ଲାହୋର, ୩୦|୦୫: ଆଫ୍ରିକା ପରେ ଏବେ ଚାଷୀଙ୍କ ଶତ୍ରୁ କୁହାଯାଉତିବା ପଙ୍ଗପାଳ ଏବେ ଦକ୍ଷିଣ ଏସିଆ ମୁହାଁ ହୋଇଛନ୍ତି । ପ୍ରାୟ ୫୦ କୋଟିରୁ ଅଧିକ ପଙ୍ଗପାଳ ଏବେ ପାକିସ୍ତାନରେ ଆତଙ୍କ ସୃଷ୍ଟି କରିଛନ୍ତି । ସେମାନେ ପାକିସ୍ତାନର ବିଭିନ୍ନ ଅଞ୍ଚଳରେ ଖାଦ୍ୟ ଶସ୍ୟ ନଷ୍ଟ କରିବାରେ ଲାଗି ପଡିଛନ୍ତି । ଯାହା ଚାଷୀଙ୍କ ପାଇଁ ଚିନ୍ତାର କାରଣ ପାଲଟିଛି ।
ଏହି ପଙ୍ଗପାଳମାନେ ପାକିସ୍ତାନରେ ହଜାର ହଜାର ହେକ୍ଟରର ଚାଷ ଜମିରେ ଶସ୍ୟ ନଷ୍ଟ କରିଦେଇଛନ୍ତି । ପାକିସ୍ତାନ ଜାତୀୟ ବିପତ୍ତି ପରିଚାଳନା ପ୍ରାଧୀକରଣର ନିର୍ଦ୍ଦେଶକ ଅଫଜଲ୍ କହିଛନ୍ତି ଯେ, ପଙ୍ଗପାଳଙ୍କୁ ସାମ୍ନା କରିବା ପାଇଁ ନ୍ୟାଶନାଲ ଲୋକଷ୍ଟ୍ କଣ୍ଟ୍ରୋଲ କାଇନସିଲ୍ ଗଠନ କରାଯାଇଚି । କୃଷି ଓ ଖାଦ୍ୟ ବିଭାଗକୁ ସତର୍କ ରହିବାକୁ କୁହାଯାଇଚି । ୫୦ ଜିଲ୍ଲାରେ ପଙ୍ଗପାଳ ମୁକାବିଲା ପାଇଁ ସେନାବାହିନୀକୁ ନିୟୋଜିତ କରାଯାଇଛି । ପ୍ରାୟ ୫ ହଜାର ଯବାନ ପଙ୍ଗପାଳ ମୁକାବିଲାରେ ନିୟୋଜିତ ହୋଇଛନ୍ତି ।
ସୂଚନାଯୋଗ୍ୟ, ଗତ ବର୍ଷ ଡିସେମ୍ବର ମାସରୁ ଆଫ୍ରିକା ସମେତ ମଧ୍ୟ ଏସିଆରେ ପଙ୍ଗପାଳ ଆକ୍ରମଣ ଚିନ୍ତାର କାରଣ ପାଲଟିଛି । ଚଳିତ ବର୍ଷ ପଙ୍ଗପାଳ ଆକ୍ରମଣରେ ଆମେରିକାରେ ପ୍ରାୟ ୨.୨ ବିଲିୟନ ଡଲାର କ୍ଷତି ହେବ ବୋଲି ଅନୁମାନ କରାଯାଉଛି ।
