Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଦେବଭୂମିରେ ଦୁର୍ଘଟଣା : ବଜ୍ରପାତରେ ପଡିଗଲା ଗଙ୍ଗା ଘାଟ ‘ହର କି ପୋୖଡି’ର ୮୦ ଫୁଟ ଉଚ୍ଚ କାନ୍ଥ

21/07/2020 at 2:03 PM

ହରିଦ୍ୱାର ୨୧/୦୭ : ଦେବଭୂମି ହରିଦ୍ୱାରରେ ଗତକାଲି ଵିଲମ୍ବିତ ରାତିରେ ଝଡତୋଫାନ ଓ ବଜ୍ରପାତ ଯୋଗୁଁ ପ୍ରସିଦ୍ଧ ହର କି ପୋୖଡିର ଗୋଟିଏ ପାଚେରୀ ଭୁଶୁଡି ପଡିଛି | କାନ୍ଥ ପଡି ଏହାର ଭଗ୍ନାବଶେଷ ମନ୍ଦିର ଚାରିପାଖେ ବିଛେଇ ହୋଇ ପଡିଥିଲା | ତେବେ ସୌଭାଗ୍ୟବଶତ କାନ୍ଥ ରାତିରେ ପଡିଥିଲା ଏବଂ ସେତେବେଳେ ସେଠାରେ କେହି ଉପସ୍ଥିତ ନଥିଲେ | ଯାହାଫଳରେ କୌଣସି ବଡ ଦୁର୍ଘଟଣା ଘଟିନଥିଲା | ଦୁର୍ଘଟଣା ଦିନବେଳେ ହୋଇଥିଲେ ଅନେକ ଲୋକଙ୍କ ଜୀବନ କ୍ଷୟକ୍ଷତି ହେବାର ଆଶଙ୍କା କରାଯାଉଛି |

ହର କି ପୋୖଡିର କାନ୍ଥ ପଡିଯିବା ସୂଚନା ପାଇ ଗଙ୍ଗା ସଭାର ପଦାଧିକାରୀ, ସାଧୁସନ୍ଥ ଓ ଜିଲ୍ଲା ପ୍ରଶାସନ ଟିମ ଘଟଣାସ୍ଥଳରେ ପହଞ୍ଚିଥିଲେ | ମାଟି ତଳେ ବିଜୁଳି ଲାଇନ କାର୍ଯ୍ୟ ଓ ଗ୍ୟାସ ପାଇପ ଲାଇନ କାର୍ଯ୍ୟ ପାଇଁ ମାଟି ଖୋଳା ଯାଇଥିଲା | ଯାହାଫଳରେ ଖାଲମାନଙ୍କରେ ବର୍ଷା ପାଣି ଭର୍ତ୍ତି ହୋଇଯିବାରୁ ଏହିଭଳି ଅଘଟଣ ଘଟିଥିବା ଆଶଙ୍କା କରାଯାଉଛି | ଏହାକୁ ନେଇ ବର୍ତ୍ତମାନ ଜିଲ୍ଲା ପ୍ରଶାସନ କାର୍ଯ୍ୟଶୈଳୀ ଉପରେ ମଧ୍ୟ ପ୍ରଶ୍ନ ଉଠୁଛି |

ଗଙ୍ଗା ସଭାର ମହାମନ୍ତ୍ରୀ ତନ୍ମୟ ବଶିଷ୍ଠ କହିଛନ୍ତି ଯେ ସୋମବାର ରାତି ପ୍ରାୟ ୩ଟା ସମୟରେ ବଜ୍ରପାତ ଯୋଗୁଁ ଗଙ୍ଗା ଘାଟ କାନ୍ଥ ପଡିଯାଇଥିଲା | ଷୋମବାର ଦିନ ସୋମବତୀ ପର୍ବ ଥିଲା | ଯେଉଁଥିପାଇଁ ଘାଟରେ ଲୋକଙ୍କ ଭିଡ ଥିଲା | ଯଦି ଏହି କାନ୍ଥ ସକାଳେ ପଡିଥାନ୍ତା ତାହେଲେ ଅନେକ କ୍ଷୟକ୍ଷତି ହୋଇଥାନ୍ତା | କିନ୍ତୁ ଗଙ୍ଗା ମା’ଙ୍କ କୃପାରୁ ଏକ ବଡ ଦୁର୍ଘଟଣା ଟଳିଗଲା |

ଘଟଣାର ତଦନ୍ତ ପାଇଁ ଜିଲ୍ଲା ପ୍ରଶାସନ ଟିମ ଘଟଣାସ୍ଥଳରେ ପହଞ୍ଚିଛନ୍ତି | ଉପ ଜିଲ୍ଲା ଅଧିକାରୀ କୁସୁମ ଚୌହାନ କହିଛନ୍ତି ଯେ କାନ୍ଥ ପଡିବାରୁ କାରଣର ଯାଞ୍ଚ ହେବ | କାନ୍ଥ କାହିଁକି ପଡିଲା ତାର ତଦନ୍ତ ପାଇଁ ପ୍ରଶାସନ ଏକ ଟିମ ଗଠନ କରିଛି |

   Related Posts