Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ବାହାଘର ପାଇଁ ରାଜି ନଥିଲେ ବାପା : ୧୨ କି.ମି. ଚାଲିଚାଲି ପ୍ରେମିକଙ୍କ ପାଖରେ ପହଞ୍ଚିଲେ ପ୍ରେମିକା, ମନ୍ଦିରରେ ହେଲା ବାହାଘର

5/05/2020 at 2:22 PM

ଦୁର୍ଗ ୦୫/୦୫ : ଲକଡାଉନ ଯୋଗୁଁ କେବଳ ବ୍ୟବସାୟିକ କ୍ଷତି ଘଟିନି ବରଂ ସାମାଜିକ ସ୍ଥରରେ ମଧ୍ୟ ଅନେକ ପ୍ରଭାବ ପଡିଛି | ଅନେକ ସମ୍ପର୍କ ମଧ୍ୟରେ ଫାଟ ସୃଷ୍ଟି ହୋଇଥିବାବେଳେ ଆଉ କିଛି ନୂଆ ସମ୍ପର୍କ ମଧ୍ୟ ସ୍ଥାପନ ହୋଇଛି | କିଛି ଲୋକ ନିଜ ସମ୍ପର୍କ ରକ୍ଷା କରିବା ପାଇଁ ଶାନ୍ତି ଶୃଙ୍ଖଳାରେ ବିବାହ ମଧ୍ୟ କରୁଛନ୍ତି | ଜଣେ ୨୧ ବର୍ଷୀୟ ଯୁବତୀ ଲକଡାଉନ ସମୟରେ ସାମାଜିକ ବାଧା ବିଘ୍ନକୁ ଏଡାଇ ଦେଇ ବିବାହ ବନ୍ଧନରେ ବାନ୍ଧି ହେବାକୁ ନିଷ୍ପତ୍ତି ନେଇଛନ୍ତି | ଯୁବତୀ ଜଣକ ୧୨ କିମି ଦୂର ଚାଲି ଚାଲି ଯାଇ ନିଜ ପ୍ରେମିକ ପାଖରେ ପହଞ୍ଚିଥିଲେ | ଉଭୟ ସ୍ୱାମୀ ସ୍ତ୍ରୀ ଭଳି ମିଶିକି ରହୁଥିଲେ | ଯୁବତୀଙ୍କ ବାପା ଉଭୟଙ୍କ ବାହାଘର ପାଇଁ ରାଜି ନଥିଲେ | ଉଭୟଙ୍କ ପରିବାରରେ କୌଣସି ସାମଞ୍ଜସ୍ୟ ନାହିଁ ବୋଲି କହି ଯୁବତୀଙ୍କ ବାପା ସେମାନଙ୍କ ସମ୍ପର୍କକୁ ସ୍ୱୀକୃତି ଦେଇନଥିଲେ | ଯୁବତୀଙ୍କ ବାପା ସେମାନଙ୍କ ସମ୍ପର୍କରେ ରାଜି ନ ହେବାରୁ ଯୁବତୀ ନିଜ ପ୍ରେମିକ ପାଖକୁ ଚାଲି ଯାଇଥିଲେ | ମାମଲା ଥାନାରେ ପହଞ୍ଚିଥିଲା | କୌଣସି ଆଇନଗତ ପଦକ୍ଷେପ ଗ୍ରହଣ କରିବା ପୂର୍ବରୁ ପ୍ରେମୀ ଯୁଗଳ ବିବାହ ବନ୍ଧନରେ ବାନ୍ଧି ହୋଇଗଲେ |

ସୂଚନାଯୋଗ୍ୟ ଯେ, ଯୁବତୀ ନିଜ ବାପା ଘର ଛାଡି ଚାଲିଯିବା ପରେ ତାଙ୍କ ବାପା ଥାନାରେ ଝିଅର ନିଖୋଜ ମାମଲା ରୁଜ୍ଜୁ କରିଥିଲେ | ତାଙ୍କ ହଠାତ ଗାୟବ ହୋଇଯାଇଥିବା ସେ ଥାନାରେ କହିଥିଲେ | ତାଙ୍କୁ କିଏ ଅପହରଣ କରିଥାଇପାରେ କିମ୍ବା କୌଣସି ଅଘଟଣ ହେବାର ଆଶଙ୍କା କରାଯାଉଥିଲା | ଯୁବତୀଙ୍କ ପିତାଙ୍କ ବୟାନ ଆଧାରରେ ପୋଲିସ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଥିଲା | ଅଚାନକ ୩ଦିନ ପରେ ଯୁବତୀ ନିଜ ଘରକୁ ଫେରି ଆସିଥିଲେ | ଯୁବତୀଙ୍କୁ ନେଇ ବାପା ପୁଣି ଥାନାରେ ପହଞ୍ଚିଥିଲେ | ଥାନାରେ ସେ କହିଥିଲେ ଯେ ତାଙ୍କ ଝିଅ ଜଣେ ଯୁବକ ସହ ୩ ଦିନ ରହି ଆସିଛି | ସେ ତାକୁ ନିଜ ଘରେ ରଖିବେ ନାହିଁ ବୋଲି କହିଥିଲେ | ଆଉ ଯଦିବା ରଖନ୍ତି ତାହେଲେ ତାଙ୍କ ଝିଅ କେହି ବାହା ହେବେ ନାହିଁ ବୋଲି ସେ କହିଥିଲେ |

