ନ୍ୟୁୟର୍କ ୨୧।୧୧ - ମଙ୍ଗଳ ଗ୍ରହରେ ଜୀବନ ଥିବାର ପ୍ରମାଣ ମିଳିଛି । ମଙ୍ଗଳ ଗ୍ରହକୁ ଆମେରିକାର ମହାକାଶ ଗବେଷଣା ସଂସ୍ଥା ନାସା ପଠାଇଥିବା ରୋଭର ସେଠାରେ କେତକ ହାଇ ରିଜୋସଲ୍ୟୁସନ ଫଟୋ ଉଠାଇଥିଲା । ସେଥିରୁ ମଙ୍ଗଳରେ ଜୀବନର ପ୍ରମାଣ ମିଳିଥିବା କଥା ବୈଜ୍ଞାନିକମାନେ କହିଛନ୍ତି ।
{"id":187635,"sizeSlug":"large"}
ଏହି ଫଟରୁ ଆଥ୍ରୋପଡ ବା ସନ୍ଧିପାଦ ଜୀବନ ପ୍ରମାଣ ମିଳୁଛି । ସନ୍ଧିପାଦ ଜୀବ ପ୍ରାୟତଃ କୀଟ ପତଙ୍ଗ ପରି । ଏମାନଙ୍କର ଅନେକ ପାଦ ଥାଏ । ବିଭିନ୍ନ ଫଟୋରେ ଏହି ଜୀବମାନଙ୍କର ପାଦ, ଶୁଣ୍ଢ ଓ ଡେଣା ଥିବା ଦେଖାଯାଇଛି । ଓହିଓ ୟୁନିଭରସିଟିର ପ୍ରଫେସର ଓ୍ୱିଲିୟମ ରୋମୋସେର ଏ ବିଷୟରେ ସୂଚନା ଦେଇଛନ୍ତି । ତେବେ କେତକ ବୈଜ୍ଞାନିକ ଏହି ଫଟୋ ଉପରେ ସନ୍ଦେହ ପ୍ରକାଶ କରିଛନ୍ତି ।
ରୋଭର ଉଠାଇଥିବା ଅନେକ ଫଟୋରେ ଏହି ସନ୍ଧିପାଦ ଜୀବ ପରି ଅନେକ କିଛି ଦେଖିବାକୁ ମଳିଛି । ମଙ୍ଗଳର ଭୂମି ଉପରେ ରୋଭର ଚକାର ଚିହ୍ନ ଥିବା ବେଳେ ଏହି କୀଟ ପତଙ୍ଗ ପରି ଜୀବ ଦେଖିବାକୁ ମିଳିଛି ।
ରୋଭରରୁ ମିଳିଥିବା ଏହି ସବୁ ଫଟୋର ଉନ୍ନତ ଓ ପରିଷ୍କାର ଫର୍ମାଟ ମିଳିଲେ ଏ ବିଷୟରେ ଅଧିକ ଗବେଷଣା କରିହେବ ବୋଲି ରୋମୋସେର କହିଛନ୍ତି ।
ଏହି ଗବେଷଣାକୁ ଆମେରିକାର ଜାତୀୟ କୀଟ ବିଜ୍ଞାନୀ ସମ୍ମିଳନୀରେ ଉପସ୍ଥାପନ କରାଯାଇଛି ।
