Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖୋର୍ଦ୍ଧା : ସାରୁଆରେ ଭୟାବହ ଅଗ୍ନିକାଣ୍ଡ, ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

୫ଟି ରାଜ୍ୟରେ ଏକକାଳୀନ ବିଧାନସଭା ନିର୍ବାଚନ ପାଇଁ ତାରିଖ ଘୋଷିତ ; ଡିସେମ୍ବର ୧୧ ତାରିଖରେ ଭୋଟ ଗଣତି

6/10/2018 at 4:06 PM

ଦିଲ୍ଲୀ ୬/୧୦ : ୫ଟି ରାଜ୍ୟ ପାଇଁ ବିଧାନସଭା ନିର୍ବାଚନ ତାରିଖ ଘୋଷଣା କରିଛନ୍ତି ମୁଖ୍ୟ ନିର୍ବାଚନ କମିଶନ | ଏହି ୫ଟି ରାଜ୍ୟ ହେଲା ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନ, ମିଜୋରାମ ଏବଂ ତେଲେଙ୍ଗାନା | ଏହି ସବୁ ରାଜ୍ୟରେ ଏକକାଳୀନ ନିର୍ବାଚନ ହେବ ଏବଂ ଡିସେମ୍ବର ୧୫ ତାରିଖ ସୁଦ୍ଧା ନିର୍ବାଚନ ପ୍ରକ୍ରିୟା ସାରିବା ବୋଲି ମୁଖ୍ୟ ନିର୍ବାଚନ କମିଶନ ଆଜି ଦିଲ୍ଲୀ ଠାରେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି | ସମସ୍ତ ରାଜ୍ୟର ଭୋଟ ଗଣତି ଡିସେମ୍ବର ୧୧ ତାରିଖରେ ହେବ |
ଏହି ସବୁ ରାଜ୍ୟ ମଧ୍ୟରୁ ଛତିଶଗଡ଼ରେ ନଭେମ୍ବର ୧୨ ତାରିଖ ଓ ୨୦ ତାରିଖରେ ଦୁଇଟି ପର୍ଯ୍ୟାୟରେ ମତ ଗ୍ରହଣ ହେବ | ଛତିଶଗଡ଼ ବିଧାନସଭା ନିର୍ବାଚନ ପାଇଁ ଅକ୍ଟୋବର ୧୬ ତାରିଖରେ ବିଜ୍ଞପ୍ତି ପ୍ରକାଶ ପାଇବ | ଅକ୍ଟୋବର ୨୬ ତାରିଖ ପ୍ରାର୍ଥୀ ପତ୍ର ଦାଖଲର ଶେଷ ତାରିଖ ହେବ | ନଭେମ୍ବର ୧୨ ତାରିଖରେ ଛତିଶଗଡ଼ର ୧୮ଟି ବିଧାନସଭା ନିର୍ବାଚନ ମଣ୍ଡଳୀରେ ମତ ଗ୍ରହଣ ହେବ | ୨୦ ତାରିଖରେ ଅବଶିଷ୍ଟ ୭୨ଟି ବିଧାନସଭା ନିର୍ବାଚନ ମଣ୍ଡଳୀରେ ମତ ଗ୍ରହଣ ହେବ |
ସେହିଭଳି ମଧ୍ୟ ପ୍ରଦେଶ ଏବଂ ମିଜୋରାମର ମତ ଗ୍ରହଣ ନଭେମ୍ବର ୨୮ ତାରିଖରେ ହେବ | ଅନ୍ୟ ପକ୍ଷରେ ତେଲେଙ୍ଗାନା ଏବଂ ରାଜସ୍ଥାନରେ ଡିସେମ୍ବର ୭ତାରିଖରେ ମତ ଗ୍ରହଣ ହେବ |
ସୂଚନାଯୋଗ୍ୟ ଯେ, ନଭେମ୍ବର ୨ ତାରିଖରେ ମଧ୍ୟ ପ୍ରଦେଶ ଓ ମିଜୋରାମ ପାଇଁ ବିଜ୍ଞପ୍ତି ପ୍ରକାଶ ପାଇବ | ଏହି ଦୁଇ ରାଜ୍ୟର ପ୍ରାର୍ଥୀ ପତ୍ର ଦାଖଲ କରିବା ଶେଷ ତାରିଖ ନଭେମ୍ବର ୯ ତାରିଖ ବୋଲି ଧାର୍ଯ୍ୟ କରାଯାଇଛି |
ସୂଚନାଯୋଗ୍ୟ ଯେ, ୫୦ ସଦସ୍ୟ ବିଶିଷ୍ଟ ମିଜୋରାମ ବିଧାନସଭାର କାର୍ଯ୍ୟକାଳ ଡିସେମ୍ବର ୧୫ରେ ସରୁଛି | ସେହିଭଳି ୯୦ ସଦସ୍ୟ ବିଶିଷ୍ଟ ଛତିଶଗଡ଼ ବିଧାନସଭାର କାର୍ଯ୍ୟକାଳ ୨୦୧୯ ମସିହା ଜାନୁଆରୀ ୫ତାରିଖରେ ସରୁଛି | ୨୩୦ ସଦସ୍ୟ ବିଶିଷ୍ଟ ମଧ୍ୟ ପ୍ରଦେଶ ବିଧାନସଭାର କାର୍ଯ୍ୟକାଳ ୨୦୧୯ ମସିହା ଜାନୁଆରୀ ୭ତାରିଖରେ ସରୁଛି | ସେହିଭଳି ୨୦୦ ସଦସ୍ୟ ବିଶିଷ୍ଟ ରାଜସ୍ଥାନ ବିଧାନସଭାର କାର୍ଯ୍ୟକାଳ ୨୦୧୯ ମସିହା ଜାନୁଆରୀ ୨୦ ତାରିଖରେ ସରୁଛି | ଅନ୍ୟ ପକ୍ଷରେ ଆଗୁଆ ନିର୍ବାଚନ ପାଇଁ ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ ଗତମାସରେ କାର୍ଯ୍ୟକାଳ ସାରିବା ପୂର୍ବରୁ ତେଲେଙ୍ଗାନା ବିଧାନସଭାକୁ ଭଙ୍ଗ କରିଛନ୍ତି |

   Related Posts