Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ରଥଯାତ୍ରାର ଟିଭି ପ୍ରସାରଣ ପାଇଁ ସରିଲା ଟେଣ୍ଡର ; କାହାକୁ ମିଳିବ ପ୍ରସାରଣ ଅଧିକାର ଆଜି ହେବ ଖୁଲାସା, ସେପଟେ ନିଲାମ ବାତିଲ୍ କରିବାକୁ ହାଇକୋର୍ଟରେ ପିଆଇଏଲ୍

11/06/2019 at 9:25 AM

ପୁରୀ ୧୧|୬: ଶ୍ରୀମନ୍ଦିର ପ୍ରଶାସନର ରଥଯାତ୍ରା ସିଧା ପ୍ରସାରଣ ନିଲାମ ଡାକରା ନିଷ୍ପତ୍ତି ଦିନକୁ ଦିନ ବିବାଦୀୟ ହେବାରେ ଲାଗିଛି । ବିଭିନ୍ନ ମହଲରୁ ଏହାକୁ ତୀବ୍ର ବିରୋଧ କରାଗଲାଣି । ଗତକାଲି ଶ୍ରୀ ମନ୍ଦିର ପ୍ରଶାସନ ନିଲାମି ଖୋଲିଛି। ଆଜି ଶ୍ରୀମନ୍ଦିର ମୁଖ୍ୟ ପ୍ରଶାସନ ଉପସ୍ଥିତିରେ ଆଲୋଚନା ହୋଇ ନିଷ୍ପତ୍ତି ନିଆଯିବ । ଆଜି ମଧ୍ୟ ପରିଚାଳନା କମିଟି ବୈଠକ ଥିବାରୁ ଏଥିରେ ଏନେଇ ଆଲୋଚନା ହେବ । 

ଘରେ ବସି ଜଗନ୍ନାଥଙ୍କ ରଥ ଯାତ୍ରାକୁ ପାଖରୁ ଭକ୍ତ ଦେଖିବାରେ ମନ୍ଦିର ପ୍ରଶାସନ ଅନ୍ତରାୟ କରୁଥିବା ବୁଦ୍ଧିଜୀବୀ ମହଲରେ ଯୁକ୍ତି ରଖୁଥିବା ବେଳେ ସେପଟେ ମନ୍ଦିରର ମୁଖ୍ୟ ପ୍ରଶାସକଙ୍କ ମତ ଟିଭି ଚ୍ୟାନେଲ ମାନେ ରଥଯାତ୍ରାର ସିଧା ପ୍ରସାରଣ କରି ଅର୍ଥ ରୋଜଗାର କରୁଛନ୍ତି । ଏହି ବ୍ୟବସ୍ଥା ହେଲେ ଶ୍ରୀ ମନ୍ଦିର ପ୍ରଶାସନକୁ ଅର୍ଥ ଆସିବ । ଏହା ପୁରୁଣା ପ୍ରସ୍ତାବ ଏବେ କେବଳ କାର୍ଯ୍ୟକାରୀ କରାଯିବାକୁ ନିଷ୍ପତ୍ତି ହୋଇଥିବା ଯୁକ୍ତି ରଖିଛି ଶ୍ରୀମନ୍ଦିର ପ୍ରଶାସନ ।

ତେବେ ଶ୍ରୀମନ୍ଦିର ପ୍ରଶାସନର ଏପରି ନିଷ୍ପତ୍ତି ବିରୋଧରେ ହାଇକୋର୍ଟରେ ଜନସ୍ବାର୍ଥ ମାମଲା ରୁଜୁ ହୋଇଛି । ଶ୍ରୀମନ୍ଦିର ମୁଖ୍ୟ ପ୍ରଶାସକ ବୟାନ ଦେଇ କହିଛନ୍ତି, ଶ୍ରୀମନ୍ଦିର ଆୟ ବଢାଇବା ପାଇଁ ଏହା ଏକ ପ୍ରକ୍ରିୟା । ତେବେ ଏତେ ବଡ ନିଷ୍ପତ୍ତି ନେବା ଆଗକୁ କାହାକୁ ବିଶ୍ୱାସକୁ ନେଇଥିଲା କି ଶ୍ରୀମନ୍ଦିର ପ୍ରଶାସନ । ପରିଚାଳନା କମିଟିରେ କିମ୍ବା ଛତିଶା ନିଯୋଗ ବୈଠକରେ ପ୍ରସଙ୍ଗକୁ ଉଠାଇ ସମସ୍ତଙ୍କ ଆଭିମୁଖ୍ୟ ଜାଣିବାକୁ ନଚାହିଁ ଏକପାଖିଆ ଭାବେ ନିଷ୍ପତ୍ତି କାର୍ଯ୍ୟକାରୀ କରାଇବାର ଆବଶ୍ୟକତା କାହିଁକି ପଡିଲା?

