ନୂଆଦିଲ୍ଲୀ, ୨୩।୦୫: ଦେଶର ଅନେକ ରାଜ୍ୟରେ କରୋନା ସଂକ୍ରମଣ ଥମିବାର ନାଁ ନେଉନାହିଁ । ଏହାମଧ୍ୟରେ ଆଉ ୭ ଦିନ ବଢିଛି ଲକଡାଉନ୍ । ରାଜଧାନୀ ନୂଆଦିଲ୍ଲୀରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ ଲକଡାଉନର ଅବଦ୍ଧିକୁ ମେ ୩୧ ଯାଏଁ ବୃଦ୍ଧି କରିଛନ୍ତି ।
ପୂର୍ବରୁ ମୁଖ୍ୟମନ୍ତ୍ରୀ କେଜ୍ରିଓ୍ୱାଲ ମେ ୧୭ ସକାଳ ଯାଏଁ ଲକଡାଉନ୍ ବୃଦ୍ଧି କରିଥିଲେ । ପରେ ଏହାକୁ ମେ ୨୪ ଯାଏଁ ବୃଦ୍ଧି କରାଯାଇଥିଲା । ଚଳିତ ଥର ଲକଡାଉନ ଅଧିକ କଡାକଡି ହେବ । ସଂକ୍ରମଣ ରୋକିବାକୁ ଏପରି ପଦକ୍ଷେପ ନେବାକୁ ହେବ । ଦିଲ୍ଲୀରେ ମେଟ୍ରୋ ସେବା ମଧ୍ୟ ବନ୍ଦ ରହିଛି ।
ପ୍ରଥମେ ଲକ୍ଡାଉନ୍ ଅବଧି ମେ ୩ ସକାଳ ୫ ପର୍ଯ୍ୟନ୍ତ ଥିଲା। ପରେ ଏହାକୁ ମେ ୧୦ ଯାଏଁ କରାଯାଇଥିଲା । ଯାହାକି ପରେ ମେ ୧୭ ଓ ପରେ ମେ ୨୪ ଯାଏ ଘୁଞ୍ଚାଇ ଦିଆଯାଇଥିଲା। ମୁଖ୍ୟମନ୍ତ୍ରୀ ଏନେଇ ଟ୍ବିଟ୍ରରେ ସୂଚନା ଦେଇଛନ୍ତି।
wp:html/wp:htmlLockdown has been extended till 31st May, 5am in Delhi: Delhi CM Arvind Kejriwal
— ANI (@ANI) May 23, 2021
କେଜ୍ରିଓ୍ୱାଲ କହିଛନ୍ତି ଯେ, ଦିଲ୍ଲୀରେ ପଜିଟିଭି ରେଟ୍ ୨.୫ ପ୍ରତିଶତ ରହିଛି । ଗତ ୨୪ ଘଣ୍ଟାରେ ମାତ୍ର ୧୬୬ କେସ୍ ସାମ୍ନାକୁ ଆସିଛି ।ତେବେ ଲକଡାଉନକୁ ମେ ୩୧ ତାରିଖ ସକାଳ ୫ଟା ଯାଏଁ ବୃଦ୍ଧି କରାଯାଇଛି । କେସ୍ କମିଲେ ମେ ୩୧ ପରେ ଅନଲକ୍ ଆରମ୍ଭ ହେବ ।
ଏହି ସମୟରେ ପୂର୍ବ ଭଳି କଟକଣା ବଳବତ୍ତର ରହିବ । ଏହା ପୂର୍ବରୁ ବ୍ୟବସାୟୀ ସଂଗଠନ ୩ ମେ’ ପରେ ଦୋକାନ ଖୋଲିବ ନାହିଁ ବୋଲି ଘୋଷଣା କରିଥିଲା ।