ଭାରତରେ କରୋନା ମହାମାରୀ ପାଇଁ ଭାଙ୍ଗିଯାଇଛି ଲୋକଙ୍କ ଆର୍ଥିକ ମେରୁଦଣ୍ଡ । ସାଧାରଣ ଗରୀବ ଲୋକ କଣ ଠପ ହୋଇପଡିଛି ଦେଶର ସ୍ଥିତି । ଏହାରି ଭିତରେ ସାମ୍ନାକୁ ଆସିଛି ତଥ୍ୟ । ଯେଉଁଥିରୁ ଜଣାପଡିଛି ଦେଶରେ ରହୁଥିବା ଲୋକଙ୍କ ବୟସ ଉପରେ ମଧ୍ୟ ଏହାର ପ୍ରଭାବ ପଡିଛି । ଇଣ୍ଟରନ୍ୟାସନାଲ ଇନଷ୍ଟିଚ୍ୟୁଟ୍ ଫର ପପୁଲେସନ୍ ଷ୍ଟଡିଜ୍ (ଆଇପିଏସ୍) ଦ୍ୱାରା କରାଯାଇଥିବା ଏକ ଅଧ୍ୟୟନ ଅନୁଯାୟୀ, କରୋନା କାରଣରୁ ଭାରତରେ ଲୋକଙ୍କ ଆୟୁଷ ପ୍ରାୟ ଦୁଇ ବର୍ଷ ହ୍ରାସ ପାଇଛି ।
ଅନୁସନ୍ଧାନରୁ ଜଣାପଡିଛି ଯେ ଜନ୍ମ ସମୟରୁ ପୁରୁଷଙ୍କ ଆୟୁ ୨୦୧୯ ରେ ହାରାହାରି ୬୯.୫ ବର୍ଷ ଘଟି ୨୦୨୦ ରେ ୬୭.୫ ବର୍ଷକୁ ହ୍ରାସ ପାଇଛି । ଅନ୍ୟପକ୍ଷରେ, ମହିଳାମାନଙ୍କ ମଧ୍ୟରେ ଆୟୁଷ ୨୦୧୯ରେ ୭୨ବର୍ଷରୁ ଘଟି ୨୦୨୦ରେ ୬୯.୮ବର୍ଷକୁ ଖସି ଆସିଛି । ଆଇପିଏସ୍ ଆସିଷ୍ଟାଣ୍ଟ ପ୍ରଫେସର ସୂର୍ଯ୍ୟକାନ୍ତ ଯାଦବ କହିଛନ୍ତି ଯେ ଏହି ଅଧ୍ୟୟନ ଗୁରୁବାର ବିଏମସି ଜନସ୍ୱାସ୍ଥ୍ୟରେ ପ୍ରକାଶିତ ହୋଇଛି ।
ସେ କହିଛନ୍ତି ଯେ ଜନ୍ମ ସମୟରେ ଆୟୁଷ ଅର୍ଥ ହେଉଛି ଯଦି ନବଜାତ ଶିଶୁର ଆୟୁ ହାରାହାରି କେତେ ଦିନ ରହିପାରେ, ଯଦି ଏହାର ଆଖପାଖ ଅବସ୍ଥା ସ୍ଥିର ରହେ । ନୂତନ ଅଧ୍ୟୟନରେ ମନୁଷ୍ୟର ଜୀବନର ଅସମାନତା ଅବଧି ମଧ୍ୟ ଦେଖାଗଲା । ଏହା ଦେଖାଯାଇଛି ଯେ କରୋନା ଦ୍ୱାରା ଅଧିକାଂଶ ମୃତ୍ୟୁ ୩୫ ରୁ ୬୯ ବର୍ଷ ବୟସ ବର୍ଗରେ ଘଟିଛି । ରିପୋର୍ଟରେ କୁହାଯାଇଛି ଯେ ୨୦୨୦ ମସିହାରେ ସାଧାରଣ ବର୍ଷ ତୁଳନାରେ ୩୫-୭୯ ବର୍ଷ ବୟସରେ ଅତିରିକ୍ତ ମୃତ୍ୟୁ ଘଟିଛି । ଯାହାକି ଭାରତରେ ଆୟୁଷ ହ୍ରାସ ହେବାର ଏହା ହେଉଛି ଏକ ମୁଖ୍ୟ କାରଣ ।