Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

କଥା ଦେଇ କଥା ରଖୁନି ଏଲଏନ୍‌ସି କମ୍ପାନୀ – ତେଜୁଛି ବିରୋଧର ସ୍ୱର

30/12/2019 at 6:23 PM

ସମ୍ବଲପୁର ୩୦।୧୨ –  ସମ୍ବଲପୁର ରେଙ୍ଗାଲି ତଲାବିରା ଅଂଚଳରେ ଏଲଏନ୍‌ସି କମ୍ପାନୀ ଏବେ ଆଖପାଖ ଅଂଚଳରେ ବ୍ୟାପକ ଜଙ୍ଗଲଜମି ଓ ଅଣ ଜଙ୍ଗଲଜମିରୁ ଗଛ କାଟି କୋଇଲା ଖନନ ଆରମ୍ଭ କରିଛି । ତେବେ କମ୍ପାନୀ ସ୍ଥାନୀୟ ଲୋକଙ୍କୁ ନିଯୁକ୍ତି ନଦେଇ ବାହାର ରାଜ୍ୟରୁ ଶ୍ରମିକ ଆଣି କାମ କରୁଥିବାରୁ ବିସ୍ଥାପିତଙ୍କ ଭିତରେ ତେଜ୍‌ ହୋଇଛି ବିରୋଧର ସ୍ବର । କମ୍ପାନୀର ଏଭଳି କାର୍ଯ୍ୟ ବିରୋଧରେ ଜିଲ୍ଲାପ୍ରଶାସନ ପାଖରେ ଲୋକେ ଅଭିଯୋଗ କଲେ ବି କିଛି ସୁଫଳ ମିଳିନଥିବା ଅଭି​‌ଯୋଗ ହୋଇଛି ।

କଥା ଦେଇ କଥା ରଖୁନି କମ୍ପାନୀ । ଜନଶୁଣାଣି ବେଳେ ବିସ୍ଥାପିତଙ୍କୁ ଯେଉଁ ସବୁ ସୁବିଧା ଦେବାକୁ ଚୁକ୍ତି କରିଥିଲେ କମ୍ପାନୀ କର୍ତ୍ତୃପକ୍ଷ ତାହା ଏବେ ପାଳନ କରୁନଥିବାରୁ ଅସନ୍ତୋଷ ଜାହିର କଲେଣି ବିସ୍ଥାପିତ । ସମ୍ବଲପୁର ରେଙ୍ଗାଲି ତଲାବିରା ଅଂଚଳରେ ଏଲଏନ୍‌ସି କମ୍ପାନୀ ଏବେ ଆଖପାଖ ଅଂଚଳରେ ବ୍ୟାପକ ଜଙ୍ଗଲଜମି ଓ ଅଣ ଜଙ୍ଗଲଜମିରୁ ଗଛ କାଟି କୋଇଲା ଖନନ ଆରମ୍ଭ କରିଛି । ତେବେ କମ୍ପାନୀ ସ୍ଥାନୀୟ ଲୋକଙ୍କୁ ନିଯୁକ୍ତି ନଦେଇ ବାହାର ରାଜ୍ୟରୁ ଶ୍ରମିକ ଆଣି କାମ କରୁଥିବାରୁ ସ୍ଥାନୀୟ ଲୋକେ ତାତିଲେଣି । ଜିଲ୍ଲାପାଳଙ୍କୁ ଭେଟି ସେମାନେ ନିଜର ଅ୍ରସନ୍ତୋଷ ଜଣାଇଥିଲେ ମଧ୍ୟ କୌଣସି ସୁଫଳ ମିଳୁନଥିବା ଅଭିଯୋଗ ହୋଇଛି ।

ଭିଟାମାଟି ଛାଡ଼ିଲୁ, କମ୍ପାନୀ ପାଇଁ ଜମି ଦେଲୁ, ହେଲେ ନା ମିଳୁଛି କ୍ଷତିପୂରଣ, ନା ମିଳୁଛି ନିଯୁକ୍ତି । ସବୁ ପ୍ରତିଶ୍ରୁତିକୁ ପଛରେ ପକାଇ ଖୋଲାମୁହଁ ଖଣିରୁ କୋଇଲା ଖୋଳିଲାଣି କମ୍ପାନୀ । ପ୍ରତିବାଦ କଲେ ମିଳୁଛି ପୋଲିସର ଧମକ୍‌ । ଏଭଳି ପରିସ୍ଥିତିରେ ଏବେ ବଡ଼ ଧରଣର ଆନ୍ଦୋଳନ ପାଇଁ ସଜବାଜ ହେଲେଣି ସ୍ଥାନୀୟ ଲୋକେ । ରେଙ୍ଗାଲି ଓ ଝାରସୁଗୁଡ଼ାର କିଛି ରାଜନେତାଙ୍କ ଛତ୍ରଛାୟା ତଳେ ରହି କମ୍ପାନୀ କର୍ତ୍ତୃପକ୍ଷ ଦାଦାଗିରି ଚଳାଇଛନ୍ତି ବୋଲି କୁହାଯାଉଛି ।

କମ୍ପାନୀ ହେଲେ ସ୍ଥାନୀୟ ଲୋକଙ୍କ ଉନ୍ନତି ସହ ସ୍ଥାନୀୟ ଅଂଚଳର ବିକାଶ ହେବ । ସେଇ ଆଶାରେ ଏଠି ଲୋକେ ଭିଟାମାଟି ଛାଡ଼ିଲେ । ହେଲେ ଫଳ ଓଲଟା ହେବା ଦେଖି ଏବେ ଅସନ୍ତୋଷ ଜାହିର କରୁଛନ୍ତି । ଏ ସମ୍ପର୍କରେ ଆମେ ସମ୍ବଲପୁର ଜିଲ୍ଲାପାଳଙ୍କ ପ୍ରତିକ୍ରିୟା ନେବାକୁ ଚେଷ୍ଟା କରିଥିଲେ ମଧ୍ୟ କ୍ୟାମେରା ଆଗରେ ସେ କିଛି କହିବାକୁ ମନା କରିଦେଇଥିଲେ । ତେବେ  ସମୟ ଥାଉ ଥାଉ ବିସ୍ଥାପିତଙ୍କ ସମସ୍ୟା ସମାଧାନ ନହେଲେ ଆଗାମୀ ଦିନରେ ଆନ୍ଦୋଳନକୁ ଜୋର୍‌ଦାର କରିବାକୁ ଚେତାବନୀ ଦେଲେଣି ଅସନ୍ତୁଷ୍ଟ ଲୋକେ ।

   Related Posts