Monday, February 18, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ସାବଧାନ! ଖଣ୍ଡଗିରି ଅଞ୍ଚଳରେ ମାତିଛନ୍ତି ଲୁଟେରା, ମୁହଁରେ ମୁଖା ପିନ୍ଧି ହାତରେ ଗନ, ଲୁହା ରଡ ସାଙ୍ଗକୁ ମାରଣାସ୍ତ୍ର ଧରି ଘୁରି ବୁଲୁଛନ୍ତି : ଟାର୍ଗେଟରେ ପର୍ଯ୍ୟଟକ

ଭୁବନେଶ୍ବର୨୦|୧:ଖଣ୍ଡଗିରିରେ ଳୁଟେରାଙ୍କ ଆତଙ୍କରାଜ । ପର୍ଯ୍ୟଟକଙ୍କୁ ଛାଡୁ ନାହାନ୍ତି ଳୁଟେରା । କି ଦିନ କି ରାତି । ମୁହଁରେ ମୁଖା ପିନ୍ଧି ବାଇକ ଚଢି ଆସୁଛନ୍ତି । ମୁଣ୍ଡରେ ଗନ ଲାଗାଇ ଳୁଟି ନେଉଛନ୍ତି । ଯାହାକୁ ନେଇ ଖଣ୍ଡଗିରି ଅଞ୍ଚଳରେ କକୁଆ ଭୟ ସୃଷ୍ଟି ହୋଇଛି ।

ବରମୁଣ୍ଡା, ଖଣ୍ଡଗିରି ଛକ, ଘାଟିକିଆ, କଳିଙ୍ଗ ଷ୍ଟୁଡିଓ ଛକ, ପାତ୍ରପଡା, ଯାଗମରା ଖଣ୍ଡଗିରି – ଉଦୟଗିରି ମୁଣ୍ଡିଆ ଆଦି ଅଞ୍ଚଳରେ ଲୁଟେରାଙ୍କ ଚାଲିଛି ଆତଙ୍କରାଜ । ଏମାନଙ୍କ ପ୍ରାଦୁର୍ଭାବ ଦିନକୁ ବଢିବାରେ ଲାଗିଛି । ସଞ୍ଜ ନଇଲେ ମାରଣାସ୍ତ୍ର ଧରି ବାଇକ ବାହାରି ପଡୁଛନ୍ତି ଏମାନେ । ଲୁଟେରାଙ୍କ ଆତଙ୍କରେ ତ୍ରାହି ତ୍ରାହି ଡାକିଲେଣି ଲୋକେ । ଏମିତିକି ଖଣ୍ଡଗିରି – ଉଦୟଗିରି ବୁଲିବା ପାଇଁ ଆସୁଥିବା ପର୍ଯ୍ୟଟକଙ୍କୁ ବି ଛାଡୁ ନାହାନ୍ତି । ଗଲା କିଛି ଦିନର ଟ୍ରାକ ରେକର୍ଡକୁ ଦେଖିଲେ ସ୍ପଷ୍ଟ ଜଣା ପଡିଯାଉଛି । ଗତ ଦୁଇ ଦିନ ତଳେ ଜଣେ ବାହାର ରାଜ୍ୟ ମହିଳା ପର୍ଯ୍ୟଟକଙ୍କ ବେକରୁ ସୁନା ଚେନ ଲୁଟି ନେଇଥିଲେ ଲୁଟେରା । ଚବିଷ ଘଣ୍ଟା ନ ପରୁଣୁ ଆଉ ଜଣେ ମହିଳାଙ୍କ ଠାରୁ ଳୁଟିବା ପାଇଁ ପ୍ରୟାସ କରିଥିଲେ ଲୁଟେରା । ଏ ସମସ୍ତ ଘଟଣାକୁ ଦେଖିଲେ ସ୍ପଷ୍ଟ ବୁଝାପଡିଯାଉଛି ଖଣ୍ଡଗିରି ଏବେ ଳୁଟେରାଙ୍କ କବଜାରେ । ସେପଟେ ପର୍ଯ୍ୟଟକମାନେ ମଧ୍ୟ ଖଣ୍ଡିଗିରିକୁ ଆସିବାକୁ ଧିରେ ଧିରେ ଭୟ କଲେଣି ।

ଅପରପକ୍ଷରେ ଏହାକୁ ନେଇ କମିଶନରେଟ ପୋଲିସ ଏବେ କଡା ଅଭିମୁଖ୍ୟ ଗ୍ରହଣ କରିଛି । ଖଣ୍ଡଗିରି ଅଞ୍ଚଳରେ ପାଟ୍ରୋଲିଂ ବ୍ୟବସ୍ଥାକୁ କଡାକଡି ହେବ । ଏ ନେଇ ସ୍ବତନ୍ତ୍ରଭାବେ ପିସିଆର ଭ୍ୟାନ ବୁଲିବ । ଲୁଟେରାଙ୍କ ମଧ୍ୟ ଖୁବଶିଘ୍ର କାବୁ କରାଯିବ ବୋଲି ଭୁବନେଶ୍ବର ଡିସିପି କହିଛନ୍ତି ।

573 Views

   ସମ୍ବନ୍ଧିତ ଖବର