ବାର୍ସିଲୋନା : କରୋନା ଭାଇରସ ମହାମାରୀ ଏବେ କେବଳ ମଣିଷଙ୍କଠାରେ ନୁହେଁ ଜୀବଜନ୍ତୁଙ୍କୁ ମଧ୍ୟ ସଂକ୍ରମିତ କରୁଥିବା ଜଣାପଡିଛି। ସ୍ପେନ୍ ବାର୍ସିଲୋନା ପ୍ରାଣୀ ଉଦ୍ୟାନରେ ୪ଟି ସିଂହ କୋଭିଡ ପରୀକ୍ଷଣରେ ପଜିଟିଭ ମିଳିଥିବା ଭେଟନାରୀ କର୍ତ୍ତୃପକ୍ଷ କହିଛନ୍ତି। ଉଦ୍ୟାନ ଅନ୍ତେବାସୀ ଜଲା, ନିମା ଓ କ୍ୟୁମ୍ବେ ସମେତ ଏକ ପୁରୁଷ ସିଂହର କୋଭିଡ ପରୀକ୍ଷଣ ଲାଗି ନମୁନା ସଂଗ୍ରହ କରାଯାଇଥିଲା। ସମସ୍ତେ ପଜିଟିଭ ଥିବା ଜଣାପଡିଛି।
{"id":374697,"sizeSlug":"large"}କେବଳ ପ୍ରାଣୀ ଉଦ୍ୟାନର ପଶୁ ନୁହନ୍ତି ଦୁଇ ଜଣ କର୍ମଚାରୀ ମଧ୍ୟ କୋଭିଡ ଚିହ୍ନଟ ହୋଇଛନ୍ତି। ତେବେ ସିଂହମାନେ କିପରି କରୋନା ସଂକ୍ରମିତ ହେଲେ ସେ ନେଇ ଉଦ୍ୟାନ କର୍ତ୍ତୃକ୍ଷ ଏବେ ଅନୁସନ୍ଧାନ କରୁଛନ୍ତି। ମଣିଷଙ୍କ ଠାରେ ଯେପରି ଆରଟି-ପିସିଆର ପରୀକ୍ଷଣ କରାଯାଉଛି ଜୁ କିପରମାନେ ସେହିପରି ସିଂହଙ୍କ କରୋନା ନମୁନା ସଂଗ୍ରହ କରିଛନ୍ତି।
{"id":374698,"sizeSlug":"large"}ପ୍ରାଣୀଉଦ୍ୟାନରେ କୋଭିଡ ସଂକ୍ରମଣ ଜଣାପଡିବା ବେଳେ କର୍ତ୍ତୃପକ୍ଷ ନ୍ୟୁୟର୍କର ବ୍ରୋଙ୍କସ ଜୁ ସହ ଏବେ ସମ୍ପର୍କରେ ଅଛନ୍ତି। ଗତ ଏପ୍ରିଲ ମାସରେ ବ୍ରୋଙ୍କସ ଜୁର ୪ଟି ବାଘ ଓ ୩ଟି ସିଂହ କୋଭିଡ ଚିହ୍ନଟ ହୋଇଥିଲେ। ସେତେବେଳେ ଉଦ୍ୟାନ କର୍ତ୍ତୃପକ୍ଷ ପରିସ୍ଥିତିକୁ କିପରି ଆୟତ୍ତ କରିଥିଲେ ସେ ନେଇ ପରାମର୍ଶ ନିମନ୍ତେ ବାର୍ସିଲୋନ ଜୁ କର୍ତ୍ତୃପକ୍ଷ ଉଦ୍ୟମ ଆରମ୍ଭ କରିଛନ୍ତି।
{"id":374699,"sizeSlug":"large"}ତେବେ ସାମାନ୍ୟ ଲକ୍ଷଣ ଥିବା ସିଂହମାନଙ୍କର ଉପଚାର କରାଯାଇଥିବା ବେଳେ ସେମାନଙ୍କ ଉପରେ ନଜର ରଖାଯାଇଥିବା ଉଦ୍ୟାନ କର୍ତ୍ତୃପକ୍ଷ କହିଛନ୍ତି। ସଂକ୍ରମିତ ସିଂହଙ୍କ ମଧ୍ୟରେ ପୁରୁଷ ସିଂହଟିର ବୟସ ୪ ବର୍ଷ ହୋଇଥିବା ବେଳେ ଅନ୍ୟ ୩ଟି ମାଇ ସିଂହିଙ୍କ ବୟସ ପ୍ରତ୍ୟେକ ୧୬ ବର୍ଷ ବୋଲି କର୍ତ୍ତୃପକ୍ଷ କହିଛନ୍ତି।