Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

୧୫ଜଣିଆ ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟରେ ବରିଷ୍ଠ ଆଇନଜୀବି ପରାସରଣ,ଶଙ୍କରାଚାର୍ଯ୍ୟ ଏବଂ ବରିଷ୍ଠ ପ୍ରଶାସନିକ ଅଧିକାରୀ

6/02/2020 at 11:37 AM

ନୂଆଦିଲ୍ଲୀ ୬/୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ସଂସଦରେ ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର ଘୋଷଣା କରିଥିଲେ। ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟରେ ୧୫ଜଣ ସଦସ୍ୟ ରହିବେ। ଏଥିରେ ୯ସ୍ଥାୟୀ ଏବଂ ୬ଜଣ ନାମିତ ସଦସ୍ୟ ରହିବେ। ସରକାର ଟ୍ରଷ୍ଟରେ ସାମିଲ ହୋଇଥିବା ସଦସ୍ୟଙ୍କ ନାଁ ଫାଇନାଲ୍ କରି ନେଇଛନ୍ତି।

ସୁପ୍ରିମ୍ କୋର୍ଟରେ ରାମଲଲା ବିରାଜମାନ ସପକ୍ଷରେ ଯୁକ୍ତି ବାଢ଼ିଥିବା ବରିଷ୍ଠ ଓକିଲ କେଶବନ୍ ଅୟଙ୍ଗାର ପରାସରଣ ଟ୍ରଷ୍ଟରେ ରହିବେ। ଟ୍ରଷ୍ଟରେ ଜଗତଗୁରୁ ଶଙ୍କରାଚାର୍ଯ୍ୟ, ଜଗତଗୁରୁ ମାଧବାନନ୍ଦ ସ୍ବାମୀ,ଯୁଗ ପୁରୁଷ ପରମାନନ୍ଦ ଜୀ ମହାରାଜଙ୍କ ନାଁ ମଧ୍ୟ ଏହି ତାଲିକାରେ ରହିବ। ଏହା ବ୍ୟତୀତ ପୁଣେର ଗୋବିନ୍ଦ ଦେବ ଗିରି,ଅଯୋଧ୍ୟାର ଡାକ୍ତର ଅନିଲ ମିଶ୍ରା,କାମେଶ୍ବର ଚୌପାଲ ଏବଂ ନିର୍ମୋହି ଅଖାଡ଼ାର ଧୀରେନ୍ଦ୍ର ଦାସଙ୍କ ନାଁ ମଧ୍ୟ ସାମିଲ ରହିଛି।

ରାମ ମନ୍ଦିର ଟ୍ରଷ୍ଟରେ ଜଣେ ପ୍ରତିନିଧି କେନ୍ଦ୍ର ସରକାରଙ୍କ ତରଫରୁ ନାମିତ କରାଯିବ। ଏହି ସଦସ୍ୟ ଭାରତୀୟ ପ୍ରଶାସନିକ ସେବାର ଓ୍ବାର୍କିଙ୍ଗ ସଦସ୍ୟ ରହିଥିବେ। ଜଣେ ପ୍ରତିନିଧି ରାଜ୍ୟ ସରକାରଙ୍କ ତରଫରୁ ନାମିତ କରାଯିବେ। ସେ ମଧ୍ୟ ରାଜ୍ୟ ସରକାରରେ ନିୟୋଜିତ ଜଣେ ଆଇଏଏସ୍ ଅଧିକାରୀ ହୋଇଥିବେ। ଏହା ସହିତ ଅଯୋଧ୍ୟାର ଜିଲ୍ଲାଧିକାରୀ ପଦେନ ଟ୍ରଷ୍ଟି ହେବେ।

