ପାଟଣା ୧୯।୦୮: ରାଇସ ମିଲକୁ ସ୍ଥାନୀୟଲୋକଙ୍କ ବିରୋଧ । କେନ୍ଦୁଝର ଜିଲ୍ଲା ପାଟଣା ତହସିଲରେ ହେବାକୁ ଯାଉଥିବା ରାଇସ୍ ମିଲ୍କୁ ବିରୋଧ କରାଯାଉଛି । ରାଇସ ମିଲ୍କୁ ସ୍ଥାନୀୟଲୋକ ପ୍ରବଳ ବିରୋଧ କରୁଛନ୍ତି ।
ନାରାୟଣ ରାଇସ ମିଲସ ,ହୁଣ୍ଡଳା ପକ୍ଷରୁ କୁଆପଶି ଠାରେ ମିଲ୍ ସ୍ଥାପନ ପାଇଁ ବଡ଼ପାଟଣା ପଞ୍ଚାୟତକୁ ଦରଖାସ୍ତ କରାଯାଇଥିଲା। ଏନେଇ ବଡ଼ପାଟଣା ପଞ୍ଚାୟତ କାର୍ଯ୍ୟାଳୟ ତରଫରୁ ଫେବୃଆରୀ ମାସରେ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଓ ଉକ୍ତ ଗ୍ରାମର ୱାର୍ଡର ୱାର୍ଡ ମେମ୍ବର ଉପସ୍ଥିତ ଏକ ପଲ୍ଲୀ ସଭା ହୋଇଥିଲା । ଗ୍ରାମବାସୀ ସେମାନଙ୍କ ଚାଷ ଜମି ପ୍ରଭାବିତ ହେବା ସହ କାରଖାନାରୁ ନିର୍ଗତ ଧୂଳି ଧୁଆଁ ରୋଗ ବ୍ୟାଧି ହେବାର ଆଶଙ୍କା ନେଇ ପଲ୍ଲୀ ସଭାରେ ଏହାକୁ ପ୍ରବଳ ବିରୋଧ କରାଯାଇଥିଲା ।
{"id":316970,"sizeSlug":"large"}
ଯାହାଫଳରେ ଫେବ୍ରୁୟାରୀ ୪ ତାରିଖ ପତ୍ର ସଂଖ୍ୟା ୨୫୨ରେ ପଞ୍ଚାୟତ କାର୍ଯ୍ୟାଳୟ ତରଫରୁ ପ୍ରସ୍ତାବିତ ରାଇସ ମିଲସ ମାଲିକଙ୍କୁ ଖାରଜ ପତ୍ର ଦେଇଥିଲେ। କିନ୍ତୁ ଏବେ ପୁଣି ଥରେ ରାଇସ ମିଲ୍ ସ୍ଥାପନ ପାଇଁ ପଲ୍ଲୀସଭା କରାଇବାକୁ ଦରଖାସ୍ତ ଦେଇଥିବାରୁ ବିରୋଧଭାସ ଦେଖାଦେଇଛି । ଯଦି ଆସନ୍ତା ଦିନରେ ଅଞ୍ଚଳର ରାଇସ ମିଲସ ପ୍ରତିଷ୍ଠା ହୁଏ, ତେବେ ଏହାକୁ ବିରୋଧ ସହ ଆନ୍ଦୋଳନ କରାଯିବ ବୋଲି ସ୍ଥାନୀୟ ବାସିନ୍ଦା ମତ ପ୍ରକାଶ କରିଛନ୍ତି।
