ ଟିମ ଗଠନ ହୋଇଥିଲା | ତଦନ୍ତ ସମୟରେ ରାଜସ୍ଥାନ ସହ ହରିୟାଣାରେ ମଧ୍ୟ ତଲାସୀ ଅଭିଯାନ ଆରମ୍ଭ ହୋଇଥିଲା | 

ଅଭିଯୁକ୍ତ ନରେଶକୁ ପୋଲିସ ଟିମ ରାଜସ୍ଥାନରୁ ହେପାଜତକୁ ନେଇ ଦିଲ୍ଲୀରେ ପହଞ୍ଚିଥିଲା ଏବଂ ପଚରାଉଚୁରା କରିଥିଲା | ପଚରାଉଚୁରା ପରେ ଔପଚାରିକ ଭାବେ ନରେଶକୁ ଗିରଫ କରାଯାଇଥିଲା | ପଚରାଉଚୁରା ବେଳେ ନରେଶ କହିଥିଲା ଯେ ସେ ବିବାହିତ ଏବଂ ତାର ୨ ଶିଶୁ ଅଛନ୍ତି | ସେମାନେ ରାଜସ୍ଥାନରେ ରହନ୍ତି | କିନ୍ତୁ ପ୍ରୀତିଙ୍କର ବିବାହ ହୋଇନଥିଲା | ଉଭୟ ପରସ୍ପରକୁ ପାଖାପାଖି ୪ ବର୍ଷ ହେଲା ଜାଣିଥିଲେ ଏବଂ ପରସ୍ପର ସହ ସମ୍ପର୍କରେ ଥିଲେ | ପ୍ରୀତି ଲଗାତାର ବାହାଘର ପାଇଁ ନରେଶ ଉପରେ ଚାପ ପକାଉଥିଲେ | କିନ୍ତୁ ନରେଶ ପୂର୍ବରୁ ବିବାହିତ ହୋଇଥିବାରୁ ଆଉଥରେ ବିବାହ କରିପାରିବ ନାହିଁ ବୋଲି ପ୍ରୀତିକୁ ହତ୍ୟା କରିଥିଲା | ହତ୍ୟା ମାମଲା ସାମ୍ନାକୁ ଆସିବା ପରେ ମଧ୍ୟ ଦିଲ୍ଲୀ ପୋଲିସ ନରେଶକୁ ବିସ୍ତାର ଭାବେ ହତ୍ୟାକାଣ୍ଡ ଘଟଣା ବ୍ୟାଖ୍ୟା କରିବାକୁ ଜୋର ଦେଇଛି |