ଭୁବନେଶ୍ବର୩|୮: ଉପବାସରେ ମହାପ୍ରଭୁ ଲିଙ୍ଗରାଜ । ମହାପ୍ରଭୁଙ୍କ ଜମିରୁ ଜବରଦଖଲ କାରୀଙ୍କୁ ଉଛେଦ ଦାବିରେ ବ୍ରାହ୍ମଣ ଓ ପୂଜାପଣ୍ଡା ନିଯୋଗ ଅଡି ବସିଥିବାରୁ ଏପରି ଅବସ୍ଥା । ଜମି ଜବର ଦଖଲ ପାଇଁ ଉଭୟ ନିଯୋଗ ସିଧାସଳଖ ପ୍ରଶାସନକୁ ଦାୟୀ କରିଛନ୍ତି । ବଡ଼ୁ ନିଯୋଗ ମଧ୍ୟ ପ୍ରତିକ୍ରିୟାଶୀଳ । ସମସ୍ୟାର ସମାଧାନ ପାଇଁ ସବୁ ଉଦ୍ୟମ ଜାରି ରଖିଛି ଲିଙ୍ଗରାଜ ମନ୍ଦିରପରିଚାଳନା କମିଟ ……
{"id":152659}
ନୂଆଖାଇରେ ମହାପ୍ରଭୁ ଲିଙ୍ଗରାଜ ଉପାସ । ପଶ୍ଚିମ ଓଡିଶାର ଦେବାଦେବୀଙ୍କ ପୀଠରେ ନବାନ୍ନ ଲାଗି ହୋଇଛି, ଅଥଚ ଏପଟେ ଏକାମ୍ର କ୍ଷେତ୍ର ଅଧିପତିଙ୍କ ନୀତି ବିଭ୍ରାଟ । ନିଯୋଗ ବିବାଦରୁ ବଳି ପଡିଲା ମହାପ୍ରଭୁଙ୍କ ନୀତି ନିର୍ଘଣ୍ଟ । ଲିଙ୍ଗରାଜ ଜୀଉଙ୍କ ଜମିରୁ ଜବରଦଖଲ ଉଚ୍ଛେଦ ଏବଂ ବେଆଇନ ନିର୍ମାଣକୁ ପ୍ରତିରୋଧ ଦାବିରେ ଅଡି ବସିଛନ୍ତି ବ୍ରାହ୍ମଣ ଓ ପୂଜାପଣ୍ଡା ନିଯୋଗ । ସକାଳ ୭ଟାରୁ ବନ୍ଦ ରହିଛି ମହାପ୍ରଭୁଙ୍କ ନୀତି । ବିଭ୍ରାଟର ମୂଳ କଥା ହେଲା , ନୂଆ , ମଉଜାର ଗଙ୍ଗୁଆ ନାଳ ପାଖ ମହାପ୍ରଭୁଙ୍କ ଜମି । ଏହି ଜମିରୁ ଜବର ଦଖଲ ଉଚ୍ଛେଦ ପାଇଁ ବ୍ରାହ୍ମଣ ଓ ପୂଜାପଣ୍ଡା ନିଯୋଗ ଦାବି କରୁଛନ୍ତି । ଏପରିକି ମହାପ୍ରଭୁଙ୍କ ଜମିର ଜବର ଦଖଲ ନେଇ ପ୍ରାଶାସନକୁ ନିଯୋଗ ଦାୟୀ କରିଛନ୍ତି ।
{"id":152655}
