Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ମିତ୍ରପୁର ସ୍ୱାସ୍ଥକେନ୍ଦ୍ର ଅବ୍ୟବସ୍ଥାର ସୁଧାର ଓ ସରକାରୀକରଣ ଦାବି, ଦଳମତ ନିର୍ବିଶେଷରେ ଦେଲେ ଧାରଣା

23/02/2021 at 9:30 PM

ନୀଳଗିରି,୨୩/୦୨: ବାଲେଶ୍ଵର  ଜିଲ୍ଲା ନୀଳଗିରି ବ୍ଲକ ଅଧିନ ମିତ୍ରପୁର  ସ୍ୱାସ୍ଥ୍ୟ ସେବାକେନ୍ଦ୍ର ଦୀର୍ଘବର୍ଷ ଧରି ଅବ୍ୟବସ୍ଥା ଭିତରେ ଗତି କରୁଛି । ସରକାରୀକରଣ କରିବା ଓ ଅବ୍ୟବସ୍ଥାର ସୁଧାର ହେବା ନେଇ ବାରମ୍ବାର ପ୍ରତିଶୃତି ମିଳୁଛି । ହେଲେ କୌଣସି ସୁଫଳ ନମିଳିବାରୁ ଆଜି ଅଞ୍ଚଳବାସୀ ଦଳମତ ନିର୍ବିଶେଷରେ ଉପଜିଲ୍ଲାପାଳଙ୍କ ଅଫିସ ଆଗରେ ଧାରଣା ଦେଇଛନ୍ତି ।

ସୂଚନାଯୋଗ୍ୟ ଯେ, ନୀଳଗିରିଠାରୁ ୧୦ କିଲୋମିଟର ଦୂର ମିତ୍ରପୁରଠାରେ ଏକ ଘରୋଇ ସ୍ୱାସ୍ଥ୍ୟ କେନ୍ଦ୍ର ରହିଛି । ୨୦୦୪ ମସିହା ଏପ୍ରିଲ ୧ ତାରିଖରେ ମିତ୍ରପୁର ସ୍ୱାସ୍ଥ୍ୟସେବା ସଂସ୍ଥା ନାମରେ ଏକ ଦାତବ୍ୟ ଚିକିତ୍ସା ସଂସ୍ଥା ଗଢି ଉଠିଥିଲା । ଏହାର ୩୦ ଡ଼ିସିମିଲ ପରିମିତ ୧,୦୦୦ ବର୍ଗଫୁଟରେ ନିଜସ୍ୱ ପକ୍କାଘର ରହିଛି । ଏଥି ସହିତ ୧.୯୦ ଏକର ନିଜସ୍ୱ ଜମି ରହିଥିବା ବେଳେ ଏହି ଅଞ୍ଚଳର କିଛି ବଦାନ୍ୟ ବ୍ୟକ୍ତିଙ୍କ ସହଯୋଗରେ ଏହାର ପରିଚାଳନା କରାଯାଉଥିଲା । ଡାକ୍ତର, ନର୍ସ, ଫାର୍ମାସିଷ୍ଟ, ଏଏନଏମ ଓ ସୁଇପର କାର୍ଯ୍ୟ କରୁଥିବାବେଳେ ସେମାନଙ୍କୁ ମଧ୍ୟ ଦରମା ବଦାନ୍ୟ ବ୍ୟକ୍ତିଙ୍କ ଆର୍ଥିକ ସହାୟତାରୁ ଦିଆଯାଉଥିଲା । ହେଲେ ଅଞ୍ଚଳରେ ଖଣି ଖାଦାନ ବନ୍ଦ ହେବାରୁ ସ୍ୱାସ୍ଥ କେନ୍ଦ୍ର ପରିଚାଳନା କରିବା ଏବେ କଷ୍ଟକର ହୋଇପଡିଛି । ପରେ ସ୍ୱାସ୍ଥ୍ୟ କେନ୍ଦ୍ରର ସଦସ୍ୟମାନେ ପୂର୍ବରୁ କେନ୍ଦ୍ରକୁ ସରକାରୀ କରଣ କରିବା ପାଇଁ ବାରମ୍ବାର ବିଧାୟକ, ସାଂସଦ, ଜିଲ୍ଲାପାଳ, ଉପଜିଲ୍ଲାପାଳଙ୍କୁ ଅଭିଯୋଗ ପତ୍ର ଦେଇଆସୁଥିଲେ ।

ତତ୍କାଳୀନ ସାଂସଦ ରବିନ୍ଦ୍ର ଜେନା ମଧ୍ୟ ସ୍ୱାସ୍ଥ୍ୟ କେନ୍ଦ୍ରକୁ ଯାଇ ଖୁବଶୀଘ୍ର ସରକାରୀ କରଣ କରାଯିବ ବୋଲି ପ୍ରତିଶ୍ରୁତି ଦେଇଥିଲେ । ହେଲେ ପ୍ରତିଶୃତି ପାଣିର ଗାର ସଦୃଶ ପାଲଟିଛି । ତେଣୁ ଆଉ ଅଞ୍ଚଳବାସୀ ଭରସା ନକରି ଶେଷରେ ଆଜି ସ୍ୱାସ୍ଥକେନ୍ଦ୍ରର ଅଵ୍ୟଵସ୍ଥାର ସୁଧାର ଓ ସରକାରୀ କରଣ କରିବା ଦାବିରେ ନୀଳଗିରି ଉପ-ଉପଜିଲ୍ଲାପାଳଙ୍କ ଅଫିସ ଆଗରେ ଧାରଣା ଦେଇଛନ୍ତି ।

ଏହି ଧାରଣାରେ ବିଭିନ୍ନ ଦଳର ନେତା, ପୂର୍ବତନ ବିଧାୟକ, ଖାଦାନ ସଙ୍ଘ, କ୍ରସର ସଙ୍ଘ, ସାଧାରଣ ହିତାଧିକାରୀ ମାନେ ସାମିଲ ହୋଇଥିଲେ । ଏକ ସ୍ମାରକପତ୍ର ଉପଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ପ୍ରଦାନ କରାଯାଇଥିଲା । ଏହି ଧାରଣାରେ ପୂର୍ବତନ ବିଧାୟକ ଚିତ୍ତରଞ୍ଜନ ଷଡ଼ଙ୍ଗୀ ସମେତ ଅଞ୍ଚଳବାସୀ ଯୋଗଦେଇଥିବା ବେଳେ ବିଜେଡି ବିଧାୟକ ପ୍ରାର୍ଥୀ ସନ୍ତୋଷ ଖଟୁଆ ଆସି ସମର୍ଥନ ଜଣାଇଥିଲେ।

   Related Posts