ଯଦି ସିଧା ପ୍ରସାରଣକୁ ନିଲାମ କରି ଆୟ ବଢାଇବାକୁ ଚାହୁଁଛି ମନ୍ଦିର ପ୍ରଶାସନ ତେବେ ନିଜେ ରଥଯାତ୍ରାର ସିଧା ପ୍ରସାରଣ ବ୍ୟବସ୍ଥା କରାଇ ଯଦି ଏହାକୁ ସମସ୍ତ ଚ୍ୟାନେଲକୁ ବିକ୍ରି କରନ୍ତେ ତେବେ ହୁଏତ ଅଧିକ ରାଜସ୍ୱ ପାଇପାରନ୍ତେ ମନ୍ଦିର ପ୍ରଶାସନ । ଆଶ୍ଚର୍ଯ୍ୟର କଥା ହେଉଛି, ମନ୍ଦିର ପ୍ରଶାସନ ଏଭଳି ନିଷ୍ପତ୍ତି ନେଉଥିବା ବେଳେ ଆଇନ ବିଭାଗ ଚୁପ ରହିଛି । ଏପରିକି ରାଜ୍ୟ ସରକାର ଏପର୍ଯ୍ୟନ୍ତ ମୁହଁ ଖୋଲିନାହାନ୍ତି । ସରକାରୀ ସ୍ତରରେ ଏହାକୁ ନେଇ ସେଭଳି ତତ୍ପରତା ପ୍ରକାଶ ପାଇନି । ସରକାର କଣ ଏହାକୁ ନୀରବରେ ସମର୍ଥନ କରୁଛନ୍ତି କି ?

ଏକ ରିପୋର୍ଟ ଅନୁସାରେ, ଜଗନ୍ନାଥ ହେଉଛନ୍ତି ୫୯ ହଜାର ଏକର ଜମିର ମାଲିକ । ୨୩ ଜିଲ୍ଲା ଓ ୯ ରାଜ୍ୟରେ ଏହି ଜମି ସବୁ ରହିଛି । ହେଲେ ୩୦ ହଜାର ଏକର ଜମି କିନ୍ତୁ ଜଗନ୍ନାଥଙ୍କ ନାଁରେ ରହିଛି । ବାକି ସବୁ ଜମିକୁ ମାଫିଆ କିମ୍ବା ପ୍ରଭାବଶାଳୀ ଲୋକ ନିଜ କବଜାକୁ ନେଇ ସାରିଛନ୍ତି । ପ୍ରଶ୍ନ ଉଠୁଛି, ଶ୍ରୀମନ୍ଦିର ରାଜକୋଷ ବଢାଇବାକୁ ଏହି ସବୁ ଜମି ନିଜ କବଜାକୁ ଆଣି କାହିଁକି ନିଲାମ କରିବାକୁ ଅଂଟା ଭିଡୁନି ଶ୍ରୀମନ୍ଦିର ପ୍ରଶାସନ । ଏସବୁ ନକରି, ସମସ୍ତଙ୍କ ପାଖରେ ରଥଯାତ୍ରାକୁ ପହଁଚାଉଥିବା ଟିଭି ଚ୍ୟାନେଲ ଗୁଡିକ ଉପରେ ଛାଟ ଲଗାଇବା କେତେ ଦୂର ସମୀଚୀନ ।

   Related Posts