ପିତାଙ୍କ ସମସ୍ତ କଥା ଶୁଣିବା ପରେ ପୋଲିସ ତୁରନ୍ତ ଯୁବକକୁ ଥାନାକୁ ଡାକିଥିଲା | ଯୁବକ ପାଟଣା ଥାନା ଅଞ୍ଚଳରେ ରୁହନ୍ତି | ଯୁବକଙ୍କ ସହ ସେହି ଅଞ୍ଚଳର ସାମାଜିକ ପଦାଧିକାରୀଙ୍କୁ ମଧ୍ୟ ସୂଚନା ଦେଇଥିଲେ | ସାମାଜିକ ସ୍ଥରରେ ଥାନାରେ ଏକ ବୈଠକ ବସିଲା | ଯେହେତୁ ଉଭୟ ଯୁବକ ଯୁବତୀ ବୟସ୍କ ଥିଲେ ସେଥିପାଇଁ ଉଭୟ ଏକାସଙ୍ଗେ ମିଶି ରହିଲେ ଅପହରଣ ମାମଲା ହେବ ନାହିଁ ବୋଲି ବୈଠକରେ ନିଷ୍ପତ୍ତି ନିଆଗଲା | ତେବେ ଯଦି ଯୁବକ ଜଣକ ଯୁବତୀଙ୍କୁ ବିବାହ କରିବାକୁ ମନା କରନ୍ତି ତାହେଲେ ଅପରାଧ ହେବ ବୋଲି ବୈଠକରେ ଉପସ୍ଥିତ ପଦାଧିକାରୀ କହିଥିଲେ | ତେବେ ଉଭୟ ବିବାହ ପାଇଁ ରାଜି ଥିଲେ | ସୋମବାର ଦିନ ଉଭୟ ମନ୍ଦିରରେ ବିବାହ କରିଥିଲେ | ସମାଜ ଦ୍ୱାରା ପ୍ରଦତ୍ତ ବିବାହ ପ୍ରମାଣପତ୍ର ମଙ୍ଗଳବାର ଦିନ ଜମା କରିବାକୁ ଆଶ୍ୱାସନା ଦିଆଯାଇଛି |

ଘଟଣା ସମ୍ପର୍କରେ ଯୁବତୀ କହିଛନ୍ତି ଯେ, ତାଙ୍କ ଘରେ କଥାବାର୍ତ୍ତା ହେଉଥିଲେ ଯେ ଲକଡାଉନ ଯୋଗୁଁ ଚଳିତ ବର୍ଷ ତାଙ୍କ ବାହାଘର ହେବନାହିଁ | ତାଙ୍କ ବାହାଘର ଆସନ୍ତା ବର୍ଷ ହେବ | ଘରଲୋକଙ୍କ ଏହି କଥା ଶୁଣି ସେ ଚିନ୍ତିତ ହୋଇଯାଇଥିଲେ | ସେ ନିଜ ପ୍ରେମିକକୁ ଯୋଗାଯୋଗ କରିଥିଲେ ଏବଂ ତାଙ୍କୁ ଏପ୍ରିଲ ୨୧ ତାରିଖରେ ଉତଇକୁ ଡାକିଥିଲେ | ସେ ମଧ୍ୟ ସେଠାକୁ ଯାଇଥିଲେ | ଯୁବତୀ ଦୁର୍ଗରୁ ଉତଇ ଚାଲିଚାଲି ଯାଇଥିଲେ | ସେଠାରେ ସେମାନେ ମିଶିକି ରହିବ ପାଇଁ ନିଷ୍ପତ୍ତି ନେଇଥିଲେ ଏବଂ ଯୁବତୀ ନିଜ ପ୍ରେମିକ ସହ ତାଙ୍କ ଘରକୁ ଚାଲିଯାଇଥିଲେ | ତାଙ୍କ ସହ ୩ ଦିନ ରହିବା ପରେ ନିଜ ଘରକୁ ଫେରି ଆସିଥିଲେ ଏବଂ ରୀତିନୀତି ଅନୁଯାୟୀ ମନ୍ଦିରରେ ବିବାହ କରିଥିଲେ |   

   Related Posts