Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ଡିବି ନିଆଁରେ ପୋଡ଼ି ହୋଇଯ।ଇଥିବା କୁନିଝିଅ ଲିଜା ଚିକିତ୍ସା ପାଇଁ ଏସସିବିରେ ଭର୍ତ୍ତି : ନ୍ୟୁଜ୍ ସେଭେନରେ ଖବର ପ୍ରସାରଣ ସହାୟତା ପାଇଁ ଅଣ୍ଟା ଭିଡ଼ିଲା ପ୍ରଶାସନ

10/01/2019 at 6:50 PM

ଜଗତ୍‌ସିଂହପୁର ୧୦|୧: ଜଗତ୍‌ସିଂହପୁରର ଗୋପାଳପୁରରେ ଡିବି ନିଆଁରେ ପୋଡ଼ି ହୋଇଯ।ଇଥିବା କୁନିଝିଅ ଲିଜାକୁ ଚିକିତ୍ସା ପାଇଁ ଏସସିବିରେ ଭର୍ତ୍ତି କରାଯାଇଛି। ନ୍ୟୁଜ୍ ସେଭେନରେ ଖବର ପ୍ରସାରଣ ପରେ ଲିଜାର ଚିକିତ୍ସା ପାଇଁ ଜିଲ୍ଲା ପ୍ରଶାସନ ଅଣ୍ଟା ଭିଡ଼ିଛି । ୧୦୮ ଆମ୍ବୁଲାନ୍‌ସ ଯୋଗେଁ ଲିଜାକୁ ଏସସିବି ନିଆଯାଇଥିବା ବେଳେ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ।

ଲିଜାକୁ ମିଳିଲା ରାହା। ଲିଜାକୁ ଜିଲ୍ଲା ପ୍ରଶାସନ ହେଲା ସାହା । ୪ ଦିନ ହେଲା ଯନ୍ତ୍ରଣାରେ ଛଟପଟ ହେଉଥିଲା କିନ୍ତୁ ଆଜି ଚିକିତ୍ସାର ଆଶା ଦେଖାଦେଇଛି। କୁନି ଝିଅ ଥଙ୍ଗେଇ ଥଙ୍ଗେଇ ଚାଲୁଛି। ବାପା କାଖେଇ ନେଇ ଆମ୍ବୁଲାନ୍‌ସରେ ବସେଇଛନ୍ତି। ଲିଜାର ଚିକିତ୍ସା ପାଇଁ ପ୍ରଶାସନ ବନ୍ଦୋବସ୍ଥ କରିଛି। ସ୍ବତନ୍ତ୍ର ୧୦୮ ଆମ୍ବୁଲାନ୍‌ସରେ ଜଗତ୍‌ସିଂହପୁରର ଗୋପାଳପୁର ଗାଁରୁ ପୂରା ପରିବାରକୁ ନିଆଯାଇଛି ଏସସିବି ହସ୍ପିଟାଲ। ଦେହର ୬୦ ଭାଗ ପୋଡ଼ିଯାଇଛି ୫ ବର୍ଷର ଏହି କୁନି ଝିଅର।  ଡିବିରେ ପାଠ ପଢୁଥିବା ବେଳେ ଦେହରେ ନିଆଁ ଲାଗିଗଲା। ଲିଜାକୁ ହସ୍ପିଟାଲେ ଚିକିତ୍ସା କରିବା ପାଇଁ ବାପା ନାରାୟଣ ଲେଙ୍କାଙ୍କ ପାଖରେ ଟଙ୍କା ନଥିଲା। ପଡ଼ିଶା ଘରେ ଝିଅକୁ ଶୁଆଇଦେଇଥିଲ। ଆଉ ନ୍ୟୁଜ ସେଭେନରେ ଖବର ପ୍ରସାରଣ ପରେ ଆଜି ଝିଅର ଚିକିତ୍ସା ପାଇଁ ଜିଲ୍ଲାପ୍ରଶାସନ ବନ୍ଦୋବସ୍ଥ କରିଛି।  ଏଥିରେ ଗଦଗଦ ହୋଇଯାଇଛନ୍ତି ଲିଜାର ବାପା ମା

ଏ ହେଉଛି କଟକ ବଡ଼ ଡାକ୍ତରଖାନାରେ ଲିଜାର ବାପା ନାରାୟଣ ଲେଙ୍କା ଓ ପରିବାର ପହଞ୍ଚିବା ସମୟର ଦୃଶ୍ୟ।।  ଝିଅର ଚିକିତ୍ସା ପାଇଁ ଜିଲ୍ଲା ପ୍ରଶାସନ ଭଲ୍ୟୁଣ୍ଟର ମାନେ ବ୍ୟବସ୍ଥା କରିଥିଲେ। ଏଥିସହିତ ପ୍ରଶାସନ ନାରାୟଣଙ୍କ ପରିବାର ହାତରେ  ୫ ହଜାର ଟଙ୍କା ଦେଇଛନ୍ତି। ଲିଜାର ଚିକିତ୍ସା ଖର୍ଚ୍ଚ ସରକାର ବହନ କରିବେ ବୋଲି ଏହି ଘଟଣା ବିଷୟରେ ଜାଣିବା ପରେ ଖୁବ୍‌ ବ୍ୟଥିତ ହୋଇପଡ଼ିଥିବା ଜିଲ୍ଲାପାଳ ଯାମିନୀ ଷଡ଼ଙ୍ଗୀ କହିଛନ୍ତି

୪ଦିନ ଯନ୍ତ୍ରଣାରେ ଛଟପଟ ହେବା ପରେ ଏବେ ମିଳିଛି ରାହା। ଗାଁ ଲୋକଙ୍କଠାରୁ ଆରମ୍ଭ କରି ଜିଲ୍ଲା ପ୍ରଶାସନ ଏପରିକି  ନ୍ୟୁଜ ସେଭେନରେ ଏହି ଖବର ଦେଖିଥିବା ଅନେକ ବ୍ୟକ୍ତି ଲିଜାର ଖବର ଶୁଣି ବ୍ୟଥିତ ହୋଇଥିବା ବେଳେ ଆର୍ଥିକ ସହାୟତା ମଧ୍ୟ ଦେଇଛନ୍ତି।

   Related Posts