ନୂଆଦିଲ୍ଲୀ ୦୧/୦୩: ସାତ ବର୍ଷର ଝିଅ ଲିଜା ସ୍କଟ୍ ତାଙ୍କ ମା ଏଲିଜାବେଥଙ୍କ ବେକେରୀରେ ଲେମ୍ବୁ ପାଣି ବିକ୍ରି କରି ଟଙ୍କା ସଂଗ୍ରହ କରୁଛନ୍ତି । ଯାହାର କାରଣ ଜାଣିଲେ ଆପଣଙ୍କ ଆଖିରେ ଲୁହ ଆସିଯିବ । ସେ ପକେଟ୍ ଖର୍ଚ୍ଚ କିମ୍ବା କୌଣସି ଖେଳନା ପାଇଁ ଏହି ଟଙ୍କା ଜମା କରୁନାହାଁନ୍ତି, ବରଂ ବ୍ରେନ୍ ସର୍ଜରୀ ପାଇଁ ସେ ଏହି ଟଙ୍କା ଜମା କରୁଛନ୍ତି । ବାସ୍ତବରେ, ଲିଜା ସ୍କଟ୍ ସେରେବ୍ରାଲ୍ ମାଲଫର୍ମେସନ୍ ନାମକ ଏହି ରୋଗ ସହିତ ସଂଘର୍ଷ କରୁଛନ୍ତି, ଯେଉଁ କାରଣରୁ ତାଙ୍କ ମସ୍ତିଷ୍କରେ ୩ଟି ଜାଗାରେ ସମସ୍ୟା ରହିଛି ।
ତାଙ୍କ ମା ଏଲିଜାବେଥ କହିଛନ୍ତି, ଏହି କାରଣରୁ ଲିଜା ଏକ ମାସ ପୂର୍ବରୁ ଅତ୍ୟଧିକ ଭୟଭୀତ ହୋଇ ବେହୋସ ହୋଇ ଯାଇଥିଲେ । ଅନୁସନ୍ଧାନ ପରେ ଜଣା ପଡିଲା ଯେ ଏହା ଏକ ପ୍ରକାରର ମସ୍ତିଷ୍କ ରୋଗ । ଡାକ୍ତରମାନେ ଲିଜାଙ୍କ ସର୍ଜରୀ କରିବାକୁ କହିଛନ୍ତି ଯେଉଁଥିପାଇଁ ତାଙ୍କ ପରିବାର ଟଙ୍କା ସଞ୍ଚୟ କରୁଛନ୍ତି । ମା’ଙ୍କ ବୋଝ କମାଇବା ପାଇଁ ୭ ବର୍ଷିୟା ଲିଜା ମଧ୍ୟ ବେକେରୀରେ ଲେମ୍ବୁ ପାଣି ବିକ୍ରି କରୁଛନ୍ତି ।
ବୋଷ୍ଟନ ଚିଲ୍ଡରେନ୍ ହସପିଟାଲରେ ଲିଜାଙ୍କ ସର୍ଜରୀ କରାଯିବ ବୋଲି ତାଙ୍କ ମା କହିଛନ୍ତି । ଏହିପରି ଅସୁବିଧା ସତ୍ତ୍ୱେ ଲିଜା ଧୈର୍ଯ୍ୟ ହରାଇ ନାହାଁନ୍ତି ଏବଂ ତାଙ୍କ ମାଙ୍କୁ ସାହସ ଦେଉଛନ୍ତି । ଅସୁସ୍ଥତା କାରଣରୁ ଯେତେବେଳେ ଲିଜାଙ୍କୁ କୌଣସି ଅସୁବିଧା ହୁଏ କିମ୍ବା ନିଦ ହୋଇନଥାଏ, ସେତେବେଳେ ତାଙ୍କୁ ସାହାସ ଏବଂ ଶକ୍ତି ଯୋଗାଇବା ପାଇଁ ସେ ଭଗବାନଙ୍କୁ କରିବାକୁ ପ୍ରାର୍ଥନା କରିଥାନ୍ତି ।
ଏଲିଜାବେଥ ଝିଅ ପାଇଁ ଇନ୍ସୁରାନ୍ସ କରିଥିଲେ କିନ୍ତୁ, ହୋଟେଲ ଏବଂ ମେଡିସିନ୍ ପାଇଁ ଜମା ହୋଇଥିବା ଟଙ୍କା ଖର୍ଚ୍ଚ ହୋଇ ଯାଇଥିଲା । ତଥାପି, ଅନେକ ଲୋକ ଏଲିଜାବେଥଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି । ଆଜିକାଲି, ଟିକିଏ ଅସୁବିଧା କିମ୍ବା ସାମାନ୍ୟ ଅସୁସ୍ଥତା ହେଲେ ଲୋକମାନେ ଭୟଭୀତ ହୋଇ ଯାଇଥାନ୍ତି । କିନ୍ତୁ ଏହି ୭ବର୍ଷର ଝିଅ ଲିଜା ସମସ୍ତଙ୍କ ପାଇଁ ପ୍ରେରଣା ପାଲଟିଛନ୍ତି ।