ଇଂଲଣ୍ଡ;୬/୧୨- ସବୁବେଳେ ମହିଳାଂକୁ ନେଇ ବିଭିନ୍ନ ଚର୍ଚ୍ଚା । ହେଲେ ମହିଳାଙ୍କୁ ନେଇ ଟିକିଏ ଏପଟ ସେପଟ ହେଲେ ଅନେକ କିଛି ଦୁର୍ଘଟଣା ଘଟିବାର ବି ଆଶଂକା ଅଛି । ଏପରିକି ମାନସମ୍ମାନ ବି ଚାଲିଯିବାର ଅନେକ ଦୃଷ୍ଟାନ୍ତ ଅଛି । ଏଇ ନିକଟରେ ସେପରି ଏକ ଘଟଣା ଘଟିଛି ଇଂଲଣ୍ଡରେ । ଇଂଲଣ୍ଡର ବିଧାନସଭା ପରିଷଦରେ ଥିବା ଜଣେ କାଉଁସିଲର ବା ବିଧାୟକ ମହିଳାଂକ ଟପଲେସ ଫଟୋ ହ୍ଵାଟସ୍ଆପରେ ଛାଡ଼ି ନିଜ ପଦ ହରେଇବାକୁ ପଡ଼ିଛି ।
ସିଫେଲ୍ଡ଼ ସିଟିର କାଉଁସିଲର ମହମ୍ମଦ ମରୁଫ “ମମସ ୟୁନିଟେଡ଼” ନାମକ ହ୍ଵାଟସଆପ ଗୃପରେ ଜଣେ ମହିଳାଙ୍କ ଟପଲେସ ଫଟୋ ଛାଡ଼ିଥିବା ଅଭିଯୋଗ ହୋଇଥିଲା । ମରୁଫ ହେଉଛନ୍ତି ପାକିସ୍ଥାନର ମୂଳ ନାଗରିକ ଓ ସେ ଇଂଲଣ୍ଡରେ କାଉଁସେଲର ଥିଲେ ।
ଏହୁ ଗୃପର ପ୍ରତିଷ୍ଠାତା ଶାହିରା ଇରସାଦ, ମରୁଫଙ୍କ ବିରୋଧରେ ଏହି ଅଭିଯୋଗ କରିଥିଲେ । ଲେବର ପାର୍ଟିର କାଉଁସିଲର ମିଟିଂ ଚାଲିଥିବା ସମୟରେ ଇରସାଦଙ୍କ ଅଭିଭାଷଣର ଭିଡ଼ିଓ କ୍ଲିପିଂ ଛାଡ଼ୁ ଛାଡ଼ୁ ଭୁଲରେ ଅନ୍ୟ ଫଟୋ ଅପଲୋଡ଼ ହୋଇଯାଇଛି ବୋଲି ମରୁଫ ସଫେଇ ଦେଇଛନ୍ତି । ସେ ଆହୁରି ମଧ୍ୟ କହିଛନ୍ତି ,ଅପଲୋଡ଼ କରିବାର କିଛି ସେକେଣ୍ଡ ମଧ୍ୟରେ ସେ ଫଟୋ ଡ଼ିଲିଟ୍ କରିଦେଇଛନ୍ତି ।
ତାଙ୍କ ମୋବାଇଲକୁ କେହିଜଣେ ଏହି ଫଟୋ ଛାଡ଼ିଥିଲା । ହ୍ଵାଟସଆପରେ ଆସୁଥିବା ସମସ୍ତ ଫଟୋ ତାଙ୍କ ମୋବାଇଲରେ ଆପେଆପେ ସେଭ୍ ହୋଇ ରହିଯାଇଥାଏ । ଭୁଲରେ ଏ ଫଟୋ ଅପଲୋଡ଼ ହୋଇଯାଇଛି ବୋଲି ସଫେଇ ଦେଇ କ୍ଷମା ମାଗିନେଛନ୍ତି ମରୁଫ ।
ସେ ଆହୁରି ମଧ୍ୟ କହିଛନ୍ତି ,ଏଭଳି ଫଟୋ ଅପଲୋଡ଼ କରିବାର କିଛି ମନ୍ଦ ଉଦ୍ଦେଶ୍ୟ ନାହିଁ । କେବଳ ଛୋଟ ଭୁଲଟେ ପାଇଁ ଏଭଳି ହୋଇଯାଇଛି । ଗୃପପ୍ରତି ଓ ସମସ୍ତ ସଦସ୍ୟଂକ ପ୍ରତି ତାଙ୍କର ଯଥେଷ୍ଟ ସମ୍ମାନ ରହିଛି ।
କାଉଁସିଲର ମୁଖ୍ୟ ଜୁଲି ଡ଼ୋରେ କହିଛନ୍ତି, ଏହା ହେଉଛି ନିଶ୍ଚୟ ସାଂଘାତିକ ବିଷୟ । ଏ ବିଷୟରେ ତର୍ଜମା କରାଯାଇ ସଠିକ ପଦକ୍ଷେପ ନିଆଯିବ ।