Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପାକିସ୍ତାନ ଆଡୁ ଭାରତକୁ ବଡ ବିପଦ, ଆଶଙ୍କା ଓ ଆତଙ୍କ ଭିତରେ ହଜାର ହଜାର ଚାଷୀ

18/05/2020 at 10:06 PM

ଜୟପୁର, ୧୮|୦୫:  ପାକିସ୍ତାନ ସୀମାକୁ ଲାଗିଥିବା ରାଜସ୍ଥାନର କିଛି ଅଞ୍ଚଳରେ ପଙ୍ଗପାଳର ଆତଙ୍କ ଦେଖିବାକୁ ମିଳିଛି । ଯାହା ଗତ ବର୍ଷ ତୁଳନାରେ ଅଧିକ ହେବ ବୋଲି ଅନୁମାନ କରାଯାଉଛି । ରାଜସ୍ଥାନ ସରକାର ଏହାର ମୁକାବିଲା ପାଇଁ ପଦକ୍ଷେପ ଗ୍ରହଣ କରି ଦୁର୍ଗମ ଅଞ୍ଚଳରେ ଡ୍ରୋନ ଯୋଗେ ନଜର ରଖିଛନ୍ତି । କୃଷି ବିଭାଗର ଅଧିକାରୀ ସୋମବାର ଅନୁଷ୍ଠିତ ହୋଇଥିବା ବୈଠକ ପରେ ଏହି ସୂଚନା ଦେଇଛନ୍ତି ।

ରାଜସ୍ଥାନର କୃଷିମନ୍ତ୍ରୀ ଲାଲଚାନ୍ଦ କଟାରିଆ କହିଛନ୍ତି ଯେ, ପଙ୍ଗପାଳ ନିୟନ୍ତ୍ରଣ, ଖରିପ ଫସଲ ଏବଂ ପ୍ରଧାନମନ୍ତ୍ରୀ ସଲ ବୀମା ଯୋଜନାର ସମୀକ୍ଷା କରାଯାଇଛି । ଗତ ବର୍ଷ ତୁଳନାରେ ଚଳିତ ବର୍ଷ ପଙ୍ଗପାଳ ଆତଙ୍କ ଅଧିକ ହୋଇପାରେ । ଏହା ୩ଗୁଣ ବୃଦ୍ଧି ପାଇବ ବୋଲି ଅନୁମାନ କରାଯାଉଛି । ପୂର୍ବବର୍ଷ ଭଳି ୧୨ଟି ଜିଲ୍ଲାରେ ଏହି ଆତଙ୍କ ଦେଖାଯାଇପାରେ । କରୋନା ମହାମାରୀ ମଧ୍ୟରେ ଏହାର ମୁକାବିଲା ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି ବୋଲି ସେ କହିଛନ୍ତି ।

(

ରାଜ୍ୟର ମୁଖ୍ୟ ଶାସନ ସଚିବ ନରେଶପାଲ ଗଙ୍ଗଓ୍ୱାର କହିଛନ୍ତି ଯେ, ୧୨ଟି ଜିଲ୍ଲାରେ ପଙ୍ଗପାଳ ନିୟନ୍ତ୍ରଣ ପାଇଁ ରୋଡମ୍ୟାପ୍ ପ୍ରସ୍ତୁତ ହୋଇଛି । ସମସ୍ତ ପ୍ରକାର ପରିସ୍ଥିତିର ମୁକାବିଲା ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଛି । ବିଭିନ୍ନ ସ୍ଥାନରେ କୀଟନାଶକ ଔଷଧ ପ୍ରୟୋଗ କରାଯାଉଛି ।

   Related Posts