Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ନାଲକୋରେ ସେରୁବନ୍ଧ ଖଣି ଖନନ ପାଇଁ ମିଳିଥିଲା ଅନୁମତି : ଜନଶୁଣାଣିରେ ବିରୋଧ କଲେ ସ୍ଥାନୀୟ ଲୋକେ

18/12/2019 at 4:34 PM

କୋରାପୁଟ ୧୮/୧୨: ନାଲକୋର ସେରୁବନ୍ଧ ଖଣି ଖନନ ପାଇଁ କୋରାପୁଟ ପଟ୍ଟାଙ୍ଗୀରେ ହୋଇଥିବା ଜନ ଶୁଣାଣିରେ ସ୍ଥାନୀୟ ଅଂଚଳର ବିକାଶକୁ ପ୍ରସଂଗ କଲେ ସ୍ଥାନୀୟ ଲୋକେ। ପଟ୍ଟାଙ୍ଗୀ ଅଂଚଳର ସେରୁବନ୍ଧ ଖଣି ଖନନ ପାଇଁ ସରକାରଙ୍କ ତରଫରୁ ନାଲକୋ ଅନୁମତି ପାଇଥିବା ବେଳେ ଏହାକୁ ବିରେ।ଧ କରିଥିଲେ ଅଞ୍ଚଳବାସୀ ।ସେପଟେ ସ୍ଥାନୀୟ ଅଂଚଳର ବିକାଶ ପାଇଁ ନାଲକୋ ବଦ୍ଧପରିକର ବୋଲି କହିଛନ୍ତି ନାଲକେ। କର୍ତ୍ତୃପକ୍ଷ ।

ଚାଲିଛି ନାଲକୋକୁ ସେରୁବନ୍ଧ ଖଣି ପ୍ରଦାନର ପରିବେଶ ମଂଜୁରୀ ପାଇଁ ଜନ ଶୁଣାଣି। ନାଲକୋକୁ ପରିବେଶ ମଂଜୁରୀ ପାଇଁ ଶୁଣାଣି ଚାଲିଥିବା ବେଳେ ଏଥିରେ ସାମିଲ ହେ।ଇଥିଲେ ୬ଟି ପଂଚାୟତର ୨ହଜାରରୁ ଅଧିକ ଲେ।କ। ପୂର୍ବରୁ ନାଲକୋକୁ ସେରୁବନ୍ଧ ଖଣି ପ୍ରଦାନକୁ ବିରୋଧ କରିଥିବା ବେଳେ ପରିବେଶ ମଂଜୁରୀ ଶୁଣାଣିରେ ବି ଏହାକୁ ଦୋହରାଇଥିଲେ ଅଞ୍ଚଳବାସୀ । ନାଲକୋକୁ ଏହି ଖଣି ପ୍ରଦାନ ଦ୍ବାରା ପରିବେଶ ନଷ୍ଟ ହେବା ସହ ଜଂଗଲ ସମ୍ପଦ ଓ ନଦୀ ନାଳକୁ କ୍ଷତି ପହଞ୍ଚିବ । ସେହିପରି ନାଲକୋ ସ୍ଥାନୀୟ ଅଂଚଳର ବିକାଶ ପାଇଁ ପ୍ରତିଶ୍ରୁତି ଦେଉଥିଲେ ବି ଏହାକୁ ପାଳନ କରୁନଥିବା ଅଭିଯୋଗ କରିଥିଲେ ସ୍ଥାନୀୟ ବାସିନ୍ଦା।।ତେଣୁ ସ୍ଥାନୀୟ ଅଂଚଳରେ ପ୍ରଥମେ ସ୍କୁଲ,କଲେଜଠାରୁ ଆରମ୍ଭ କରି ରାସ୍ତାଘାଟ ,ଡାକ୍ତରଖାନା ଓ ବିଦ୍ୟୁତ ବ୍ୟବସ୍ଥା କରିବାକୁ ଦାବି କରିଥିଲେ।ସେପଟେ ନାଲକୋକୁ ନେଇ ଅସନ୍ତୋଷ ପ୍ରକାଶ କରିଥିଲେ କୋରାପୁଟ ସାଂସଦ ।

ଏପଟେ ଏହି ଜନ ଶୁଣାଣିକୁ ନେଇ ନାଲକୋ କତୄପକ୍ଷ ସନ୍ତୋଷ ପ୍ରକାଶ କରିଥିଲେ।ଦୀର୍ଘ ୩୫ ବର୍ଷ ହେଲା ନାଲକୋ ଦାମନଯୋଡିସ୍ଥିତ ପଂଚପଟ୍ଟମାଳୀ ଖଣି ଖନନ କରି ଆସୁଥିବା ବେଳେ ଏବେ ସେରୁବନ୍ଧ ଖଣି ପାଇଁ ରାଜ୍ୟ ସରକାରଙ୍କଠାରୁ ମଂଜୁରୀ ପାଇଛି। ୧୨ କୋଟି ଟଙ୍କା ବ୍ୟୟରେ ସ୍ଥାନୀୟ ଲୋକଙ୍କ ପାଇଁ  ନାଲକୋ ତରଫରୁ ୩୧ଟି ପ୍ରକଳ୍ପ ଆରମ୍ଭ ହେବାକୁ ଯାଉଛି । ଆଉ ସେରୁବନ୍ଧ ପାହାଡରେ ଜଂଗଲ ନଥିବାରୁ ପରିବେଶ ପ୍ରଦୂଷଣ ହେବନି କି କେହି।ବିସ୍ଥାପିତ ହେବେନି ବୋଲି କୁହାଯାଇଛି।ନାଲକୋ ବ୍ୟବସାୟୀକ ସାମାଜିକ ପ୍ରତିଷ୍ଠା ପାଣ୍ଠିରୁ କୋରାପୁଟ ଜିଲ୍ଲା ପ୍ରଶାସନକୁ ୫୪ କୋଟି ଟଙ୍କା ପ୍ରଦାନ ସରିଥିବା ବେଳେ ଖୁବଶୀଘ୍ର ବଳକା ୫୪ କୋଟି ଟଙ୍କା ପ୍ରଦାନ କରାଯିବ ବୋଲି କହିଛନ୍ତି ନାଲକୋ ED  ।

ଏହି ଶୁଣାଣିର ରିପୋର୍ଟ ଓ ଭିଡିଓ ରେକଡ଼ିଂ ପରିବେଶ ବୋର୍ଡ ନିକଟକୁ ପଠାଯିବ ବୋଲି କହିଛନ୍ତି କୋରାପୁଟ ଅତିରିକ୍ତ ଜିଲ୍ଲାପାଳ।

   Related Posts