କେଶବନ୍ ଅୟଙ୍ଗାର ପରାସରଣ, ଜଗତଗୁରୁ ଶଙ୍କରାଚାର୍ଯ୍ୟ,ଜ୍ୟୋତିଷପୀଠାଧିଶ୍ବର ସ୍ବାମୀ ବାସୁଦେବାନନ୍ଦ ଜୀ ମହାରାଜ,ଜଗତଗୁରୁ ମାଧବାନନ୍ଦ ସ୍ବାମୀ ବିଶ୍ବ ପ୍ରସନ୍ନାତୀର୍ଥ ଜି ମହାରାଜ ପୀଜାଓ୍ବର ମଠ,ଯୁଗପୁରୁଷ ପରମାନନ୍ଦ ଜି ମହାରାଜ, ଗୋବିନ୍ଦ ଦେବ ଗିରି,ବିମଳେନ୍ଦୁ ମୋହନ ପ୍ରତାପ ମିଶ୍ରା,ହୋମିଓପାଥି ଚିକିତ୍ସକ ଡାକ୍ତର ଅନିଲ ମିଶ୍ରା, କାମେଶ୍ବର ଚୌପାଲ,ମହନ୍ତ ଧୀରେନ୍ଦ୍ର ଦାସ ନିର୍ମାହୀ ଅଖାଡ଼ା,ସଙ୍କଳ୍ପ ଦ୍ବାରା ନାମିତ ଜଣେ ପ୍ରମୁଖ ବ୍ୟକ୍ତି,ଭାରତୀୟ ପ୍ରଶାସନିକ ସେବାରେ ସେବାରତ ଜଣେ ସଦସ୍ୟ,ରାଜ୍ୟ ସରକାର ଦ୍ବାରା ନାମିତ ଜଣେ ପ୍ରତିନିଧି ଏବଂ ରାଜ୍ୟ ସରକାରଙ୍କ ଅଧୀନସ୍ଥ ଭାରତୀୟ ପ୍ରଶାସନିକ ସେବାର ଜଣେ ସଦସ୍ୟ ଏବଂ ଅଯୋଧ୍ୟାର ଡିଏମ୍ ପଦେନ୍ ଟ୍ରଷ୍ଟି ହେବେ।

କେନ୍ଦ୍ର ସରକାରଙ୍କ ଗଜେଟ୍ ମୁତାବକ ଟ୍ରଷ୍ଟର ନାଁ ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ହେବ। ଟ୍ରଷ୍ଟର ପରାସରଣର ଆବାସ ଆର୨୦,ଗ୍ରେଟର କୈଳାଶ,ପାର୍ଟ-୧,ନୂଆଦିଲ୍ଲୀରୁ ଚାଲୁ ହେବ। ଟ୍ରଷ୍ଟି ନିଷ୍ପତ୍ତି ନେଇ ପାରିବେ ଯେ ଅଫିସ୍ କେଉଁଠି ସ୍ଥାନାନ୍ତର କରାଯାଇପାରିବ। ଟ୍ରଷ୍ଟ ସମ୍ପତ୍ତି ଏବଂ ଫଣ୍ଡ ଉଭୟର ସଞ୍ଚାଳନ କରିବ। ଟ୍ରଷ୍ଟ୍ ସମୟାନୁସାରେ ନିୟମରେ ପରିବର୍ତ୍ତନ କରିବ।

ଟ୍ରଷ୍ଟିରେ ରହିଥିବା ସମସ୍ତ ସଦସ୍ୟ ହିନ୍ଦୁ ହେବା ଅନିବାର୍ଯ୍ୟ। ସୁପ୍ରିମ କୋର୍ଟର ନିର୍ଦେଶ ଅନୁସାରେ ନିର୍ମାହି ଅଖାଡ଼ାର ମହନ୍ତ ଧୀରେନ୍ଦ୍ର ଦାସ ମଧ୍ୟ ଜଣେ ଟ୍ରଷ୍ଟି ହେବେ। ଏହି ଟ୍ରଷ୍ଟର ଚେୟାରମ୍ୟାନଙ୍କୁ ଟ୍ରଷ୍ଟି ନିଯୁକ୍ତ କରିବେ।

   Related Posts