Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ପୁରୀ : ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ, ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||

ଅଜାନ ଇସ୍ଲାମ୍ ଲାଗି ଗୁରୁତ୍ୱପୂର୍ଣ୍ଣ, ଲାଉଡ ସ୍ପିକର ନୁହେଁ: ଆଲହାବାଦ ହାଇକୋର୍ଟ

15/05/2020 at 4:48 PM

ଆଲହାବାଦ ୧୫।୫:  ଅଜାନକୁ ନେଇ ଆଲହାବାଦ ହାଇକୋର୍ଟ ଶୁକ୍ରବାର ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। କୋର୍ଟ ଅଜାନକୁ ଇସ୍ଲାମର ଗୁରୁତ୍ୱପୂର୍ଣ୍ଣ ଅଂଶ ବୋଲି କହିଛନ୍ତି। ତେବେ ଲାଉଡସ୍ପିକରରେ ଅଜାନ ଇସ୍ଲାମର ଅଂଶବିଶେଷ ନୁହେଁ ବୋଲି କୋର୍ଟ କହିବା ଏବେ ମସଜିଦରେ ଲାଉଡ ସ୍ପିକରର ବ୍ୟବହାର ନେଇ ପ୍ରଶ୍ନଚିହ୍ନ ଲଗାଇଛି।

ଗାଜିପୁର ବହୁଜନ ସମାଜ ପାର୍ଟି ସାଂସଦ ଅଫଜାଲ ଅଂଶାରୀ ଅଜାନ ଉପରେ କଟକଣାକୁ ବିରୋଧ କରି କୋର୍ଟଙ୍କ ଶରଣାପନ୍ନ ହୋଇଥିଲେ। ହାଇକୋର୍ଟଙ୍କ ବିଚାରପତି ଶଶିକାନ୍ତ ଗୁପ୍ତା ଓ ଜଷ୍ଟିସ୍ ଅଜିତ କୁମାରଙ୍କ ଖଣ୍ଡପୀଠ ଭିଡିଓ କନଫରେନସିଂରେ ମାମଲାର ଶୁଣାଣି କରି ମେ ୫ ତାରିଖରେ ରାୟ ସଂରକ୍ଷିତ ରଖିଥିଲେ। କୋର୍ଟ ଇସ୍ଲାମରେ ଅଜାନ ଗୁରୁତ୍ୱପୂର୍ଣ୍ଣ ହୋଇପାରେ ବୋଲି କହିଥିବା ବେଳେ ମୁଅଜ୍ଜିନ ବିନା ମାଇକ୍‌ରେ ଅଜାନ କରିପାରନ୍ତି ବୋଲି କହିଛନ୍ତି। ଏହା ଛଡା ରାତି ୧୦ଟାରୁ ସକାଳ ୬ଟା ପର୍ଯ୍ୟନ୍ତ ମାଇକ୍ ବଜାଇବା ଲାଗି ପ୍ରଶାସନ କୌଣସି କ୍ଷେତ୍ରରେ ମଧ୍ୟ ଅନୁମତି ଦିଅନ୍ତି ନାହିଁ ବୋଲି ସ୍ପଷ୍ଟ କରିଦେଇଛନ୍ତି।

କୋଭିଡ-୧୯ ସଂକ୍ରମଣ ଗାଇଡ୍ ଲାଇନରେ ଲାଉଡ ସ୍ପିକରରେ ଅଜାନ ନ କରିବାକୁ ଗାଜିପୁର ଜିଲ୍ଲାଧିକାରୀ ମୌଖିକ ନିର୍ଦ୍ଦେଶରେ କହିଥିଲେ। ଏଣୁ ମୁଅଜ୍ଜିନ ଦ୍ୱାରା ଲାଉଡ ସ୍ପିକରରେ ଅଜାନ ଲାଗି ନିର୍ଦ୍ଦେଶ ଦେବାକୁ  ଆବେଦନକାରୀ ଅଫଜାଲ ଅଂଶାରୀ ତାଙ୍କ ଓକିଲ ତଥା ପୂର୍ବତନ କେନ୍ଦ୍ର ଆଇନ ମନ୍ତ୍ରୀ ସଲମାନ ଖୁର୍ସିଦ ଓ ବରିଷ୍ଠ ଓକିଲ ୱସିମ ଏ.କାଦରୀଙ୍କ ଜରିଆରେ କୋର୍ଟଙ୍କୁ ନିବେଦନ କରିଥିଲେ। ତେବେ କେବଳ କୋଭିଡ-୧୯ ଜନିତ ସମୟ ନୁହେଁ ସବୁ ସମୟରେ ବିନା ମାଇକ୍, ଲାଉଡସ୍ପିକର ଓ ସେହିଭଳି ଯନ୍ତ୍ରରେ ଅଜାନ ନ କରିବାକୁ କୋର୍ଟ କହିଛନ୍ତି।  

ଗାଜିପୁର ସାଂସଦ ଅଂଶାରୀ ତାଙ୍କ ନିବେଦନରେ ଜିଲ୍ଲାଧିକାରୀ ମୌଖିକ ଆଦେଶରେ ଅଜାନ ଉପରେ କଟକଣା ଲଗାଇଥିବା ଅଭିଯୋଗ କରିଥିଲେ। ଏହା ଧାର୍ମିକ ମୌଳିକ ଅଧିକାରର ଉଲ୍ଲଂଘନ ଦର୍ଶାଇ କୋର୍ଟଙ୍କ ହସ୍ତକ୍ଷେପ ଲୋଡିଥିଲେ। ଏଥିରେ ଲୋକଙ୍କୁ ନମାଜ ସମୟ ଜଣାଇବା ଲାଗି ମାଇକ୍‌ରେ ଅଜାନ ଜରୁରି ବୋଲି କହିଥିଲେ ନିବେଦନକାରୀ। ତେବେ ଖଣ୍ଡପୀଠ ତାଙ୍କ ତର୍କକୁ ଅଗ୍ରାହ୍ୟ କରିଦେଇଛନ୍ତି।

   Related Posts