Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଲଭ୍ ଜିହାଦ ଅଧ୍ୟାଦେଶ ଉପରେ ରହିତାଦେଶ ଲଗାଇବାକୁ ମନାକଲେ ସୁପ୍ରିମକୋର୍ଟ, କହିଲେ- ‘ଏହି ଆଇନର ସାମ୍ବିଧାନିକ ବୈଧତା ଯାଞ୍ଚ୍ କରିବେ’

6/01/2021 at 1:25 PM

ନୂଆଦିଲ୍ଲୀ,୦୬/୦୧: ଉତ୍ତର ପ୍ରଦେଶ ଲଭ ଜିହାଦ ସହ ଜଡିତ ଅଧ୍ୟାଦେଶ ପ୍ରସଙ୍ଗରେ ବୁଧବାର ସୁପ୍ରିମକୋର୍ଟରେ ଶୁଣାଣି ହୋଇଛି । କୋର୍ଟ ଏହି ଅଧ୍ୟାଦେଶ ଉପରେ ବର୍ତ୍ତମାନ ରୋକ୍ ଲଗାଇବାକୁ ମନା କରିଦେଇଛନ୍ତି । ଏହାସହ କୋର୍ଟ ଉତ୍ତରପ୍ରଦେଶ ଓ ଉତ୍ତରାଖଣ୍ଡ ସରକାରଙ୍କୁ ଲଭ ଜିହାଦ ଅଧ୍ୟାଦେଶକୁ ନେଇ ନୋଟିସ ଜାରି କରିଛନ୍ତି ।

କୋର୍ଟ ଏବେ ଏହି ଅଧ୍ୟାଦେଶରୁ ପରଖିବେ । ଏଥିପାଇଁ ମାନ୍ୟବର ଅଦାଲତ ରାଜ୍ୟ ସରକାରଙ୍କୁ ନୋଟିସ କରି ପକ୍ଷ ରଖିବାକୁ କହିଛନ୍ତି । ବୁଧବାର କୋର୍ଟରେ ଶୁଣାଣି ବେଳେ ସେଲିସିଟର ଜେନେରାଲ ସୁପ୍ରିମକୋର୍ଟଙ୍କୁ କହିଥିଲେ ଯେ, ଏହି ମାମଲାରେ ପୂର୍ବରୁ ହାଇକୋର୍ଟ ଶୁଣାଣି କରୁଛନ୍ତି । ହାଇକୋର୍ଟ ନଯାଇ ସିଧା ସୁପ୍ରିମକୋର୍ଟ ଆସିବାର କାରଣ କୋର୍ଟ ତାଙ୍କୁ ପରାରିଥିଲେ । ଏହାସହ ଆପତ୍ତି ପ୍ରକାଶ ମଧ୍ୟ କରିଥିଲେ କୋର୍ଟ ।

ଆବେଦନକାରୀ ନିଜ ଆବେଦନରେ କହିଛନ୍ତି ଯେ, ଅଧ୍ୟାଦେଶ ଉପରେ ତୁରନ୍ତ ରୋକ୍ ଲଗାଯାଉ । ଅନ୍ୟ ସଂପ୍ରଦାୟରେ ବିବାହ କରୁଥିବା ବ୍ୟକ୍ତିଙ୍କୁ ହଇରାଣ କରାନଯାଉ । ଲୋକଙ୍କୁ ବିବାହ ମଣ୍ଡପରୁ ଉଠାଇ ନିଆଯାଉଛି ।

ସୂଚନାଯୋଗ୍ୟ, କିଛିଦିନ ତଳେ ଉତ୍ତର ପ୍ରଦେଶ ସରକାର ଧର୍ମ ପରିବର୍ତ୍ତନ ସହ ଜଡିତ ଏକ ଅଧ୍ୟାଦେଶକୁ ମଞ୍ଜୁରୀ ପ୍ରଦାନ କରିଥିଲେ । ଏଥିରେ ଜବରଦସ୍ତି ଧର୍ମ ପରିବର୍ତ୍ତନ କରିବା, ଲୋଭ ଦେଖାଇ ବିବାହ କରୁଥିବା ବ୍ୟକ୍ତିଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଓ ଜରିମାନା ପ୍ରାବଧାନ କରାଯାଇଥିଲା । ମଧ୍ୟପ୍ରଦେଶ ସରକାର ମଧ୍ୟ ଏପରି ଏକ ଅଧ୍ୟାଦେଶ ଜାରି କରିଥିଲେ । ଏଥିରେ ୫ ଲକ୍ଷ ଟଙ୍କା ଜରିମାନା ସହ ୧୦ ବର୍ଷର ଜେଲ ଦଣ୍ଡ ବାବଦରେ ଉଲ୍ଲେଖ ହୋଇଥିଲା ।

   Related Posts