Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||

ଜନତାଙ୍କୁ ଲାଗିବ ବଡ଼ ଝଟକା, ଏଲଆଇସି ହେବ ବନ୍ଦ! ଜାଣନ୍ତୁ ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ମେସେଜରେ କେତେ ରହିଛି ସତ୍ୟତା

15/10/2019 at 8:25 PM

ନୂଆଦିଲ୍ଲୀ୧୫|୧୦: ଗତ କିଛି ମାସ ହେବ ଭାରତୀୟ ଜୀବନ ବୀମା ନିଗମର ଆର୍ଥିକ ସ୍ଥିତି ଖରାପ ଆଡକୁ ଗତି କରୁଥିବା ନେଇ ଚର୍ଚ୍ଚା ଚାଲିଛି । ନିକଟରେ ସୋସିଆଲ ମିଡିଆରେ ଏକ ମେସେଜ ଭାଇରାଲ ହୋଇଥିଲା। ଯେଉଁଥିରେ ଭାରତୀୟ ଜୀବନ ବୀମା ନିଗମ (ଏଲଆଇସି)ର ଆର୍ଥିକ ସ୍ଥିତି ଭଲ ନାହିଁ ବୋଲି ଉଲ୍ଲେଖ ହୋଇଥିଲା। ଏହି ସମୟରେ ଏଲଆଇସିକୁ ନେଇ ବିଭିନ୍ନ ଗୁଜବ ମଧ୍ୟ ଉଠିଥିଲା। ଏଲଆଇସିର ଶେୟାର ବିକ୍ରି ହୋଇଯାଇଥିବା କଥା ମଧ୍ୟ ଲୋକମାନେ ଆଲୋଚନା କରିଥିଲେ। ସୋସିଆଲ ମିଡିଆରେ ଭାଇରାଲ ହୋଇଥିବା ମେସେଜର ପ୍ରକୃତ ସତ୍ୟ ଏବେ ସାମ୍ନାକୁ ଆସିଛି।

ସୂଚନାଯୋଗ୍ୟ ଯେ ସୋସିଆଲ ମିଡିଆରେ ଭାଇରାଲ ମେସେଜ ପୂରା ମିଛ ବା ଫେକ୍‌ ଓ ଭାଇରାଲ୍‌ ପୋଷ୍ଟ  ବୋଲି ଜଣା ପଡିଛି । ଏନେଇ ଏଲଆଇସି ପକ୍ଷରୁ ମଧ୍ୟ ଏକ ବିଜ୍ଞପ୍ତି ଜାରି କରି ସ୍ପଷ୍ଟୀକରଣ ଦିଆଯାଇଥିଲା। ଏହି ଭାଇରାଲ୍‌ ମେସେଜରେ ଉଲ୍ଲେଖ ହୋଇଥିଲା ଯେ ମୋଦିଙ୍କ ଯୋଗୁଁ ଏଲଆଇସିରେ ଟଙ୍କା ନିବେଶ କରିଥିବା ବ୍ୟକ୍ତି ଅସୁବିଧାରେ ପଡିପାରନ୍ତି ।

ଏଥିସହ ଅନ୍ୟ ସଂସ୍ଥାରେ ପୁଞ୍ଜି ନିବେଶ କରିବା ପାଇଁ ପରାମର୍ଶ ଦେବା ସହ ଏଲଆଇସିର ୮୦ ପ୍ରତିଶତ ଶେୟାର ବିକ୍ରି ହୋଇଯାଇଥିବା କଥା ମଧ୍ୟ ମେସେଜରେ କୁହାଯାଇଥିଲା। ଏହି ମେସେଜ ଭାଇରାଲ ହେବା ପରେ ଏଲଆଇସି ପ୍ରତି କିଛି ଲୋକଙ୍କ ଭରସା ଉଠି ଯାଇଥିଲା।

ଏପରିକି ଏଲଆଇସିର ବିରିଷ୍ଠ ଅଧିକାରୀମାନେ ଫେକ୍ ମେସେଜ ସଂପର୍କରେ ସ୍ପଷ୍ଟୀକରଣ ଦେଇଥିଲେ। ଏଲଆଇସି ଭଳି ଏକ ଖ୍ୟାତିନାମା ସଂସ୍ଥାକୁ ବଦନାମ କରିବା ଲାଗି ଏମିତି କିଏ ଷଡଯନ୍ତ୍ର ରଚି ଥାଇପାରେ ବୋଲି ଏଲଆଇସିର ଅଧିକାରୀ କହିଥିଲେ। ଏଲଆଇସିର ଅଧିକାରୀ ଅମିତ୍‌ ସିଂହ କହିଛନ୍ତି ଯେ ଏଲଆଇସି ପୂରା ଲାଭରେ ଅଛି । ସୋସିଆଲ ମିଡିଆରେ ଭାଇରାଲ ମେସେଜ ଫେକ୍ ବା ଏକ ମିଛ ଭାଇରାଲ୍‌ ଖବର ବୋଲି ସେ କହିଥିଲେ।

   Related Posts