Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

୭ କଂଗ୍ରେସ ସାଂସଦଙ୍କ ନିଲମ୍ବନ ପ୍ରତ୍ୟାହାର କରିବେ ବାଚସ୍ପତି, ଗୃହରେ ଚୌକି ପାଖକୁ ଆସି ଛଡାଇଥିଲେ କାଗଜ

11/03/2020 at 4:50 PM

ନୂଆଦିଲ୍ଲୀ ୧୧।୦୩- ଲୋକସଭା ବାଚସ୍ପତି ଓମ ବିର୍ଲା କଂଗ୍ରେସର ସାତ ସାଂସଦଙ୍କ ଉପରୁ ନିଲମ୍ବନ ପ୍ରତ୍ୟାହାର କରିବାକୁ  ଯାଉଛନ୍ତି, ଯେଉଁମାନେ ଗୃହରେ ହଟ୍ଟଗୋଳ କରିବା ସହିତ ବାଚସ୍ପତିଙ୍କ ଚୌକି ନିକଟକୁ ଆସି ନାରାବାଜି କରିବା ସହିତ କାଗଜ ଛଡାଇ ନେଇଥିଲେ। ଏହି ଘଟଣାରେ ବାଚସ୍ପତି କଂଗ୍ରେସର ସାତ ସାଂସଦଙ୍କୁ ଗୃହରେ ଚାଲିଥିବା ବଜେଟ୍ ଅଧିବେଶନର ବାକି କାର୍ଯ୍ୟ ଦିବସରୁ ନିଲମ୍ବିତ କରିଥିଲେ।

ବାଚସ୍ପତି କଂଗ୍ରେସର ସାତ ସାଂସଦ ଗୌରବ ଗର୍ଗ, ଟିଏନ ପ୍ରଥପନ, ମନିକମ  ଟାଗୋର, ଗୁରଜିତ ସିଂହ ଔଜଲ, ବେନି ବେହନାନ, ରାଜମୋହନ ଉନ୍ନିଥନ, ଏବଂ ଡିନ କୁରିକୋଜଙ୍କୁ ବାଚସ୍ପତିଙ୍କ ଚୌକି ପାଖକୁ ଆସି କାଗଜ  ଛଡାଇବା ଆରୋପରେ ଗୃହରୁ ନିଲମ୍ବିତ କରିଥିଲେ।

ଏହି ଘଟଣାରେ ସଂସଦୀୟ କାର୍ଯ୍ୟମନ୍ତ୍ରୀ ପ୍ରହ୍ଲାଦ ଯୋଶୀ କହିଥିଲେ ଯେ, ବାଚସ୍ପତିଙ୍କ ଟେବୁଲ ପାଖକୁ ଆସି କାଗଜ ଛଡାଇବା ଅତ୍ୟନ୍ତ ଅପମାନଜନକ କଥା। ଆମେ ଏହାକୁ ନିନ୍ଦା କରୁଛୁ। ଆମେ ବାଚସ୍ପତିଙ୍କୁ ଅନୁରୋଧ କରିଛୁ ଯେ, କଂଗ୍ରେସ ସଦସ୍ୟଙ୍କ ଦ୍ଵାରା ବାରମ୍ବାର ଅନୁଶାସନହୀନତାକୁ ଦୃଷ୍ଟିରେ ରଖି ଏକ ଯାଞ୍ଚ ସମିତି ଗଠନ କରାଯାଉ।

 ବୁଧବାର, ଗୃହରେ କଂଗ୍ରେସର ଦଳୀୟ ନେତା ଅଧିର ରଞ୍ଜନ ଚୌଧୁରୀ ଏବଂ ଅନ୍ୟ କଂଗ୍ରେସ ନେତା ସାତ ସାଂସଦଙ୍କ ଉପରେ ଲଗାଯାଇଥିବା ନିଲମ୍ବନ ଆଦେଶକୁ ପ୍ରତ୍ୟାହାର କରିବାକୁ ଦାବି କରିଥିଲେ। ୟୁପିଏ ସାଂସଦ ଗୃହର ମଧ୍ୟ ଭାଗକୁ ଆସି ସାଂସଦଙ୍କ ନିଲମ୍ବନ ଆଦେଶକୁ  ବିରୋଧ କରିଥିଲେ। ତୃଣମୂଳ କଂଗ୍ରେସ ସାଂସଦ ସୌଗାତ ରାୟ ସାଂସଦଙ୍କ ନିଲମ୍ବନ ମାମଲାର ସମାଧାନ କରିବାକୁ ଦାବି କରିଥିଲେ।

ଅଧିର ରଞ୍ଜନ ଚୌଧୁରୀ ସାଂସଦଙ୍କ ନିଲମ୍ବନର ନିନ୍ଦା କରି କହିଛନ୍ତି ଯେ, କଣ ଏହା ଏକଛତ୍ରବାଦ ନୁହଁ ? ଏମିତି ଲାଗୁଛି ଯେ, ସରକାର ଦିଲ୍ଲୀ ହିଂସା ପ୍ରସଙ୍ଗରେ ଗୃହରେ ଆଲୋଚନା କରିବାକୁ ଚାହୁଁନାହିଁ। ଏହି କାରଣରୁ କଂଗ୍ରେସର ସାତ ସାଂସଦଙ୍କୁ ନିଲମ୍ବନ କରାଯାଇଛି। ଆମେ ଏହାର କଡା ନିନ୍ଦା କରୁଛୁ।  

ବୁଧବାର ଲୋକସଭାରେ ଏହି ପ୍ରସଙ୍ଗ ନେଇ ହଟ୍ଟଗୋଳ ହେବାରୁ ବାଚସ୍ପତି ସର୍ବଦଳୀୟ ବୈଠକ ଡକାଇଛନ୍ତି। ବୈଠକରେ ଗୃହ କାର୍ଯ୍ୟ ଯେମିତି ଶାନ୍ତି ଶୃଙ୍ଖଳାରେ ଚାଲିବ ସେ ନେଇ ଆଲୋଚନା ହୋଇଛି।

   Related Posts