Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଷ୍ଟେଟ୍ ବ୍ୟାଙ୍କ ଉପରେ କୋଟିଏ ଟଙ୍କାର ଫାଇନ ଲଗାଇଲେ ରିଜର୍ଭ ବ୍ୟାଙ୍କ, ସବୁଠୁ ବଡ ବ୍ୟାଙ୍କ ବିରୋଧରେ ଋଣ ନିୟମ ଉଲ୍ଲଙ୍ଘନ ଅଭିଯୋଗ
  • ||
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||

ନଭେମ୍ବର ୩୦ ଯାଏଁ ବଢିଲା ଲକଡାଉନ୍ : କଡାକଡି ପାଳନ ପାଇଁ ନିର୍ଦ୍ଦେଶ, ବିନା ମାସ୍କରେ ବୁଲିଲେ ଆଉ ନିସ୍ତାର ନାହିଁ

29/10/2020 at 8:12 PM

ମୁମ୍ବାଇ, ୨୯।୧୦:  କରୋନା ମହାମାରୀକୁ ନଜରରେ ରଖି ମହାରାଷ୍ଟ୍ର ସରକାର ଲକଡାଉନର ସମୟସୀମାକୁ ନଭେମ୍ବର ୩୦ ଯାଏଁ ବୃଦ୍ଧି କରିଛନ୍ତି । ଗୁରୁବାର ରାଜ୍ୟ ସରକାରଙ୍କ ତରଫରୁ ଏହି ନିଷ୍ପତ୍ତି ନିଆଯାଇଛି ।

କରୋନାର ପ୍ରକୋପକୁ ରୋକିବା ପାଇଁ ମହାରାଷ୍ଟ୍ର ସରକାର ଜିଆରପିକୁ ରେଳ ଷ୍ଟେସନ ଓ ଟ୍ରେନରେ ବିନା ମାସ୍କ ପିନ୍ଧୁଥିବା ଲୋକଙ୍କଠାରୁ ଫାଇନ ଆଦାୟ ପାଇଁ ନିର୍ଦ୍ଦେଶ ଦେଇଛନ୍ତି । କେଉଁଥି ପାଇଁ କେତେ ଟଙ୍କା ଜରିମାନା ଲାଗିବ ତାହା ଗ୍ରେଟର ମୁମ୍ବାଇ ନଗର ନିଗମ ଉପରେ ନିର୍ଭର କରେ । ତେବେ ସେପ୍ଟେମ୍ବରରେ ଲାଗୁ ଜରିମାନା ରାଶିକୁ ମହାନଗର ନିଗମ କର୍ତ୍ତୃପକ୍ଷ ଜାରି ରଖି ପାରନ୍ତି । ଏବେ ମୁମ୍ବାଇରେ ସାର୍ବଜନୀନ ସ୍ଥାନରେ ବିନା ମାସ୍କରେ ବୁଲିଲେ ୨୦୦ ଟଙ୍କା ଜରିମାନା ଲାଗୁଛି ।

ମହାରାଷ୍ଟ୍ରରେ ଲଗାତର ଭାବେ କରୋନା ମାମଲା ବଢୁଛି । ଯାହା ରାଜ୍ୟ ଓ କେନ୍ଦ୍ରର ଚିନ୍ତା ବଢାଇ ଦେଇଛି । ବୁଧବାର ରାଜ୍ୟରେ ୬ ହଜାର ୭୩୮ଟି ନୂଆ ମାମଲା ସାମ୍ନାକୁ ଆସିଛି । ଏହାସହ ମୋଟ୍ ମାମଲା ୧୬ ଲକ୍ଷ ୬୦ ହଜାର ଅତିକ୍ରମ କରିଛି । ଏବେବି ୧ଲକ୍ଷ ୩୦ ହଜାରରୁ ଅଧିକ ସକ୍ରିୟ କେସ୍ ରହିଛି । ଆହୁରି ମଧ୍ୟ ୪୩ ହଜାର ୫୫୪ କରୋନା ଆକ୍ରାନ୍ତ ମୃତ୍ୟୁ ମୁଖରେ ପଡିଛନ୍ତି ।

ପୂର୍ବରୁ ରାଜ୍ୟରେ ଉଦ୍ଧବ ଠାକରେଙ୍କ ସରକାର ଅକ୍ଟୋବର ୫ରୁ ବାର୍ ଓ ରେଷ୍ଟୁରାଣ୍ଟ ଖୋଲିବାକୁ ଅନୁମତି ଦେଇଥିଲେ । ଏବେ କିନ୍ତୁ ମହାମାରୀର ସ୍ଥିତିକୁ ଦେଖି ରାଜ୍ୟରେ ସ୍କୁଲ ଓ କଲେଜ ବନ୍ଦ ଅଛି ।

ରାଜ୍ୟ ବିପର୍ଯ୍ୟୟ ପରିଚାଳନା ନିର୍ଦ୍ଦେଶକ ଅଭୟ ୟାବଲକର କହିଛନ୍ତି ଯେ, କରୋନା ରୋକିବା ପାଇଁ ସମସ୍ତ ନିୟମ ମାନିବା ଉଚିତ । କଟକଣାକୁ କଡାକଡି ଭାବେ ପାଳନ କରିବାର ଆବଶ୍ୟକତା ରହିଥିବା ସେ କହିଛନ୍ତି ।

   Related Posts