Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

କୋଭିଡ-୧୯ ପ୍ରକୋପ, ଅନିଶ୍ଚିତକାଳ ପର୍ଯ୍ୟନ୍ତ ଲୋକସଭା ମୁଲତବୀ

23/09/2020 at 8:53 PM

ନୂଆଦିଲ୍ଲୀ ୨୩।୦୯:  କୋଭିଡ୍-୧୯ ମହାମାରୀ କାରଣରୁ ଲୋକସଭାକୁ ଅନିଶ୍ଚିକାଳ ପର୍ଯ୍ୟନ୍ତ ମୁଲତବୀ ଘୋଷଣା କରାଯାଇଛି। ସଂସଦର ମୌସୁମୀ ଅଧିବେଶନ ଅକ୍ଟୋବର ୧ ପର୍ଯ୍ୟନ୍ତ ହେବାର ଥିଲା ମାତ୍ର କରୋନା କାରଣରୁ କାର୍ଯ୍ୟଦିବସ ହ୍ରାସ କରାଯାଇଥିଲା। ସେପ୍ଟେମ୍ବର ୧୪ରୁ ଆରମ୍ଭ ହୋଇଥିବା ସଂସଦର ମୌସୁମୀ ଅଧିବେଶନରେ ବିବାଦୀୟ କୃଷି ସମ୍ବନ୍ଧିତ ତିନି ବିଧେୟକ ସହିତ ଅନେକ ବିଲ୍‌ ଗୃହୀତ ହୋଇଛି।

ସଂସଦର ମୌସୁରମୀ ଅଧିବେଶନ ନିଜର ନିର୍ଦ୍ଧାରିତ ସମୟର ପ୍ରାୟ ୮ ଦିନ ପୂର୍ବରୁ ଅନିଶ୍ଚିତକାଳ ପର୍ଯ୍ୟନ୍ତ ମୁଲତବୀ ଘୋଷଣା କରାଯାଇଛି। ଗୃହକାର୍ଯ୍ୟ ଛୋଟ ଅବଧି ହେଲେ ମଧ୍ୟ ରାଜ୍ୟସଭାରେ ଅଧିବେଶନ ସମୟରେ ୨୫ ବିଧେୟକ ଗୃହୀତ ହୋଇଛି। କୃଷି ବିଧେୟକକୁ ନେଇ ହଙ୍ଗାମା କାରଣରୁ ଆଠ ବିରୋଧୀ ସାଂସଦଙ୍କୁ ମୌସୁମି ଅଧିବେଶନରୁ ନିଲମ୍ବିତ କରାଯାଇଥିଲା।

ସଭାପତି ଭେଙ୍କେୟା ନାଇଡୁ ଅଧିବେଶନକୁ ମୁଲତବୀ ଘୋଷଣା କରିବା ପୂର୍ବରୁ ନିଜର ପାରମ୍ପରିକ ସମ୍ବୋଧନରେ କହିଛନ୍ତି ଏହି ଅଧିବେଶନ କିଛି ଦୃଷ୍ଟିରୁ ଐତିହାସିକ ରହିଛି କାରଣ ଏହା କରୋନା ମହାମାରୀ ସମୟରେ ସ୍ଵତନ୍ତ୍ର ବ୍ୟବସ୍ଥା ସହିତ ଅନୁଷ୍ଠିତ ହୋଇଛି।

ଏହା ବ୍ୟତୀତ ଗୃହକାର୍ଯ୍ୟ ଲଗାତାର ୧୦ ଦିନ ପର୍ଯ୍ୟନ୍ତ ଜାରି ରହିଥିଲା। ଶନିବାର ଓ ରବିବାର ଗୃହରେ ଅବକାଶ ନଥିଲା। କୃଷି ବିଧେୟକ ସହିତ ଅନ୍ୟ ଛଅଟି ବିଧେୟକ ମଧ୍ୟ ଉପସ୍ଥାପନ ହୋଇଥିଲା। ଏଥିରୁ ତିନି ମହତ୍ଵପୂର୍ଣ୍ଣ  ବିଧେୟକ ମହାମାରୀ ସଂଶୋଧନ ବିଧେୟକ, ବିଦେଶୀ ଅର୍ଥ ବିନିୟମ ସଂଶୋଧନ  ବିଧେୟକ, ଜାମ୍ମୁ-କାଶ୍ମୀର ସରକାରୀ ଭାଷା ବିଧେୟକ ସାମିଲ।

   Related Posts