ମହାପ୍ରଭୁଙ୍କ ଜମି ଜବର ଦଖଲ ନେଇ ବଡୁ ନିଯୋଗ ଆଡକୁ ଅଙ୍ଗୁଳି ଉଠିଥିବା ବେଳେ, ତାହାର ତୀବ୍ର ବିରୋଧ କରିଛି ବଡୁ ନିଯୋଗ । ସଂପୃକ୍ତ ସ୍ଥାନଟିକୁ ରାଜା ୫୦୦ବର୍ଷ ପୂର୍ବେ ସେମାନଙ୍କ ବଂଶଧରଙ୍କୁ ଦେଇଥିବା ବଡୁ ନିଯୋଗ ଯୁକ୍ତି ରଖିଛି । ତେଣୁ ବଡ଼ୁ ନିଯୋଗ ମନ୍ଦିରର ସେବା କରୁଥିବା ପର୍ଯ୍ୟନ୍ତ ଏହି ଜମିକୁ ବ୍ୟବହାର କରିପାରିବ । ତାସହ କୋର୍ଟରେ ଏହି ମାମଲାର ନିଷ୍ପତ୍ତି ବଡୁ ନିଯୋଗ ସପକ୍ଷରେ ଆସିଥିବା ବେଳେ, ସେଠାରେ ନିର୍ମାଣ କାର୍ଯ୍ୟ ଚାଲିଛି । ୧୩୦ ଟି ପରିବାର ସେହି ଜମିରେ ଦୋକାନ ଘର କରି ତାହା ଉପରେ ନିର୍ଭର କରୁଥିବା କହିଛନ୍ତି ବଡ଼ୁ ନିଯୋଗ ସଂପାଦକ ।
{"id":152656}
ଜମି ଦଖଲ ପ୍ରସଙ୍ଗ ନେଇ ବିବାଦ ବେଳେ ଭିନ୍ନ ମତ ରଖିଛନ୍ତି ଲିଙ୍ଗରାଜ ମନ୍ଦିରପରିଚାଳନା କମିଟର କାର୍ଯ୍ୟନିର୍ବାହୀ ଅଧିକାରୀ । ବଡ଼ୁ ନିଯୋଗ ମନ୍ଦିର ଟ୍ରଷ୍ଟର ସଦସ୍ୟ ହୋଇଥିବା ବେଳେ ସେମାନେ ଏବେ କରୁଥିବା ନିର୍ମାଣ ଲାଗି ଦେବେତ୍ତର ବିଭାଗ , ବିଏମସି କିମ୍ବା ବିଡ଼ିଏ ଠାରୁ ଅନୁମତି ନେଇନାହାନ୍ତି । ଅନ୍ୟପକ୍ଷରେ ସେହି ସ୍ଥାନରେ ୧୪୪ ଧାରା ଜାରିରହିଛି। ତେଣୁ ବିବାଦର ସମାଧାନ ବାହାରିବାର ଉଦ୍ୟମ ବେଳେ ମହାପ୍ରଭୁଙ୍କ ନୀତିନୀର୍ଘଣ୍ଟ ତୁରନ୍ତଆରମ୍ଭ କରିବାକୁ ସେ ନିଯୋଗଙ୍କୁ ଅନୁରୋଧ କରିଛନ୍ତି।
{"id":152657}
ପରସ୍ପର ବିରୋଧ କିମ୍ବା ଅନ୍ୟ କିଛି ବିବାଦରେ ମହାପ୍ରଭୁଙ୍କ ନୀତି ନିର୍ଘଣ୍ଟରେ ବାଧା ଦିଆଯିବା ଓ ଶ୍ରଦ୍ଧାଳୁଙ୍କ ଭାବନାରେ ଆଘାତ ଦିଆଯିବା ଠିକ୍ ନୁହେଁ । ଏହି ପରିପ୍ରେକ୍ଷୀରେ ମହାପ୍ରଭୁଙ୍କ ନୀତି ଓ ମନ୍ଦିର ପରିଚାଳନା ସହ ସଂପୃକ୍ତ ସମସ୍ତ ପକ୍ଷ ତୁରନ୍ତ ସ୍ଥିତି ସ୍ବାଭାବିକ କରିବାକୁ ପଦକ୍ଷେପ ନେବା ଜରୁରି ।
{"id":152658}
