Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : କୁମ୍ଭମେଳା ଫେରନ୍ତା ୧୩ଜଣ କରୋନା ପଜିଟିଭ୍, ରେଳ ଯାତ୍ରୀଙ୍କ ରିପୋର୍ଟ ଯାଞ୍ଚ କଡାକଡି
  • ||
  • ଆଠମଲ୍ଲିକ : ଜଳ ପ୍ରକଳ୍ପ ସ୍ଥାନାନ୍ତର ପ୍ରତିବାଦ, ଉପଜିଲ୍ଲାପାଳ ଅଫିସ ସମ୍ମୁଖରେ ଗ୍ରାମବାସୀଙ୍କ ବିକ୍ଷୋଭ ପ୍ରଦର୍ଶନ
  • ||
  • ପୁରୀ : ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||
  • ମାଲକାନଗିରି : ପୋଲିସ-ନକ୍ସଲ ଗୁଳିବିନମୟ : ଜଣେ ନିହତ, ମୁଣ୍ଡ ଉପରେ ୫ଲକ୍ଷ ଟଙ୍କାର ପୁରସ୍କାର
  • ||
  • ତେଲକୋଇ : ମହୁଲ ବୋଝେଇ ମିନିଟ୍ରକ୍ ଜବତ, ଜଣେ ଅଟକ
  • ||
  • ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||
  • ଲମତାପୁଟ : ୧୧ଲକ୍ଷ ଟଙ୍କାର ଗଞ୍ଜେଇ ଜବତ, ୪ ଗିରଫ
  • ||
  • ରାଜ୍ୟରେ କରୋନା ନେଲା ଆଉ ୫ ଜଣଙ୍କ ଜୀବନ, ୧୯୫୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ରାଜ୍ୟରେ ୪ହଜାର ଉପରେ କରୋନା ସଂକ୍ରମଣ, ୨୪ ଘଣ୍ଟାରେ ୪୭୬୧ ପଜିଟିଭ୍ ଚିହ୍ନଟ
  • ||
  • ବ୍ରହ୍ମପୁର : ସରିଲା ବ୍ରହ୍ମପୁରର ପ୍ରସିଦ୍ଧ ମା ବୁଢୀ ଠାକୁରାଣୀଙ୍କ ଯାତ୍ରା
  • ||

ପରକୀୟା ପ୍ରୀତିକୁ ନେଇ ସ୍ୱାମୀ-ସ୍ତ୍ରୀ ସଂପର୍କରେ ଫାଟ, ଶାଶୁଘରେ ପହଞ୍ଚିଲା ଭୁବନେଶ୍ୱର ପୋଲିସ୍

7/03/2021 at 2:59 PM

ଯାଜପୁର, ୦୭/୦୩: ବିବାହ ପରେ ପ୍ରେମିକାଙ୍କୁ ପ୍ରତାରଣା ଘଟଣା ଏବେ ସାମ୍ନାକୁ ଆସିଛି । ଯାହାକୁ ନେଇ ସ୍ୱାମୀ- ସ୍ତ୍ରୀଙ୍କ ମଧ୍ୟରେ ଅଶାନ୍ତି ଓ ତିକ୍ତତା ସୃଷ୍ଟି ହୋଇଥିବା ଜଣାପଡ଼ିଛି । ସ୍ୱାମୀ, ଶାଶୁ, ଶ୍ୱଶୁରଙ୍କ ଦ୍ୱାରା ଝିଅ ପ୍ରତି ନିର୍ଯ୍ୟାତନା ଦିଆଯାଇଥିବା ବାପଘର ଲୋକେ ଥାନାରେ ଅଭିଯୋଗ କରିଥିଲେ । ଭୁବନେଶ୍ୱର ମହିଳା ଥାନାରେ ଏନେଇ ଲିଖିତ ଅଭିଯୋଗ ହେବା ପରେ ପୋଲିସ୍ ପହଞ୍ଚି ଶାଶୁଘରୁ ସମସ୍ତ ଯୌତୁକ ସାମଗ୍ରୀ ଜବତ କରିବା ସହିତ ଏଗୁଡିକୁ ତାଙ୍କ ବାପଘର ଲୋକଙ୍କୁ ହସ୍ତାନ୍ତର କରିଛି ।

