Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ତଳମୁହାଁ କରୋନା ଗ୍ରାଫ୍: ଓଡ଼ିଶାରେ ମଧ୍ୟ ହ୍ରାସ ପାଇଛି ସଂକ୍ରମଣ
  • ||

ସୁନା ବାସନରେ ଖାଉଥିଲେ ଏହି ଧନକୁବେର ସରକାରୀ ଅଫିସର : ଜବତ ହେଲା କୋଟି କୋଟି ଟଙ୍କାର ସମ୍ପତ୍ତି

4/07/2019 at 3:34 PM

ଜବଲପୁର ୪/୭ : ମଧ୍ୟପ୍ରଦେଶରେ ଜଣେ ପରେ ଜଣେ ଦୁର୍ନୀତିଗ୍ରସ୍ତ ସରକାରୀ ଅଫିସରଙ୍କ ସମ୍ପତ୍ତିର ଖୁଲାସା ହେଉଛି । ଜବଲପୁର ପିଏଚଇ ଅବସରପ୍ରାପ୍ତ ଏସଡିଓ ଅଫିସର ସୁରେଶ ଉପାଧ୍ୟାୟଙ୍କ ବାସଭବନରେ ଈଓଡବ୍ଲୁ ଚଢ଼ାଉ କରି ୪୦ କୋଟି ଟଙ୍କାର ସମ୍ପତ୍ତିର ଖୁଲାସା କରିଛନ୍ତି । ଏହାପରେ ଲୋକାୟୁକ୍ତ ଟିମ ଜିଲ୍ଲାର ପିଏଚଇ ଏକ୍ଜିକ୍ୟୁଟିଭ ଇଞ୍ଜିନିୟର ସୁନିଲ ବ୍ୟାସଙ୍କ ବାସଭବନରେ ଚଢଉ କରି କୋଟି କୋଟି ଟଙ୍କା ସମ୍ପତ୍ତିର ଖୁଲାସା କରିଥିଲେ । ଲୋକାୟୁକ୍ତ ଟିମ ସୁନିଲ ବ୍ୟାସଙ୍କ ଭୋପାଲ ଏବଂ ସିଧି ସ୍ଥିତ ବାସଭବନରେ ଚଢଉ କରିଥିଲେ । ଚଢଉବେଳେ ଲୋକାୟୁକ୍ତ ଟିମ ଯାହା ଦେଖିଲେ ସେଥିରେ ଆଶ୍ଚର୍ଯ୍ୟ ହୋଇଗଲେ ।

ସୁନିଲ ବ୍ୟାସଙ୍କ ବାସଭବନରେ ଲକ୍ଷ ଲକ୍ଷ ଟଙ୍କାର ସୁନା ଓ ରୂପାର ବାସନ ଜବତ କରିଥିଲେ । ସୁନିଲ ବ୍ୟାସ ଏହି ବାସନରେ ଖାଉଥିଲେ । ଏହା ସହ କୋଟି କୋଟି ଟଙ୍କାର ସମ୍ପତ୍ତି ଏବଂ ୫ ଲକ୍ଷ ଅଲଗା ଅଲଗା କମ୍ପାନୀର ସେୟାର ମିଳିଥିଲା ।

ଇଂଜିନିୟିରଂଙ୍କ ଠାରୁ ଭୋପାଲର ଗୁଲମୋହର କଲୋନୀ ଏବଂ ଅରେରା କଲୋନୀରେ ଥିବା ଦୁଇଟି ଘର, ହେସଙ୍ଗାବାଦ ଜିଲ୍ଲାରେ ୧୩ ଏକର ଜମି, ନଗଦ ଟଙ୍କା ଆଵାନାଂ ସୁନା ରୂପାରେ ତିଆରି ବିଭିନ୍ନ ଆଭୂଷଣ ଜବତ କରାଯାଇଥିଲା । ଆହୁରି ବେନାମୀ ସମ୍ପତ୍ତିର ଖୁଲାସା ହେବ ବୋଲି ଆଶଙ୍କା କରଯାଉଛି । ସୁନା ଟଙ୍କା, ଦୁଇଟି ରୂପା ହାତୀ, ୬ଟି ରୂପା ମୂର୍ତ୍ତି, ୧୦୦ରୁ ଅଧିକ ସୁନା ଟଙ୍କା, ସୁନା ଗ୍ଲାସ, ରୂପାର ଦିନର ସେଟ, ରୂପାର ଚା ସେଟ ଏବଂ ଛନ୍ଦିର ୨୪ରୁ ଅଧିକ ବାସନା ଜବତ ହୋଇଛି ।

ଭୋପାଲ କୃଷ୍ଣ ବିହାର ସ୍ଥିତ ଗ୍ରୀନ ହାଉସ ବଙ୍ଗଳାରୁ ସୁନା ଏବଂ ରୂପା ଅଳଙ୍କାର, ଦୁଇଟି ଗାଡି, ନଗଦ ଟଙ୍କା, ବ୍ୟାଙ୍କ ଏଫଡ଼ି ଏବଂ ଅନେକ ସମ୍ପତ୍ତି ଜବତ ହୋଇଛି ।

   Related Posts