Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପଲିସି ହୋଲ୍ଡରସଙ୍କ ଲାଗି ସୁବର୍ଣ୍ଣ ସୁଯୋଗ ଆଣିଲା ଏଲଆଇସି, ଜାଣନ୍ତୁ କ’ଣ

ନୂଆଦିଲ୍ଲୀ୨୩|୯: ଭାରତୀୟ ଜୀବନ ବୀମା ନିଗମ (ଏଲଆଇସି) ନିଜ ଗ୍ରାହକଙ୍କ ଲାଗି ଏକ ନୂଆ ଅଫର ଆଣିଛି। ବନ୍ଦ ହୋଇପଡିଥିବା ପୁରୁଣା ପଲିସିକୁ ପୁଣି ଥରେ ଆରମ୍ଭ କରିବା ଲାଗି ଏଲଆଇସି ନିଜ ଗ୍ରାହକଙ୍କୁ ସୁଯୋଗ ଦେଇଛି। ଲମ୍ବା ସମୟଧରି ପଲିସିର ପ୍ରିମିୟମ ଭରିନଥିବା ହେତୁ ପଲିସି ଲ୍ୟାପ୍ସ ହୋଇଯାଇଥାଏ। ତେବେ ଆପଣଙ୍କ ପଲିସିକୁ ପୁଣି ଥରେ ଆରମ୍ଭ କରି ପାରିବେ। ଏଥିଗଲାଗି ସ୍ପେଶାଲ ରିଭାଇଭାଲ କ୍ୟାମ୍ପେନ(Special Revival Campaign)ଏଲଆଇସି ଆରମ୍ଭ କରିଛି।

ଏଲଆଇସି ଟ୍ବିଟକରି ସୂଚନା ଦେଇଛି ଯେ, ସ୍ପେଶାଲ ରିଭାଇଭାଲ କ୍ୟାମ୍ପେନ ସେପ୍ଟେମ୍ବର ୧୬ ତାରିଖରୁ ଆରମ୍ଭ ହୋଇସାରିଛି। ଏହି କ୍ୟାମ୍ପେନ ଆସନ୍ତା ନଭେମ୍ବର ୧୫ ତାରିଖ ପର୍ଯ୍ୟନ୍ତ ଚାଲିବ। ଯେଉଁ ଏଲଆଇସିଧାରୀଙ୍କ ପଲିସି ବନ୍ଦ ହୋଇଯାଇଛି। ସେମାନେ ଏହି ସୀମିତ ମଧ୍ୟରେ ପୁଣି ପଲିସି ଆରମ୍ଭ କରି ପାରିବେ। ଏହି ସୁବିଧା ସେହି ଗ୍ରାହକ ପାଇପାରିବେ ଯେଉଁମାନେ ପଲିସିକୁ ହସ୍ତାନ୍ତର କରି ନଥିବେ। ଯେଉଁମାନେ ପଲିସିକୁ ହସ୍ତାନ୍ତର କରି ଦେଇଥିବେ ସେମାନେ ଏହି ସୁବିଧାର ଫାଇଦା ଉଠାଇ ପାରିବେ ନାହିଁ।

ଏଲଆଇସି ଟ୍ବିଟକରି ଆହୁରି ମଧ୍ୟ ସୂଚନା ଦେଇଛି ଯେ, ପଲିସିକୁ ରିଭାଇଭାଲ କଲେ ଗ୍ରାହକଙ୍କୁ ଡେଥ୍‌ ବେନିଫିଟ୍‌ ମଧ୍ୟ ମିଳିବ। ଅଚନାକ ପଲିସିଧାରୀଙ୍କ ମୃତ୍ୟୁ ହେଲେ ସେମାନଙ୍କ ନୋମିନୀଙ୍କୁ ଟଙ୍କା ମିଳିବ। ସୂଚନାଯୋଗ୍ୟ ଯେ, ପ୍ରିମିୟମ ନଭରି ଯୋଗୁଁ ପଲିସି ଲ୍ୟାପ୍ସ ହୋଇଯାଇଥାଏ। ତେଣୁ ଏହି ସୁବିଧାରେ ଫାଇଦା ଉଠାଇବା ଲାଗି ହେଲେ ୩ ବର୍ଷରୁ କମ ଦିନ ପର୍ଯ୍ୟନ୍ତ ପଲିସି ଲ୍ୟାପ୍ସ ହୋଇଥିବା ଆବଶ୍ୟକ। ୩ ବର୍ଷ ଅଧିକ ଦିନ ପର୍ଯ୍ୟନ୍ତ ବନ୍ଦ ହୋଇଥିବା ପଲିସିଧାରୀ ଏହି ସ୍ପେଶାଲ ରିଭାଇଭାଲର ସୁବିଧାର ଫାଇଦା ଉଠାଇ ପାରିବେ ନାହିଁ

879 Views

   ସମ୍ବନ୍ଧିତ ଖବର