ଏପରି ଏକ ଘଟଣା ଦେଖିବାକୁ ମିଳିଛି ଯାଜପୁର ରୋଡ ଥାନା ଚୋରଦା ଛକ ନିକଟସ୍ଥ ବ୍ୟାସବିହାର ଅଞ୍ଚଳରେ । ସୂଚନା ମୁତାବକ ପ୍ରାୟ ଦୁଇବର୍ଷ ତଳେ ବ୍ୟାସବିହାର ଅଞ୍ଚଳର କୃପାସିନ୍ଧୁ ନାୟକଙ୍କ ପୁଅ ଶୁଭେନ୍ଦୁଙ୍କୁ ଭଦ୍ରକ ଜିଲ୍ଲା ମଞ୍ଜୁରୀରୋଡ୍ ଅଞ୍ଚଳର ସାତଷୋଳା ଗ୍ରାମର ମନୋଜ ସାହୁଙ୍କ ଝିଅ ନିହାରିକା ପ୍ରେମକରି ବୈଦିକ ରିତିନୀତିରେ ବିବାହ କରିଥିଲେ ।

ବିବାହର କିଛି ଦିନ ପରେ ଶୁଭେନ୍ଦୁଙ୍କର ଅନ୍ୟ କାହା ସହିତ ପ୍ରେମ ସମ୍ପର୍କ ଥିବା ନିହାରିକା ଜାଣିବାକୁ ପାଇଥିଲେ । ଏହାପରେ ଉଭୟଙ୍କ ମଧ୍ୟରେ ସୁସମ୍ପର୍କ ରହିନଥିଲା । ଏପରିକି ଅଧିକ ଯୌତୁକ ଦାବିକରି ସ୍ୱୀମୀ ଓ ଶାଶୁଘର ସଦସ୍ୟ ବାରମ୍ବାର ନିହାରିକାଙ୍କୁ ନିର୍ଯ୍ୟାତନା ଦେଇଆସିଥିବା ସେ ଅଭିଯୋଗ କରିଛନ୍ତି ।

ଫଳରେ ସେ ଏହା ସହିନପାରି ଶାଶୁଘର ଛାଡି ବାପଘରକୁ ପଳାଇଯାଇଥିଲେ । ଯାଜପୁର ରୋଡ ଥାନାରେ ଲିଖିତ ଅଭିଯୋଗ କରିଥିଲେ ହେଁ ଏହି ଥାନାରୁ କୌଣସି ନ୍ୟାୟ ନମିଳିବାରୁ ସେ ଅଦାଲତର ଆଶ୍ରୟ ନେଇଥିବା ଜଣାପଡିଛି ।

ତେବେ ନିକଟରେ ଏନେଇ ସେ ଭୁବନେଶ୍ୱରର ମହିଳା ଥାନାର ଦ୍ୱାରସ୍ଥ ହେବାପରେ ମହିଳା ଥାନା ପୋଲିସ୍ ତାଙ୍କ ଶାଶୁଘରେ ପହଞ୍ଚି ସମସ୍ତ ଯାନି ଯୌତୁକ ସାମଗ୍ରୀ ଜବତ କରିଛି । ଏଥିସହ ପୋଲିସ୍ ଘଟଣାର ଅଧିକ ଅନୁସନ୍ଧାନ ଜାରି ରଖିଛି ।

ତେବେ ଯୌତୁକରେ ଦିଆଯାଇଥିବା ୧୦ଲକ୍ଷ ଟଙ୍କାର ଏକ ବଣ୍ଡ ଏବଂ ପ୍ରାୟ ୩୦ ଭରିରୁ ଉର୍ଦ୍ଧ୍ୱ ସୁନା ଅଳଙ୍କାର ନିହାରିକାଙ୍କ ପରିବାର ଦାବି କରିଥିଲେ ହେଁ ଏହାର କୌଣସି ସନ୍ଧାନ ମିଳିନଥିଲା ।

ଅନ୍ୟପଟେ ଶାଶୁଘର ଲୋକ ନିହାରିକା ଏବଂ ତାଙ୍କ ପରିବାର ସେମାନଙ୍କ ନାମରେ କରିଥିବା ଅଭିଯୋଗ ମିଥ୍ୟା ଓ ଭିତ୍ତିହୀନ ବୋଲି କହିଛନ୍ତି । ସେମାନେ ଏଭଳି ପରିସ୍ଥିତି ପାଇଁ ନିହାରିକାଙ୍କୁ ଦାୟୀ କରିଛନ୍ତି ।      

   Related Posts